10/08/2026
Жинхэнэ "аймшигтай" хүмүүс бол амархан уурлаж, хашгирдаг хүмүүс гэж бодож байна уу?
Үгүй дээ харин ч эсэргээрээ үргэлж дөлгөөн байдаг сайн санаатай хүмүүс хамгийн айхтар хүмүүс байдаг юм.
Тийм хүмүүс зөөлөн харагддаг учраас хүмүүс амархан гомдоож, дураараа авирлаж болно гэж боддог ч энэ нь тийм биш юмаа.
Тэд бусдын бүдүүлэг занг шууд уурлаж хүлээн авдаггүй, хэд хэдэн удаа уучлан өршөөж, худал хэлснийг нь мэдсэн ч мэдээгүй царайлаад өнгөрөөдөг.
Тийм учраас бусад хүмүүс тэднийг "Яасан ч яадаг юм, угаасаа уучлаад өнгөрнө" гэж эндүүрч андуурдаг.
Гэхдээ уучлаарай! Тэдэнд ч бас хил хязгаар гэж бий!
Сайн хүмүүсийн зүрх сэтгэлд хэзээ ч зөрчдөггүй өөрийн гэсэн шугам хил хязгаа байдаг юмаа.
Тэд шууд дургүйцлээ илэрхийлдэггүй ч дотроо бусдын гаргаж буй зүй бус үйлдлийг нэг бүрчлэн тоолж, хэмжиж байдаг.Хэрэв тэрхүү хязгаарыг давж гарвал тэд тэвчээд байхаа больж, уурлаж бухимдах ч үгүй, өмнөх шигээ халамжлан хүлээж авах ч үгүй бөгөөд зүгээр л чимээгүйхэн холдож оддог.
Тэд утсаа авахгүй, ямар нэгэн тайлбар хийхгүй, учраа олох гэж ч оролдохгүй.
Хожим нь уучлалт гуйлаа гээд нэгэнт оройтсон байдаг даа.
Тэд хангалттай удаан тэвчиж, хангалттай олон удаа боломж олгосон байдаг юм.
