24/02/2026
Цагаан сарын дараа бие хүнд, гэдэс дүүрсэн мэдрэмж төрж байна уу?
🌿Эслэгээр баялаг хүнсээр ходоодоо амрааж,
биеэ сэргээх хялбар аргуудыг танилцуулж байна
🥗 Хүрэн манжин — гүн цэвэрлэгээ, байгалийн сэргээш
Хүрэн манжин нь байгалийн сэргээш гэж нэрлэдгийг та мэдэх үү? Эслэг, антиоксидантаар баялаг тул гэдэсний гүрвэлзэх хөдөлгөөнийг дэмжиж, элэгний үйл ажиллагаанд эерэг нөлөө үзүүлдэг төдийгүй цусан хангамжийг нэмэгдүүлэхэд өндөр ач холбогдолтой.
Хэрэглэх арга:
Манжинг түүхийгээр нь хэрэглэхээс илүү жигнэх нь амтыг нь тодотгож, чихэрлэг зөөлөн амтыг гаргаж ирдэг.
Жигнэсэн манжин, өргөст хэмх, алим, самартай салат нь амтны хувьд ч, шим тэжээлийн хувьд ч тэнцвэртэй сонголт. Харин өглөөний цайнд чанасан манжин, өргөст хэмх, алим, багахан цагаан гаатай смүүти блендердэж уувал биеийг хөнгөрүүлж, өдрийн турш эрч хүч өгнө.
🥒Өргөст хэмх — эсийн цангааг тайлна.
Өргөст хэмхийн 90 гаруй хувь нь ус юм. Өндөр усны агууламж нь зөвхөн цангаа тайлаад зогсохгүй илүүдэл давс, хорыг гадагшлуулж гэдэсний хөдөлгөөнийг зөөлөн идэвхжүүлж дэмжлэг үзүүлдэг. Баярын турш давс ихтэй цай хоол идсэн бидний биеийг арьстай адил хэлэхэд бүр эсийн түвшинд чийгшүүлж өгнөө гэсэн үг.
Хэрэглэх арга:
Өргөст хэмхийг дангаар нь идэхээс илүү бусад ногоотой тэнцвэржүүлж ашиглавал илүү үр дүнтэй. Жишээлбэл, шинэхэн бууцай, авокадотой хольж, нимбэгийн шүүс, багахан ургамлын тосоор амталсан салат нь оройн хөнгөн хоолны төгс хувилбар болно. Мөн өргөст хэмх, нимбэг, гаатай бүлээн ус нь өглөө өлөн дээр уухад гэдсийг зөөлөн “сэрээж” өгдөг үйлчилгээтэй.
🥬 Бууцай – ногоон энерги
Төмөр, магни, эслэгээр баялаг ногоон бууцай нь гэдэсний бичил орчныг дэмжиж, шим тэжээлийн шимэгдлийг сайжруулдаг. Мөн антиоксидантыг ихээр агуулдаг тул биед хуримтлагдсан хортой нэгдлүүдийг хөөхөд нөлөө үзүүлж, биеийг дотроос нь хамгаалалтын бамбайтай болгож өгнө шүү дээ.
Хэрэглэх арга:
Бууцайг шинэхэн байдлаар салатанд ашиглах нь шим тэжээлийг бүрэн авах боломжийг олгоно. Лимон, ургамлын тосоор амталбал тосонд уусдаг аминдэмүүдийн шимэгдэл илүү сайжирна. Хэрэв амт нь гашуун санагдвал 1–2 минут уураар жигнэж зөөлрүүлээд салат эсвэл өргөст хэмх, ногоон алимтай хослуулсан бууцайны ногоон детокс смүүти хийж хөнгөн мөн тэжээллэг өглөөний цайг бэлтгэж болно.
🍏Ногоон алим — эслэгээр тэтгэгч
Ногоон алим нь пектин эслэгээр баялаг тул гэдэсний гүрвэлзэх хөдөлгөөнийг дэмжиж, илүүдэл бодисыг гадагшлуулахад тусалдаг гэдгийг та мэдэх үү? Исгэлэн, сэргээх амт нь тослог, хүнд орцуудын амтыг тэнцвэржүүлж өгдөг учраас салат, смүүтид төгс зохицно.
Хэрэглэх аргын хувьд дээр дурдсан салат, смүүти зэрэгт нэмэлтээр шууд ашиглаж болно. Ямар ч үед исгэлэн чихэрлэг өвөрмөц амт нь тухайн жорыг илүү баяжуулж сонирхолтой болгож өгдөг ёстой л эслэгээр тэтгэгч амтат нууц орц шүү.
🤗Айл хотлоороо тарган тавтай сайхан шинэлсэн хэрэглэгчид минь одоо биеэ бодож ач тусаар дүүрэн эдгээр дөрөвхөн хүнсийг тогтмол хэрэглэж биеэ ресет хийж шинэчилж, эрч хүчээр дүүрэн байгаарай гэж Видан зөвлөж байна.
#ВиданБрэнд
#ҮндэснийБрэнд
