23/09/2026
ULENDO WATHU WA ULIMI WA NKHUKU NDI AFCOP Poultry MW. Mutu wathu lero;
" NDINGAKHALE NDI NDALAMA ZOCHULUKA BWANJI KUTI NDIYAMBE ULIMI WA NKHUKU ZA MADZIRA ? "
Moni abwenzi uko konse komwe muli, tikukhulupilira kuti tonse tili bwino. Phunziro ili ladza kuchoka pa funso lomwe takumana nalo kunjaku podutsa koma tinawona kuti mlandu wa mnyumba tiwuweludzirenso m'nyumba. Funso ili anafunsa ndi a George SG Kamonjo, m'modzi mwa ma followers athu pamudzi pano.
Tiyambe ndikutsindika kuti pazonse mu ulimi wa Nkhuku chofunika kwambiri ndi upangili woyenera womwe mukafatsa bwino ndikuwona maphunziro onse omwe akupezeka kale pa page ino zambiri tikhala kuti tikuzipeza kale. Poyankha funso ili tiyeni tiyambe tayankha funso ili, munthu watifunsa , " KODI NDINGAMWE MADZI OCHULUKA BWANJI KUTI LUDZU LANGA LITHE? " Kodi ameneyu tingamuyankhe motani?
👉 Choyamba ndichakuti munthu uyu watidziwitsa kuti ali ndi ludzu chomwe ndichabwino kuti tadziwa chosowa chake.
👉 Chachiwiri tonse tikudziwa kuti ludzu limatha ndi madzi kotero kuti munthu uyu yankho lake ndi madzi. Ngakhale iye mwini akudziwanso za yankho la chosowa chake.
👉Kodi kuya kwa ludzu lake watiuza? Nanga madzi omwe iye angakonde kuti amwe watidziwitsa? Afuna madzi amenewa awapeze motani? Pa chitsime? Pa mjigo? Madzi ogura mu shop a mu bottle kapena apempha pa pompe or pakhomo? Pali mafunso ambiri amene akuyenera kuyankhidwa funso lathu lakuti ndingamwe madzi ochuluka bwanji kuti ludzu langa lithe liyankhidwe.
KUYAMBA ULIMI WA NKHUKU ZAMADZIRA
👉Choyamba dziwani kuti tikati Nkhuku zamadzira tikunena gulu lalikulu ndithu momwe muli mitundu yosiyanasiyana ya Nkhuku zomwe zolinga zake ndikupereka madzira. Nkhuku izi kungotchura mitundu yochepa chabe ndi mitundu monga Sasso, Kuroiler, Mikolongwe, Koe Koe, Hyline ndi ina yambiri. Pamene mlimi wadziwa mtundu wa Nkhuku woti iye achite nawo monga mwa upangili woyenera womwe iye wapeza komanso monga mwa business plan yake ndipo poyambira kudzifunsa kuti kodi tsopano pa Nkhuku za mtundu uwu, zochuluka motere komanso za msinkhu uwu kutengera kuti ndikuzipeza mu njira izi zingafunike ndalama zingati? Kopeza Nkhuku ndikosiyanasiyana malingana ndi momwe Mlimi wakondera chachikulu chofunika ndicho kusamalitsa chifukwa mbeu yolakwika imawoninga zonse , so yankho la ndalama zayambira liyambire pamenepa. " KUYA KWA LUDZU "
👉Chachiwiri, alimi ambiri timayembekezera budget ya Nkhuku kukhala monga momwe ikhalira budget yogura sugar kapena Soap koma ayi sizikhala chomcho. Mlimi wina atha kulowetsa ndalama zochepa ndikuyamba kupeza phindu ndipo wina pa chochitika chomwecho atha kulowetsa ndalama zambiri koma osapeza phindu lililonse ndikukhala gulu lija limati "ine sindizapanganso ulimi wa Nkhuku ". Nkhuku zamadzira zili ndi njira zambiri zozisamalira poyerekeza ndi Nkhuku zanyama. Njira zambiri zimenezi ndizimene zikubweretsa kusiyana kwa ndalama zomwe Mlimi aliyense angagwiritse ntchito pa ulendo wake wa ulimi wa Nkhuku. Chachikulu tiyeni tidziwe kuti Nkhuku kuti ikule bwino kuchoka Msinkhu wa 8 week kupita kutsogoro tiyeni tizapereka chakudya chosachepera 120g per bird, poyamba china chimasalira modyera momwemo kenako pakupita kwa nthawi muzawona simukusalanso kanthu koma izi zisatiopse chifukwa Mlingo tikuperekawu ndiwoyenea pa Nkhuku imodzi pa tsiku. 100-120g imeneyu value yake ndiyosiyanasiyana kwa ena opanga okha chakudya, ena ogura chakudya ena otayira ndikumawonjezera other supplementary feed.
👉Chachitatu tiyeni tidziwenso kuti Mtundu uliwonse wa Nkhuku uli ndi kadyedwe kake zina zimadya kwambiri ndipo zimakulanso kwambiri ndinso mwachangu ndipo zina zimadya pang'ono kakulidwe kakenso sitingaziyerekezere ndi gulu loyambali. Pakufika msinkhu woyikira pamene mlimi amati apa tsopano ndapuma kugura feed, ndalama zimene magulu awiri a Nkhuku amenewa adya zimakhala zosiyana kwambiri. Mtundu uliwonse uli ndi ubwino wake maka tikauweta pa zolinga zoyenera.
CHIFUPIKITSO
👉Budget ya ulimi wa Nkhuku imayenderana ndi mtundu wa Nkhuku, kuchuluka kwake, komanso msinkhu womwe mlimi akufuna kuyamba nawo kufikira kumapeto. Woyamba ndi ma day old akomzekenso malinga ndi zofunika za ma day old zomwe zikutambasuridwa kwambiri muphunziro lomwe tikugawana zokhudza kasamalidwe ka Anapiye.
👉Budget ya Nkhuku imakhala mbali imodzi ya upangili woyenera womwe mlimi ayenera kukhala nawo. Upangili woyenera umathandiza kwambiri paziganizo zimene Mlimi akupanga. Mlimi wofuna kuweta Nkhuku 10 za Kuroiler kapena Sasso budget yake isachepere 300,000 (commercial intensive care ) ngati akufuna kuti zikhale zathanzi zodzamupinduritsa koma ap 10 zomwezi zithanso kuwetedwa ndi ndalama yosadutsa 100,000 (supported free range system). Nkhuku 10 zomwezi za mtundu wa Mikolongwe zitha kuwetedwa pa ndalama yosadutsa 200,000 (intensive care) ndi 100,000 (supported free range system).
ABWENZI, KODI FUNSOLI LAYANKHIDWA? PAKUTSALIRA NDI PATI TIYANKHANE KU COMMENT BOX?
Kufikiranso phunziro lina lalikulu posachedwapa tikuti, .......
" MLIMI WOTSOGORA AMAWERENGA ! "
NKHANI YABWINO! Ambiri akhala akutifunsa kuti Mikolongwenso tiziyambira ma day old osati ma 2 weeks okhaokha monga momwe timachitira. Izi zamveka, tsopano m***a kupeza misinkhu ya Mikolongwe kwa ife kuyambira day old mpaka 2 weeks old. Mikolongwe ndi mbeu yabwino kwa alimi amene cholinga chawo chachikulu ndi madzira , kaya andiwo kapenanso a mbeu. Tilinso ndichiyembekezo chobweretsa mtundu wina kuwonjezera pa mitundu inayi yomwe timaguritsa kale (Sasso, Kuroiler, Mikolongwe komanso koe Koe). Mukuganiza kuti ukhale mtundu wanji?
NB: SITIGURITSA MADZIRA, IFE TIMAGURITSA NKHUKU ZOKHAZOKHA. NGATI MUKUYIMBA PHONE KOMA SIMUKUYANKHIDWA, SIYANI UTHENGA KU WHATSAPP PA NUMBER YOMWEYI NDIPO MUZAYANKHIDWA MWACHANGU, UTHENGA WANU UKHALE WOPITA STRAIGHT PA ZOLINGA ZANU.
AFCOP Poultry MW
0981 68 56 72
NTCHEU BOMA
