23/08/2026
INFAQUL MAISURI (Part 2)
BABI NA 2: TARJAMAR MAHAIFIN MAI LITTAFIN:
marubucin ya fara shiga cikin tarihin mahaifinsa, Shehu Usman bin Fodie.
Ya fara da cewa akwai wani babban malami daga cikin malaman kasar, malami mai girman daraja da tsoron Allaah, wanda ya kasance uban Muhammadu, wato:
Usumanu dan Muhammad dan Usumanu, wanda aka fi sani da “dan Fodie”.
Kuma ya kirashi da cewa: “mahaifinsa.”
Labaran da aka riga aka bayar game da zuwan Shehu
A cewar marubucin, wasu daga cikin waliyyan Allaah sun riga sun bayar da labarin bayyanar wannan malami tun kafin lokacin dazai bayyana.
Ya ambaci Mallam Walididi da Mallam Dahiru cikin wadanda akace sunyi wannan ishara. Haka kuma ya kawo wata ruwaya daga Umma Hani'i, wadda ya siffanta da saliha kuma waliyiya daga zuriyar Fulani.
A cikin wannan ruwaya, an bayyana cewa wani waliyyin Allaah zai bayyana a yankin Sudan, yayi aikin sabunta addini, raya Sunna da tsayar da addini, kuma mutane zasu bishi. An kuma ce sunansa zai shahara a kasashen yankin, har sarakuna da talakawa suyi koyi da al'amuransa.
Bello yace Shehu ya fara kiran mutane zuwa ga addinin Allaah tun yana karami, yana shiryar da mutane zuwa ga addini.
Ya fuskanci abubuwa da dama daga mutane, ciki harda jayayya, kin yarda da shi da izgili, amma yaci gaba dayi musu bayanin al'amuran addini gwargwadon fahimtarsu, tare da tausasa musu.
Daga baya, Allaah Ya shiryar da wadanda akayi wa rabon shiriya, s**a nufi wurinsa, kuma jama'ar muminai s**a saurari wa'azinsa.
Bello yace Shehu ya kasance yana bayyana wa mutane gaskiya da hanya madaidaiciya.
Halin addini a kasar Hausa:
Bello yakawo wani muhimmin bayani.
Yace Shehu ya sami al'umma da mummunan yanayi na addini, inda yace akwai kafirci, fasikanci da sabo da s**a mamaye kasar. Ya bayyana cewa mutane kadanne suke da ingantaccen imani da ibada yadda ya kamata.
Akwai wasu da s**a san tauhidi kuma suke yin sallah, azumi da zakka, amma basa cika sharuddan ibadunsu, kuma suna hada wasu ayyukan ibada da al'adun kafirci da s**a gada daga iyaye da kakanninsu.
A irin wannan rukuni akwai wasu daga cikin sarakuna, mayaka, bokaye da malamai.
Amma akwai wasu muminai kadan wadanda s**a san tauhidi kuma suke kyautata ibadunsu.
Abin da Shehu ya mayar da hankali a kai:
Aokacin da Shehu ya fara wannan kira,
yana kiran mutane zuwa ga addinin Allaah;
yana yi musu nasiha;
yana rushe munanan al'adu;
yana yaki da bidi'ah;
yana raya Sunnar Annabi ﷺ;
yana sanar da mutane farillolin addini;
yana shiryar dasu zuwa ga da'a ga Allaah;
yana kawar da jahilci daga cikinsu.
Saboda wannan kira, mutane s**a rika shiga cikin addinin Allaah jama'a-jama'a, kuma Shehu yaci gaba da bayyana musu gaskiya da hanya madaidaiciya.
Shehu ya fuskanci jafa'i da wahala daga wasu malaman zamaninsa, amma Allaah Ya taimake shi, Ya kuma bashi wasu malamai nagari wadanda s**a gaskata shi s**a taimake shi.
WAKAR WAZIRI ABDULLAHIN GWANDU:
Bayan wannan bayani, Bello yakawo Wakar Waziri Abdullahin gwandu (balaraben kasashen yamma),game da kiran da Shehu yake yi wa mutane zuwa ga addini.
Fassarar ma'anar baitocin da littafin ya bayar : Shehu yayi kira zuwa ga addinin Allaah, baya tsoron masu zarginsa ko masu tsegumi saboda wannan aikin. Mutane da yawa s**a saurare shi, kuma darajarsa ta karu.
KUCI GABA DA BIBIYARMU KUYI FALLOW, LIKE, SHARE, NAGODE
