Rijalu sidi ZakaZakay

20/05/2026

بِسْمِ اللَّـهِ الرَّحْمَـٰنِ الرَّحِيمِ
"مِّنَ ٱلْمُؤْمِنِينَ رِجَالٌ صَدَقُواْ مَا عَٰهَدُواْ ٱللَّهَ عَلَيْهِ ۖ فَمِنْهُم مَّن قَضَىٰ نَحْبَهُۥ وَمِنْهُم مَّن يَنتَظِرُ ۖ وَمَا بَدَّلُواْ تَبْدِيلًا"
Cikin alhini da juyayi muke miƙa saƙon ta’aziyyarmu ga Limamin Zamaninmu Sahibul Asr (Ajjalallahu Farajahu Sharif), da kuma Jagoranmu Sayyid Ibraheem Zakzaky (H)

Bisa rasuwar: Marhum Haruna Alhasan Malammadori

Marhum ya rasu ne ranar 18/05 /2026, sakamakon haɗarin mota da ya rutsa dashi a hanyar sa ta dawowa daga wajen neman halas ɗin sa.

Marhum ya kasance matashi kuma mai ƙoƙari da himma wajen ayyukan addini wanda ya bayar da gudunmawa gwargwadon ikon sa.
Haka kuma ya kasance ɗaya daga cikin matasan rundunar Jaishu Shaheed Ahmad Zakzaky ƙarƙashin John Ibn Huwaid Zone.

Muna miƙa saƙon ta’aziyyarmu ga iyayensa, ƴan uwansa da abokansa. Allah ya jiƙansa da rahama, Allah ya karɓe shi a matsayin Shahidi.

Muna roƙon ƴan uwa da su saka Marhum cikin addu’o’insu tare da karanta Suratul Fatiha da Salatin Annabi goma sadaukarwa zuwa ga ruhinsa.

KULLUNA AHMAD YA ABA AHMAD
JASAZ SHUHADA

20/05/2026

18/05/2026

Taujihi:

“An yi magana dangane da Shubuhohi da ake turowa, da waɗansu Afkar (Fikirori) da akan riƙa ingizowa, duk shi ma hanyar faɗa da Da'awa din ne ai. Hanyar faɗa da Da'awa shi ne a riƙa turo maka waɗansu Shubuhohi. Kuma cikin Harka ake shigowa da su, cikin 'yan uwa ake so a shigo da shi. Domin bai da amfani (daga) waje.

“In wani yana da wata irin Da'awarsa ta daban, ta s**an Harka, sai ya je kawai yana abinsa a waje guda, to ai ba zai yi tasiri ba. Ya fi son ya shigo cikin Harkar ya cusa. Saboda haka za a lura da irin wannan kutso da Afkar din da ake yi da yawa.

“Wasu kuma abin takaici daga waje suke ɗebo (irin waɗannan Afkar din), wasu har daga Jamhuriya. Don ko da kuka ga an yi revolution din nan, ana ganin kamar 100 bisa 100 duk duk mutane na tare da revolution, akwai maƙiya, har yanzu ma ana zaƙulo munafukai. Har fa akwai waɗanda suke taimakawa maƙiya, har yanzu ana zaƙulo su. Saboda haka akwai maƙiya, ko da mutum yana da rawani baƙi ko fari, za ka iya ganinshi sosai shi maƙiyi ne. Amma ban ce muku fa wai duk in ka ga mutum da rawani baƙi ko fari maƙiyi ne ba, amma a cikinsu akwai maƙiya. Kuma wasu ba za su taba nuna maka su maƙiya ba ne, sai idan sun aminta maka, sai su fito maka da wannan nau'i ɗin. To su suke kitsa wadannan abubuwa.

“Za ka ga suna kitsawa daga can, suna zuwa da waɗansu abubuwa. Har mukan ce, to ba mu ƙi (ka je) ka yi karatu ba, amma Fikira ya kamata ya zama kana da Fikirarka. Ba Fikira za a koya maka ba. In mutum ya iya Lugga, ya koyar da kai Lugga din, in ya iya Usul, ya koyar da kai Usul, in ya iya Mandiqi, ya koyar da kai Mandiqi, amma Fikira ba zai koya maka ba. Zuruf ɗin ƙasarku kuma bai sani ba. Kai ka san Zuruf din ƙasarku, kai ka san kuma yadda ya kamata ka fito ma al'amura a inda kake. Ba zai ce maka in ka je ƙasarku ka yi kaza ba. Don shi yadda yake kallonku daban ne.”

— Ɓangaren jawabin Jagora Sayyid Ibraheem Zakzaky (H) ga Muballigun, a yayin rufe Mu'utamar Lijanut Tarbiyya wat-Tableeg a ranar 15 Zulƙa'ada 1447 (3/5/2026) a Abuja.






01/Dhuj Hijja/1447
18/05/2026

18/05/2026

ACADEMIC FORUM OF THE ISLAMIC MOVEMENT (AFIM)
Under the Esteemed Leadership of Sheikh Ibraheem Yaqoub Zakzaky (H)

Invites the general public to its:

37TH ANNUAL IMAM’S WEEK

Theme:

“Imam Khomeini’s Struggle Against Global Hegemony”

The annual Imam’s Week is organized in remembrance of the legacy, struggle, and intellectual contributions of Imam Ruhullah Khomeini (QS) toward resistance against oppression, injustice, and global domination.

Program Schedule

31st May – 1st June, 2026

Nationwide Awareness Campaigns
Activities will take place across various institutions and communities nationwide.
(For more information, kindly contact your State Coordinator.)

Grand Closing Program

Date: 3rd June, 2026

Venue: Abuja

Topics & Speakers

1. Media and Modern Forms of Global Oppression

Speaker: Sister Marzieh Hashemi

2. From Revolution to Resistance: The Global Impact of Imam Khomeini’s Ideology

Speaker: Brother Nuruddeen Omidiji

Discussion Session

The Role of Academics in Challenging Global Injustice

Closing Lecture

Sheikh Ibraheem Zakzaky (H)

The general public, students, scholars, activists, and lovers of justice are cordially invited to attend.

Signed:
Academic Forum of the Islamic Movement (AFIM).

17/05/2026

Sanarwa:

AN GA JINJIRIN WATAN ZHUL HIJJAH 1447

Daga: Ofishin Sayyid Ibraheem Zakzaky (H).

بِسْمِ اللَّـهِ الرَّحْمَـٰنِ الرَّحِيمِ

اللهم صل على محمد وعلى آل محمد🌹

Ya zuwa yanzu mun sami labarin tabbacin ganin jinjirin watan Zhul Hijjah a cikin garin Mafara a wata unguwa da ake kira Kartawa da wasu ƙauyuka da ke kewaye da Mafara kamar Birnin Wake, Basara Ƙarama da Basara Babba. Har wala yau an gani a garin Ɗandume. Duk a waɗannan wurare ƴan'uwa ne da jama'a masu yawa s**a ga jinjirin watan.

Don haka gobe Litinin za ta zama 1 ga watan Dhul Hijjah 1447, in sha Allah.

Kada a manta da ayyukan kwanuka goma na wannan wata wadda Allah Ta'ala ya kira su layalul ashar (ليال العشر) a Suratul Fajr. Da kuma ladubban layya don tunawa da sadaukarwar Annabi Ibrahim (AS).

Allah ya ba mu sa'a.

Wassalam







29/Dhul Qa'adah/1447
17/May/2026

16/05/2026

SANARWA:

DUBAN WATA DHUL HIJJAH

بِسْمِ اللَّـهِ الرَّحْمَـٰنِ الرَّحِيمِ

اللهم صل على محمد وعلى آل محمد🌹

Daga: Ofishin Sayyid Ibraheem Zakzaky (H).

Ana biɗar ƴan'uwa Musulmi da su fara duba jinjirin watan Zhul Hijjah daga gobe Lahadi 29 ga watan Dhul Qa'adah 1447.

Za a iya sanar da labarin ganin watan ta waɗannan lambobi:

07064194054
09036186572
08035686569

Wassalam






29/Dhul Qa'adah/1447
16/May/2026

14/05/2026

Rijalu sidi ZakaZakay

12/05/2026

Assalamu Alaikum Ya Shuhadah Ansarullah 🥰😭🌹