22/07/2026
Ein stor honnør til Båtsfjord hamn!
For oss som lever av fiskeria er dette ei hamn der det rett og slett er enkelt å kome. Her møter vi gode fasilitetar, ein serviceinnstilt hamnevakt og eit næringsliv som dreg i same retning.
På fryseterminalen står eit dyktig team hos Båtsfjord Sentralfryselager AS som sørgjer for ryddig og effektiv lossing. Eg trur faktisk dei må vere blant dei raskaste i landet.
Eit stort takk går òg til Egersund & Mustad Havservice avd. Båtsfjord for eit glimrande bøteri med Rolf i spissen som er fleksibel når det trengst. Rolf forstår at fiskerinæringa ikkje alltid går etter klokka, og det set vi stor pris på.
Minst like viktig er alt det andre rundt drifta. Båtsfjord Havn KF gjer det enkelt for oss å bli kvitt avfall og fylle ferskvatn, Barents Skipsservice As tilbyr god ekspertise når noko må fiksast, Bewi tilbyr emballasje og for å proviantere gjer vi dette hos EXTRA Båtsfjord eller REMA 1000.
Mange tek slike ting som ei sjølvfølgje, men det er dei ikkje. Når alt dette fungerer, sparer det både tid, pengar og frustrasjon i ein travel kvardag.
Det som kanskje gjer størst inntrykk, er haldninga ein møter. Båtsfjord er ei ekte «ja-hamn». Her er det folk som leitar etter løysingar i staden for problem. Den kulturen betyr mykje for oss som er avhengige av at ting flyt når vi ligg til kai.
Og når arbeidet er unnagjort, er det heller ikkje feil å ta turen innom Båtsfjord Brygge. God mat, god service og ein hyggeleg plass å lande etter ein lang arbeidsdag.
Takk til Båtsfjord– og til alle bedriftene og menneska som kvar dag bidreg til å gjere dette til ei hamn vi alltid ser fram til å kome tilbake til. De skal vite at innsatsen dykkar blir lagt merke til.
