Fusabær produserer og sel ferske bringebær rett frå garden på Fusa, nærare bestemt Foer Gard.
03/08/2025
Takk for ein deilig sommar – fylt med bringebær, sol, smil og trivelege besøk på garden 💕
Det har vore ein knallsesong! Me skulle berre ønska at bringebærfeltet var minst dobbelt så stort, for me klarte ikkje levere til alle på bestillingslista i år... Men me er på saka og satsar på at me om nokre år kan sei JA! til alle som vil ha Fusabær🌸
Kjekt å få sjå korleis mellom anna Kafè Eierschegge, og andre nyttar bringebæra våre til deilige desertar og kaker 🤩
I dag kom regnet, kvardagen står for tur og me avsluttar årets bringebærsesong her på Fusabær🌸
19/07/2025
For ein nydeleg sommar me har fått!☀️
Det gjer oss så glade at Fusabær har blitt smaken av sommar for så mange💕 Her er både store og små i full sving, og me vil så gjerne at flest mogleg skal få smaka Fusabær i år òg!🌸
Samtidig må me fortelja at bestillingslistene for i år dessverre alt er fulle😅
Men – du kan framleis leggja deg til på «kanskje-lista» her, så tek me kontakt om me ser me klarar å levere nedover på kanskje-lista óg:
👉 https://www.fusabær.no/bestill-1
Me prøver også å halda litt liv i vegsalet på ettermiddagane – så følg med på parasollen vår! 😂😉☀️
11/07/2025
Hurra for deilig sol og sommervarme ☀️Me gler oss over ferie og at årets bringebærsesong no er i gang 🥳🌸🙌 Me har tjuvstarta med litt vegsal denne veka, men det har vore litt langt mellom dei modne bæra. No trur og håpar me modninga skyt fart, slik at me kan levere bestillingar frå og med neste veke. Denne helga blir det vegsal — og då er det som vanleg «førstemann til den opne parasollen» som gjeld. Så snart parasollen er lukka, er me diverre utseld for dagen 😅
04/07/2025
Hei og god sommar frå Fusabær🌸
Me nærmar oss sesongstart og humler med fleire jobbar på mellom bygene. Bærfeltet har bra med kart i år, men når sol og varme sparar på krutet, let modninga vente på seg.
Me gler oss til ny bringebærsessong og held dykk vidare oppdatert om endeleg sesongstart ☀️🌸
07/07/2024
Takk for ei kjempefin start på Bringebærsessongen!
Det er så kjekt med besøk på garden og så stas med alle som set pris på bringebæra våre!
Men det er ein litt kald sommar, og modninga går ikkje så raskt som me hadde tenkt. Difor let me bringebærfeltet kvila litt no, slik at det vert litt tettare mellom dei modne bæra.
Me held stengt i to dagar (i dag sundag og måndag) og gler oss til sol, gardsbesøk og masse bringebær på tysdag!
Velkomne til gards!
02/07/2024
Her har små og store humler og folk vore i full sving denne våren. Det vart travelt på oss med den varme våren som resulterte i tidleg blomstring og no tidleg sesongstart. Men no er me klare, smaksprøven er godkjent og årets bringebærsessong er i gang her på Fusabær!
Ellers prøver me å halda vegsalet i gang så godt det går, og ynskjer små og store velkomne til gards!
06/08/2023
Hei fine folk😍
No er årets bringebærsesong over på Fusabær🌸 Me er litt sletne, men mest glad for at årets sesong vart bra og ikkje minst for at så mange av dykk set pris på bringebæra💗 Me skulle gjerne hatt litt meir vegsal. Det prøver me å legge litt betre tilrette for til neste år😉
Takk alle saman for ein fin bringebærsesong🌸☀️Takk for gode tilbakemeldingar, smil og triveleg prat🤩
Alt godt frå Fusabær-gjengen🌸
29/07/2023
Kjære alle fine bringebærkundar! Litt stille frå oss her i sosiale medier i det siste. Årsaka er så fantastisk at vêret vart bra og ikkje minst at me har hatt bra med bestillingar å handtere! Me er kjempeglade for at så mange handlar og set pris på bringebæra våre!
No er årets sesong snart over og me går inn i den siste veka med bringebærsal, før me byrjar ned-skjæring og klargjering av planter for neste års sesong. I morgon (søndag 30.juli) tek me og plukkarane ein etterlengta kviledag, før me hiv oss rundt på den siste veka i sesongen. Bestillingslista for neste veke er diverre allerede full. Men me vil prøva så godt me kan å få til litt vegsal på ettermiddagene neste veke😅😘☀️🌸
17/07/2023
Mykje regn og våte bær 😅 Me tek ein liten pause frå plukkinga i dag. Håpar på litt betre vêr i morgon for då plukkar me uansett vêr. Bæra er jo grådig gode sjølv om dei er litt våte 😉
Vær den første som vet og la oss sende deg en e-post når Fusabær legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.
Snart er dette året over og det er tid for ei kort oppsummering. Fusabær eit lite foretak, småbruk( tidl. m/mjølkeprod.), har avslutta sin fjerde sesong med bringebær. I år starta modninga av bæra svært tidleg, 5-10 juni. Været var svært gunstig og bæra modnast fort. Det var berre å kasta seg rundt, organisera plukking og publisering av modne bær. Fusabær er heilt avhengig av familie og vener som kan koma og hjelpa til i sesongen. Det er ikkje alltid lett å få det til å passa i hop med deira alle reie inngåtte planar og opplegg når sesongen kom på så tidleg som i år, 3 veker tidligare enn i fjor, men det laga seg, det laga seg og vart ei råd med det. Ettersom dagane gjekk modnast bæra svært fort i varmen. Heldigvis fekk me selt unna det meste på dagen.
Sommaren 2018 var unik med det flotte været og med godt vatning system vart det ikkje altfor tørt slik mange andre opplevde det. Resultatet vart brukbart, litt betre enn året før.
Takk til alle som deltok med plukking og levering av bær og ikkje minst takk til alle dei kjærkomne kundane. Me prøver å ha god kvalitet på bæra og det er derfor godt med alle gode tilbakemeldingar og Fusabær er takksame for det.
I starten av august var i grunnen sesongen over, men då kom nedbøren og etterkvart vart det ikkje måte på vatten som kom. No var det tid for utskjæring i feltet i gang med påfølgjande tynning, topping og oppbinding for å klargjera 2019 sesongen. Dette arbeidet er ikkje heilt ferdig, men
med ei rolegare vintertid skal det vera klart til neste sommar.
