Kinn Bryggeri

10/04/2026

Veldig kjekt å ha eit utstillingsvindu i heimbyen Florø! På Vesle Kinn kan du oppleve konsertar, quiz, foredrag, smakingar eller berre sitte i ølkaféen og ta inn atmosfæren. Nyte dei gode smakane og sjå inn på det opne gjæringskaret. Vi tar ingenting for gitt i denne bransjen, så vi er audmjuke og glade for at så mange kjem på konsertar og besøker oss elles også.❤️

I 2025 auka omsetnaden på Vesle Kinn med 450.000 kroner. No nærmar dei seg toppnivået frå 2022 igjen.

24/03/2026

Kinn Bryggeri søker tapperisjef!

Seeking Packaging Manager to oversee brewery packaging line. Technical or mechanical skills required. Relevant production experience advantageous. Full-time position.

06/02/2026

Lihkku beivviin!🥳

Kinn-familien sine to eldste, Magdalena og Margit, bærer Nesseby-koftene med stoltheit.❤️

03/01/2026

Godt nytt år fine folk!❤️

2025 er historie. Eit år med oppturar og nedturar. Som forventa eigentleg. For slik er det berre, i handverksølbransjen og i livet elles. Men totalt sett ser det ut som om det blei eit godt år for Kinn Bryggeri. Overgangen til boks på daglegvare har vore ein suksess. Vi har hatt 50% vekst i knallhard konkurranse. På Vinmonopolet har vi våre trufaste kundar og juleølsalet var berre fantastisk. På uteliv skjer det spennande ting. Vi er takknemlege.❤️ For det er ingen sjølvfølge. Og bak suksessen står dei dyktige folka på biletet, vår aller viktigaste ressurs: Frå venstre Ling, Federico, Ben, Petter Odin, Joakim, Andrew, Ralph, Raoul, Ann-Magritt, Thomas og Espen. Aldri har vi hatt ein meir kompetent gjeng på Kinn Bryggeri.

Våre kjerneverdiar er: EKTE. KVALITET. RESPEKT. Og det er både internt i jobben vi gjer og eksternt, slik vi vi vil verda skal oppleve oss og ølet vi produserer. Verdiane jobbar vi kontinuerleg med, for vi kan alltid bli betre.

Og Espen? Jo, han er veldig nøgd med ny stilling og mindre ansvar. Han gjekk ganske raskt i haust frå stillinga "seniorkonsulent" til «åndeleg leiar». Espen trivst godt med å vere tilbake til ølbrygging på Vesle Kinn, og han har mykje spennande på gang der. De vil nok sjå meir til han ute i marknaden også etterkvart.

Vi har tru på at 2026 skal bli eit godt år. Og det aller viktigaste: Ta vare på kvarandre. ❤️

28/12/2025

God romjul fine folk!❤️🎄❤️

I den vakre Florø-skjærgarden ligg det ei unik perle av ei øy, Svanøy. Der finn du Svanøy Hovedgård og no søker dei etter ny dagleg leiar. Vi deler denne fordi vi i vårt nettverk har mange dyktige folk innan bransjen, som kanskje kunne tenke seg å ta denne utfordringa? Eller veit om nokon som er den rette til å flytte til ein fantastisk stad, og vere med å drive og utvikle denne kulturhistoriske garden? Svanøy Hovedgård har vore bispegods, krongods og hovudsete for haugianarane. Les meir om historia her: https://svanoy.no/historie/

Og i tillegg til den vakre naturen rundt Florø, finn du både Kinn Bryggeri og ølkafeen vår, Vesle Kinn i byen. Kva meir kan du ønske deg?😇

Daglig leder, Stiftelsen Svanøy Hus, Svanøybukt. Søknadsfrist: Søk senest tirsdag 13. januar.

24/12/2025

Riktig god jul frå oss på Kinn Bryggeri!🎄❤️🎄

12/11/2025

KLASSISKE HANDVERKSØL BRYGGJA MELLOM BAKKAR OG BERG UT MED HAVET

Denne setninga finn du på etikettane våre. Kall det USP, altså "unique selling point" , eller på norsk "unikt salsargument". Altså det som gjer at folk gjerne vel oss i hyllene. For til sjuande og sist er jo det viktig om vi skal overleve i ei ganske så tøff verd.

Men altså, vi tenker vi har funne vår stil og vår retning i ølverda. Vi er stolte av staden vi kjem frå, av kystkulturen og språket vårt. Vi bryggjar ølet vårt sjølve i Florø. Vi nyttar gamle handverksteknikkar og dei beste råvarene. Pluss ein god dose kystluft i sjela og historie i smaken.

Håpar du er einig og likar USPen vår!🥰

06/11/2025

LIVETS TILFELDIGHEITER❤️

Har du tenkt på kor tilfeldig mykje er her i livet? Kinn Bryggeri er eit døme på det. Tilfeldig var det at Espen fekk jobb som lærar i Florø i 2001. Han hadde søkt lærarjobb fleire plassar på Vestlandet. Og like tilfeldig var det at Ann-Magritt same året bestemte seg for å takke nei til jobb i Oslo, og heller ja til jobb på Florø ungdomsskule etter å ha vore på reise eit års tid. Med felles lidenskap blant anna for naturen, god mat og drikke så fann dei tonen fort. Begge er eventyrlystne, så i 2004 tok dei eitt år permisjon frå læraryrket, gjekk Noreg på langs, og vidare l***a dei rundt i Sør-Amerika for å danse tango, lære seg spansk og utforske Patagonia og andre spennande fjellområde.

Tilbake frå reise sommaren 2005 gifta dei seg på øya Kinn, og Kinn Bryggeri oppstod i leiligheita i det tidlegare kommunehuset i gamle Kinn. Mange av standardprodukta du finn på Vinmonopolet i dag, blei faktisk utvikla i Kinn-huset. Vidare kjenner du kanskje historia; dei pantsette huset og hoppa uti eit nytt eventyr i 2009 då dei starta Kinn Bryggeri på alvor. Livet altså. Det berre skjer og ein må flyte med, tore å ta sjansar. Utan tilfeldige menneskemøte og eventyrlyst hadde det ikkje blitt noko Kinn Bryggeri.❤️

📸Anders Espeset