Svisdal Gard

18/07/2026

No byrjar det verkeleg å nærme seg! 🥛

Ein stor milepåle er nådd – glasflaskene, 5-litersspanna og etikettane til Fjellmjølk er endeleg på plass.

Det gamle mjølkerommet i gammalfjøset har også fått nytt liv og er no gjort om til eit provisorisk mikromeieri. Her skal mjølka snart pasteuriserast og tappast.

No ventar me berre på den siste, og kanskje viktigaste, brikka i puslespelet – pasteurisatoren. Han har dessverre blitt litt forsinka, men er snart på veg frå Italia.

Det er utruleg kjekt å sjå at prosjektet me har jobba med så lenge no byrjar å bli verkeleg.

Me gler oss enormt til å fylle dei første flaskene med Fjellmjølk og ønskjer dykk velkomne til Svisdal gard når me startar opp salet. 🐄🥛

27/06/2026

https://www.driva.no/nyheter/i/0po7v2/nytt-fjoes-med-106-tonn-torvtak-og-naa-blir-det-enda-nye-satsinger

Stina og Jørgen tør å satse. Trebarnsforeldrene har nå nytt fjøs på plass og i sommer blir det og gardsmjølk å få kjøpt.

24/06/2026

Seterflytting i dag 🤩 seks av kyrne våre skal vere på Inner Gammelsetra i sommar.

17/06/2026

🌿 Endeleg er den tilbake! 🌿

Årets rabarbrasaft er klar – laga av rabarbra dyrka i fjellgardane.

I år kjem safta i flasker med heilt nytt design, og vi er så fornøgde med dei flotte etikettane som er trykte av Digital Etikett. 🍾✨

Nå finn du safta i kjøleskapet i gangen på Sunndalsporten. Betaling skjer enkelt med Vipps.

Når det nye kjøleskapet ved fjøset er på plass, blir safta også å få kjøpt heime på garden.

Perfekt som sommardrikk på varme dagar – nyt ho iskald, gjerne ute i sola ☀️

Velkomen innom!

07/06/2026

Kvifor startar me med Fjellmjølk? 🥛

Ideen om å selje mjølk direkte frå garden har vore med oss lenge.

Mange kjenner Svisdal gard frå før, og me synest det er kjekt å kunne tilby eit produkt som kjem heilt frå vår eigen gard. Med Fjellmjølk ønskjer me å gi både fastbuande og tilreisande moglegheita til å kjøpe mjølk direkte frå kyrne våre.

Fjellmjølk vil vere lågpasteurisert og ikkje homogenisert. Me ønskjer å tilby eit meir tradisjonelt alternativ for dei som ønskjer å kjøpe mjølk direkte frå garden.

Det siste året har gått med til mykje planlegging og førebuingar. No byrjar det endeleg å nærme seg, og dersom alt går etter planen håpar me å starte salet i juli.

Me er både spente og glade for å få dele denne satsinga med dykk, og me gler oss til å ta dykk med vidare på reisa fram mot oppstart.

🐄🥛🏔️

02/06/2026

Det er desse damene som skal levere mjølka til Fjellmjølk når me startar opp salet i juli 🐄🥛

På Svisdal gard har me hovudsakleg NRF-kyr, men også nokre Brown Swiss og Sidet Trønder- og Nordlandsfe.

I november flytta kyrne inn i det nye fjøset vårt. Då me planla fjøset, var god dyrevelferd eit viktig fokus. Kyrne har god plass til å bevege seg, og dei kan sjølv velje kva liggebås dei vil bruke. Kvar liggebås har vassmadrass, og enkelte kyr har til og med ein favorittbås som dei helst vil ligge i.

Akkurat som oss menneske er kyrne ulike. Nokre er nysgjerrige og kjem gjerne bort for å helse, medan andre helst tek livet med ro. Dei har også sine eigne vanar og favorittplassar i fjøset.

For oss er det viktig at dyra har det godt, og me gledar oss til å kunne tilby mjølk frå vår eigen gard direkte til kundane.

Me gler oss til å dele meir frå garden og reisa fram mot oppstart av Fjellmjølk 🥛

30/05/2026

Noko nytt er på gang på Svisdal gard 🥛

Den siste tida har vi jobba med eit prosjekt som me har gleda oss til å dele med dykk.

Dersom alt går etter planen, håpar me å kunne starte sal av vår eiga Fjellmjølk i løpet av juli.

Det står att litt arbeid før me er klare, men no begynner det verkeleg å nærme seg.

Me er glade for støtta me har fått, som har vore med på å gjere dette mogleg.

Me gler oss til å vise meir av prosessen framover, og håpar de vil følgje reisa vidare.

🥛🐄🏔️

23/05/2026

Da var lamminga over for i år 🙌🥳 271 merka lam 🙌