Her har ikkje vore drift på mange år, så vi har nok å ta tak i med hus, jord, planter og dyr. Vi får stadig fleire vaktlar og høner, og kan tilby egg frå begge. Dei får økologisk for og massevis av plass å bevege seg på. Hønene får gå fritt på eit stort uteområde, men vaktlane må vi beskytte betre så dei ikkje blir rovdyrmat. Dei har store bur/voilere der dei kan fly rundt, med ulike typer strø, masse rom for sandbading, og godt med gjømmestader. Vi jobbar og med å plante ut bærbusker, nøtte- og frukttre slik at vi om nokre år kan tilby eit rikt utval av frukt og grønt. Vi jobbar særskilt med hjartenøtt, ein japansk type valnøtt. Det har vore vanskeleg å få kjøpt hjartenøtt-tre, så difor har vi blitt registrert som såvareimportør hos Mattilsynet. Dei første nøttetrea spira i fjor, og no ligg dei neste til stratifisering i kjøleskåpet.
