17/06/2026
For dei som ikkje kjenner oss: Vi kjem frå Tyskland og har budd i vakre Norddal dei siste fem åra. Her har vi fått eit liv vi er blitt veldig glade i, og ein kvardag tett på naturen som betyr mykje for oss. Vi er ei familie på tre, snart fire 😊
Christin driv Kaltegarden, eit regenerativt hagebruk med blomar og grønsaker i vekst. Nils er i gang med å byggje opp eit nytt prosjekt med mål om å produsere og selje eigen ost 🧀
Vi leiger den gamle Prestegarden, ein stad som har gitt oss mykje, men vi kjenner no at vi treng noko eige for å kunne utvikle oss vidare og byggje opp det vi drøymer om 🐐🌸
Vi har lenge hatt auge og øyre opne for ein gard i Norddal, men ser at sjansane er små. Vi kjenner at tida er komen for å vere opne for nye stader. Vi søkjer i kommunene Fjord, Vestnes, Sykkylven, Stranda, Ålesund eller Molde, helst i eit levande lokalsamfunn med fleire fastbuande og eit aktivt bygdemiljø.
Det vi ser etter er ein gard med bustadhus, løe eller driftsbygning med moglegheit for 20–50 geiter, og beiteareal. Sidan vi ønskjer å halde fram med blomster- og grønsaksdyrkinga, håpar vi på jord som eignar seg til dette. 🥕
Flytting kan vere aktuelt frå denne vinteren, helst innan utgangen av 2027, med tanke på overgang til skule- og barnehagetilvenning.
Vi er veldig opptekne av norsk natur, og ønskjer å ta vare på han gjennom arbeidet vårt. Vi ønskjer å skape eit levande gardsbruk med dyr og matproduksjon. Vi vil bidra positivt til lokalsamfunnet rundt oss med aktivitetar, kurs, arrangement og kortreiste kvalitetsprodukt.
(Viss dette var ein CV, ville vi òg ha skrive at vi er ergoterapeutar og gjerne bidreg med dette arbeidet utanom sesongane 😃)
Kanskje sit du på ein gard du vurderer å selje, no eller litt fram i tid. Eller kanskje kjenner du nokon som gjer det. Vi ser verkeleg fram til å høyre frå dykk 🥰🙏
Del gjerne dette innlegget og hjelp oss med søket.
Tusen takk, Nils og Christin ❤️
