Bakken Gard

01/10/2026

Sjå kor finn den e🤩 Den tomme potetåkeren altså 🥔 Regnbuen er fin den og, men for ein potetbonde e det nydelig når potetene e i hus 💪 Det vart ikkje årets potetår i år heller....Men me har poteter til jul, kanskje lenger. Kjedelige greier det der, men ingenting å gjer nåke med nå. Nå får ein berre tenkje på neste års potetsesong. Og suge på karamellen over at årest poteter er oppe av jorda. Bonden sover garantert betre dei neste nettene 😀

21/08/2026

Tenkjer du nokon gong på kor maten du et kjem frå?
Me kan sjå på den korte historia – kor maten er dyrka, kven som er produsent og kor han er seld. Men me kan også sjå mykje lenger tilbake. Korleis oppstod maten me et? Kvifor dyrkar me akkurat desse sortane, og kvifor held me akkurat desse husdyra?
Det ligg utruleg mykje historie, kultur og kunnskap i maten vår.

Landbruket har blitt meir moderne og effektivt. Me kan produsere mykje meir mat på mindre areal enn før. Det er jo mest litt magisk. Men det finst eit men.

Kva skjedde med alle sortane me dyrka før? Og alle dei gamle husdyrrasane? Dei gamle sortane og rasane har eigenskapar som gjennom generasjonar har blitt tilpassa klimaet, jorda og terrenget der dei høyrer heime. Når stadig færre sortar og rasar står for stadig meir av matproduksjonen, mistar me også noko av dette mangfaldet.

Eg ser det heilt konkret sjølv. I år har eg sådd tre ulike sortar kålrabi. Dei veks ulikt, dei smakar ulikt – og sorten som gjorde det best i fjor, er ikkje nødvendigvis den som blir best i år. Det er kanskje eit lite eksempel, men det viser noko viktig: Me bør ikkje legge alle egga i same korga.

Det same gjeld husdyra våre. Me har fleire gamle norske husdyrrasar som i dag er bevaringsverdige. Vestlandsk raudkolle er ein av dei. Ein liten, nøysam ku som er utvikla for vestlandske forhold, og som har andre eigenskapar enn dei moderne rasane. Melka er til dømes ulik mellom rasane.

Når ein byrjar å sjå på maten på denne måten, blir spørsmålet om kvar maten kjem frå mykje større enn berre kilometer frå garden til butikken. Det handlar om kva slags planter, dyr og kunnskap me ønskjer å ta med oss vidare.
Eit større mangfald gir oss fleire bein å stå på. Difor meiner eg det betyr noko kva mat me vel. Når du kjøper lokal mat, økologisk mat, gamle plantesortar eller produkt frå bevaringsverdige husdyrrasar, kjøper du ikkje berre mat. Du er også med på å styrke biomangfoldet.

Og kanskje bør me bli flinkare til å betale for mat som det ligg mykje arbeid, tid og omtanke bak. Kanskje kastar me litt mindre når maten ikkje blir behandla som ei billig forbruksvare.

Maten me vel i dag, er også med på å bestemme kva mat me har å velje mellom i framtida.

Til slutt kjem eg med eit boktips! Økologisk Norge si bok «Spis det, ikke mist det» kokeboka for biomangfoldet.

19/08/2026

Lyst å handla lokalt? Kanskje har du hørt om oss, men ikkje heilt vett koss og ka....Litt rart å ska kjøra inn i tunet til folk. Men det e altså det du må for å kunna handla av oss.
Du finne utsalget greit skilta i tunet, og du får hjelp om du trenger det.
Du ordne alt sjølv og betaler med vipps eller kort.

Me selger kjøt frå eigne dyr. Storfe heile året og lam/sau i sesong. Me har innmat, kraftbein og meir vanlege kjøttstykker. Kjøttdeig og hamburger får du og. Alle dyra er økologiske, noko som stiller strengare krav til dyrevelferd.

Grønnsaken du får hjå oss er dyrka på garden. Dei er handsådde, handluka og handplukka. Dei er økologiske, og derfor fri for sprøytemiddelrester. Dei er dyrka i rik jord og plukka når dei er klare. Om du tar turen no vil du finna løk, spisskål, betar, agurk, kålrabi og grønnkål. Utvalget varierer i gjennom sesongen, det er no på hausten at utvalget er størst. Og for dei som venter så går det fort nokre veker til før potetene er på plass.

Ta turen opp og fiks deg lokale og usprøyta varer til middagen. Ps: agurk og kålrabi er perfekt i matpakken 🥒

08/08/2026

Rensing av nyretalg for å lage hudkrem og såpe. I returkjøtet frå kua som vart slakta tidleg i sommar kom det ein del kilo nyretalg i retur. Nyretalg kan brukast til fleire ting, blandt anna til hudkrem, såper, lys og som steikefett. Eg har i lenger tid kjøpt og brukt talgkrem på meg sjølv og ungane. Men no skal eg laga min eigen! Me prøver å nytte mest mogeleg av resurssane me har tilgjengelig på garden, og derfor har me mange prosjekt. Med varierande ferdigstillings prosent og suksess. Men dette prosjektet har eg trua på.🙌 Som me dei fleste andre prosjekt 😅

07/08/2026

✨️UTSOLGT✨️
Me treng hjelp 🥩Me har fått inn masse kjøt frå okse i dag. Me slit litt med frysekapasiteten på kjøttdeig. Så om du handler 10pk eller meir fredag eller lørdag får du 10% avslag. Godt tilbud om du vil fylle frysen ✨️

06/08/2026

https://www.nrk.no/ytring/samfunnets-universalberedskap-1.17958643

Den norske bonden gjør langt mer enn å produsere mat.

19/06/2026

Beitesesongen er i gong att! Les og del gjerne videre :)

Om du har vore på tur på verdens ende i det siste, har du sikkert møtt oss. Ein flokk på 10–12 kyr på veg til eller frå beite, med meg eller ein annan trillande på sykkel bak. Me går i roleg tempo, og eg skjønar godt at du gjerne vil forbi.
Men dei siste sesongane har det vore litt for mange som «berre skal forbi» – både bilistar, syklistar og fotgjengarar.
Sjølv om kyrne mine er rolege og vane med folk, er dei framleis store produksjonsdyr, ikkje dreserte kjæledyr. Dei kan bli skremde av brå begevelsar eller høge lydar. Eg blir skikkeleg uroleg når syklistar – ofte med ungar – syklar rett inn i flokken. Det skal så uendeleg lite til før ei ku dultar borti ein sykkel og uhellet er ute.
Når du ser oss så stopp opp og vent. Trekk dykk godt til sides og la oss passere i fred. Det er tryggast for både folk og dyr.
Kjem du i bil? Stopp opp og hald avstand. Me går ikkje fortare om du ligg heilt oppi rumpa på oss.
Ver ein rollemodell. Vis barna korleis me oppfører oss rundt store dyr.
Vil du helst unngå å møte på oss? Me flyttar stort sett på kyrne mellom 08.00–09.00 og 17.00–18.00. Legg gjerne turen utanom desse tidene om du har dårleg tid eller er uroleg.

Håpar me kan ta omsyn til kvarandre, slik at beitesesongen blir fin og trygg for alle!

11/03/2026

Denna litle stuten er ei veke gamal, første i år 🐂 Han stiller seg opp ilag med kyra når det kjem ny silo, og han smaker og får i seg litt meir kvar dag. Han skal få gå med mor si og drikke melk til han er 12 veker, i tillegg får han silo og kraftfor. Når første kalven er komt, startet liksom våren her på Bakken Gard. Da blir det straks litt meir å gjer i fjoset, i tillegg til at alt våkner til liv ute. Når dagane bli lenger og lysare kjem me på ein måte litt ut av vinterdvalen. Våren er i anmarsj 🌱

07/01/2026

Endelig, egg til salgs! Etter månadar utan egglegging, sjæra som forsynte seg godt i sommar av egga, eggtjuven som har herja i hønshuset(mulig røyskatt), ruging av kyllingar, kjøp av nye høns og revebesøk. Alle sa det var enkelt med høns. Me har fora på høns som ikkje verpe lenge nok så no er gleda stor i heimen 🥳
No har me eit lite parti med egg til sals i gardsutsalet🥚 og forhåpentligvis forsetjer trenden og me fyller på etterkvart 🤞Hønsa har beita ute så lenge det gjekk, dei får soyafritt økologisk kraftfor og får gå ute kvar dag heile året. Egga er ein fryd å sjå på og skikkeleg gode på smak. Ta med eigen kartong eller så har me papirpose du kan bruke.

01/01/2026

Årets første snø på årets første dag ❄️
✨️
Alle dagar går sin vandte gang, dyra skiljer ikkje så raud dag eller andre dagar. Me har likevel hatt ei roleg jul og romjul, med arbeid innimellom.
Me på bakken gard vil takka for året som gjekk. Og alle gode ønsker for det nya året✨️ Og takk til alle som støtter, heier og handlar ✨️