03/09/2026
सबै सुत्ने बेला भएको छ… तर मेरो आँखामा भने आज निद्रा छैन।
किनकि आज मैले आफ्नै आँखाले एउटा मान्छेलाई यो संसारबाट अन्तिम बिदाइ हुँदै गरेको देखेँ।
त्यो दृश्य देख्नेबित्तिकै मैले उसको ठाउँमा आफूलाई राखेर हेरेँ… अनि आँखा रसाए। 😢
जाने बेलामा उसँग केही रहेनछ…
न धन, न घमण्ड, न अहंकार, न अधुरा सपनाहरू पूरा गर्ने समय।
यतिसम्म कि अन्तिम समयमा पानीसम्म पिउन पाएनछ।
त्यो क्षणले मलाई एउटा कुरा गहिरोसँग सिकायो—
हामी आखिर के कुराको घमण्ड गर्छौँ? के कुराको अहंकार गर्छौँ?
आज हामीसँग जे छ, भोलि त्यही सबै छोडेर जानुपर्ने रहेछ।
यो संसार कति सुन्दर छ…
जहाँ हे¥यो, माया छ, प्रकृति छ, सम्बन्धहरू छन्, सपना छन्, हाँसो छ। ❤️
तर हामी भने सानो–सानो कुरामा एकअर्काको मन दुखाएर, रिसाएर, घमण्ड गरेर बसिरहेका छौँ।
त्यसैले सकिन्छ भने मान्छेलाई माया गरौँ, सम्मान गरौँ, मिठा वचन बोलौँ।
किनकि एकदिन हामी जानेछौँ…
त्यो बेला हाम्रो पैसा होइन,
हामीले कसैको मनमा छोडेको मिठो सम्झना मात्रै बाँकी रहनेछ।
आज त्यो दृश्यले मलाई आफैँलाई प्रश्न गर्न बाध्य बनायो—
“यदि भोलि म पनि यस्तै भएँ भने?”
मेरा पनि त आधा सपना अधुरा छन्…
आधा जिम्मेवारी बाँकी छन्…
कति ठाउँ घुम्न बाँकी छ, कति कुरा गर्न बाँकी छ, कति मान्छेलाई माया देखाउन बाँकी छ।
त्यसैले मनभित्र डर लाग्यो—
जिन्दगी लामो छ भनेर सोचिरहँदा कतै समय नै छोटो पो रहेछ कि?
आज भगवानसँग मेरो एउटै प्रार्थना छ—
मेरो कारणले कहिल्यै कसैको मन नदुखोस्।
मबाट सबै कुरा राम्रो हुन सकेन भने पनि,
कम्तीमा मेरो कारणले कसैलाई नराम्रो नहोस्। 🙏
पैसा कमाउनुहोस्, प्रगति गर्नुहोस्, भविष्यका लागि बचत गर्नुहोस्।
तर आफ्नो स्वास्थ्यलाई कहिल्यै नबिर्सनुहोस्।
नयाँ ठाउँ घुम्नुहोस्, प्रकृति हेर्नुहोस्, जंगलतिर जानुहोस्, आकाश हेर्नुहोस्…
किनकि तपाईंको सबैभन्दा ठूलो धन तपाईंको बैंक ब्यालेन्स होइन, तपाईंको स्वास्थ्य र तपाईंको जीवन रहेछ।
जिन्दगीले सबै सपना पूरा गर्ने मौका देओस् भन्ने त चाहना हुन्छ…
तर सबै सपना पूरा हुन्छन् भन्ने ग्यारेन्टी रहेनछ।
त्यसैले आजैदेखि—
माया गर्नुस्।
सम्मान गर्नुस्।
मिठो बोल्नुस्।
मन नदुखाउनुस्।
र आफूलाई पनि बाँच्न दिनुस्। ❤️
किनकि अन्तिम बिदाइको त्यो क्षणमा
हामीसँग लिएर जाने केही हुँदैन…
केवल हामीले कसैको जीवनमा छोडेको माया र सम्झना मात्र बाँकी रहन्छ। 😢🙏
#जीवन #माया #मानवता #स्वास्थ्य #सम्झना
