04/09/2026
#श्रीकृष्ण_जन्माष्टमीको_हार्दिक_शुभकामना 💐
श्रीकृष्ण जन्माष्टमी २०८३ को पावन अवसरमा सम्पूर्ण नगरवासी, देश र विदेशमा रहनु भएका सम्पूर्ण नेपाली दिदीबहिनी तथा दाजुभाइहरूमा सुख, शान्ति, सुस्वास्थ्य, समृद्धि र उत्तरोत्तर प्रगतिको हार्दिक मंगलमय शुभकामना व्यक्त गर्दछु।
श्रीकृष्ण जन्माष्टमी एक धार्मिक पर्व मात्र नभई धर्म, न्याय, प्रेम र कर्मयोगको प्रतीक पनि हो । भगवान श्रीकृष्णको जीवनले मानवता, सहिष्णुता र सत्य मार्गमा चल्न प्रेरणा दिन्छ । गीता उपदेशमा वर्णित योगमार्गहरू : राजयोग, भक्तियोग, कर्मयोग र ज्ञानयोग,आज पनि हाम्रो जीवनको प्रत्येक मोडमा मार्गदर्शकका रुपमा रहेका छन्।
नेपालको बहुजातीय, बहुभाषिक, बहुधार्मिक, बहुसांस्कृतिक एवं विविधतायुक्त संस्कृति र वैदिक परम्पराले श्रीकृष्ण जन्माष्टमीलाई सामाजिक एकता, सांस्कृतिक समरसता र आध्यात्मिक चेतनाको पर्व बनाएको छ । यो पर्वमा भक्तिभाव एवं आस्थाका साथ आयोजना गरिने झाँकी, भजनकीर्तन, कृष्णलीला, उपवास र सामूहिक पूजा–आराधनाले श्रद्धालुहरूलाई आत्मशुद्धि र भाइचारा बढाउने अवसर प्रदान गर्दछ ।
श्रीकृष्णको बाललीला, गोवर्धन धारण र गीता उपदेशजस्ता पौराणिक प्रसंगहरूले धर्मको पुनस्र्थापना र अधर्मको विनाशको सन्देश दिन्छन । यस पर्वले सत्य, करुणा र समत्वको मार्गमा अग्रसरताका लागि हामीलाई सघाउ पुग्दछ। भगवान श्रीकृष्णले सिङ्गो मानवताको भलोका लागि अपनाएका नव आचार र विचारहरुलाई अवलम्बन गर्न यो पर्वले अभिप्रेरित गर्दछ । यस अवसरमा गरिने पूजा र प्रार्थनाले हाम्रा कर्महरुको नकारात्मक प्रभावलाई कम गर्न सहयोग पुग्छ ।
श्रीकृष्णको जीवनलाई प्रेम, करुणा र न्यायको प्रतीक पनि मानिन्छ । श्रीकृष्णको चरित्र समाजलाई समरसता, समावेशिता र धर्ममाथि अडिग रहने संदेश दिन्छ । सांस्कृतिक एकता, भक्तिभाव र उत्सवधर्मिताको उत्सवको रुपमा समेत रहेको यो पर्वमा अधर्ममाथि धर्मको विजय, जीवनको संघर्षहरुमा समत्व र संयम, आत्म उन्नतिका लागि कर्मयोग, प्रेम र भक्ति मार्गलाई अंगिकार गर्ने जस्ता सन्देश निहित रहेका छन् ।
श्रीकृष्ण जन्माष्टमी पर्वको पावन अवसरले धर्मको ज्योति र प्रेमको सुगन्धबाट सबैको जीवन उज्जवल बनाउन सहयोग पुगोस् । श्रीकृष्णको आदर्शहरु अपनाउँदै जीवनमा सत्य, धर्म र करुणाको मार्गमा अग्रसर हुन यो पर्वले सबैलाई उत्प्रेरित गरोस् ।
अन्त्यमा, भगवान श्रीकृष्णको दिव्य शिक्षाले हामी सबैमा धर्म, प्रेम र सहिष्णुताको ज्योति फैलाउन अभिप्रेरित गर्न सकोस् । सत्य र कर्मको मार्गमा अग्रसर भई सभ्य, सुसंस्कृत र समुन्नत समाज निर्माणमा योगदान पु¥याउन यो पर्वबाट प्रेरणा मिलोस् भनी पुनः श्रीकृष्ण जन्माष्टमीको हार्दिक शुभकामना व्यक्त गर्दछु ।
धन्यवाद !
#मेयर_प्रत्यासी
#विजय_यादव_निर्विज
#फतूवा_विजयपुर_नगरपालिकाक_रौतहट
