23/09/2023
Anak kupa kilala kune ing Guinung Dios. Kapilan man eke ikit pero balu kung atsu yamu ken. Kapilan man eke dimdam ing bosis na, dapot pakisabyan ke. kapilan man eke bitasang atalan dapot aku kaya makatalan lalu na potang alang apulayan. ali naku sinisi dapot manyad kung tawad kareng agawa kung kasalanan. Ala ku man abibye dapot dakal ing kayang pagkalub a kalam. Aldo-aldo kung makipaglaban king bie na ala nanu man armas iti kanakung alalagpusan. Antini ing bie ku. at balu ku antiyan ka rin. Eku magmalinis . Wa, minsan magduda ku king Guinung Dios. Kukutang king sarili ku. " Obat sasamban ke ing lalang na eku pa bitasang ikit?" Aku rin pala ing makibat. " tutung dakal lalang keti yatu na makaparikil mu king yatu at ena agyung abutan ning beluan ning tau" Ing Angin a kekatang pangisnawanan akakit taya? Ali.Dapot eka kumabye nung ala ya. Ing Danum makibat ya nung kekang kutnan? Ali. Dapot eka kumabye nung ala ya. Ing pamangan wari iligtas naka king nanu man kerokan? Ali.Dapot eka kumabye nung ala ya. DENI NGAN ,ING YATU, TAU AT ING SIYENSYA.
SIYENSIYA? Ninung mekapagdulap king Siyensya? Ewari ing tau na? Mayaus yang Siyensya ing Siyensya nung alang ginawa kaniti? Ninung miglalang king Siyensya? Ninung mengumpisa king egana gana? maliban king Guinung Dios, atin kapang aisip aliwa? Ing Dios, etaya akakit dapot kapilan man etamu milako king panimanman na. Etaya man daramdaman ing bosis na dapot kapilan man eya meging maklak kareng saingsing tamu. Etaya man atatalan dapot kapilan man enaka tamu binili. Nung ing Siyensya iyang ginawang Mala obat atsu tamu keni, obat ene agyung ibalik ing bie ning meangu a bie? Uling aliwa ing Siyensya ing mimye king egana gana. ING GUINUNG DIOS. Akutang muna wari king sarili mo, king keraklanan ding aldo na migigising at mitatalakad ka, mekapagpasalamat ka king ala ng patnang pamangising na keka neng abak? eya sasawang ibye ding kekang pamangailangan maski emu pa anwaran? Menyad nakang pakalulu kareng egana gana mung agawa sala ampong menyad ing antabayanan naka? Nung ali pa, isundu mu ing pamamasa. Miyabe katang manalangin.
Oh Guinung Dios, dakal a adakal pung salamat kareng pigkalub mung Kalam kekami. Eke man karapatdapat king kekang lugud, atsu kayu pa rin ban kekaming lingapan. Guinung Dios, migit sisiklod at mitmung kababan lub ing manyad tawad
kareng agawa ming sala. Sasaryan man o ali, patawaran yuke pu. Linisan mo pu ding Pusu mi at ilako nanu man marawak a panandaman a kekaming kikimkiman. Guinung Dios, itatas kula pu ding kanakung bukas na itulid king masalese dalan a kakung lalakaran. Ikayu na pu ing mantabe kanaku at sopan king pamaglakbe oh Guinu. ikayu ng tuntunan ku manibat ngeni oh Guinu, bista man palpikasala ku, matbud king nanu man aligwat ,maralas kakayna ing kakung kasalpantayanan, mananu na sana emuku bibili. emuku sana pagsawan na abayanan muku oh Guinu, kailangan naka ning Balayan ku. Ume mung itugtug ing kekang lugud at pamamatawad king yatu. tagkilan mula ding balang metung at metung kekami ban maging dalan ing apasyag daka pa ding aliwang tau. Dinan mu kaming beluan at lekasan ban ipasyag ing kekang panga Guinung Dios at mandatila ka. Oh Malugud ming Guinu, eke magal ing samban ka.Manibatan king malati angga king pekamadagul mung kalam kakung tingiran a utang a lub ini angga na king kanakung kamatayan. Miral sa ing pamikakalugud na menibatan pa keka kareng egana ganang mamasa kaniting Panalangin. Gamitan mu kami oh Guinu king kekang Nasa ban magus ing pamikakalugud at pamamye mung kalam kareng kekang anak. Guinung Dios, kekayu pu ing kapurian at kapasalamatan king lagyu ning bugtung mung anak I Hesus.
YANASA
pauli ning pausung CHALLENGE, I challenge dakayu pu ..na ding egana ganang maniwala king Guinung Dios. nung pwedi i COPY at PASTE ya ini anting kekang STATUS king magGrasyang aldong ayni.misaup saupan tamung ikalat ing lugud king balang metung at metung. DAKAL A DAKAL A SALAMAT PU ing Guinung Dios yang mingat at mantabe kekatamu ngan.
❤❤❤
AMEN.🙏☝
