14/08/2026
π’ BINALONIANs, BASAHIN MUNA NANG MAIGI BAGO MAGREKLAMO O MANISI.
Nauunawaan po namin na marami ang nagtatanong kung bakit wala ang kanilang pangalan sa listahan ng beneficiaries ng Rice Subsidy Program. Kaya nais naming ipaliwanag nang malinaw kung saan nanggaling ang masterlist at paano ito pinroseso.
Una sa lahat: WALANG βLISTA-LISTA.β
Hindi po gumawa ng sariling listahan ang Barangay.
Hindi po naglista si Kagawad o Kapitan.
Hindi po naglista ang BHW.
Hindi po naglista si Barangay Secretary.
At hindi rin po basta pumili ng pangalan ang LGU o MSWDO.
Ang ginamit nating pangunahing database, alinsunod sa guidelines at sa kasalukuyang paggamit ng Community-Based Monitoring System (CBMS) sa pagtukoy ng target beneficiaries, ay ang 2024 CBMS DATA.
Mula sa CBMS 2024, na-generate ang records ng ating vulnerable sectors:
π¨β𦽠1,892 Persons with Disabilities (PWDs)
π΄π΅ 8,982 Senior Citizens
π©βπ§ 1,115 Solo Parents
Dagdag dito, nag-generate din tayo batay sa edad ng mga naging bagong Senior Citizens noong 2025β2026, na umabot sa humigit-kumulang 1,015.
Ibig sabihin, mahigit 13,000 records ng members ng vulnerable sectors ang kailangang iproseso at i-cross-match. Hindi ito simpleng pagkuha lamang ng pangalan sa isang listahan.
π BAKIT KAILANGAN ANG CROSS-MATCHING?
Dahil malinaw ang patakaran:
ONE (1) BENEFICIARY PER HOUSEHOLD ONLY.
Kahit may Senior Citizen, PWD at Solo Parent sa iisang household, o kahit dalawa o higit pa ang Senior Citizens sa loob ng bahay, iisa lamang ang maaaring maging beneficiary ng household.
Kaya kino-cross-match ang mga pangalan gamit ang household information na nakasaad mismo sa 2024 CBMSβbatay sa impormasyong ibinigay noong kayo ay na-interview sa survey.
πΎ 5,061 LAMANG ANG ALLOCATION MULA SA PROBINSYA
Ang allocation ng Provincial Government of Pangasinan para sa Binalonan ay 5,061 beneficiaries, at ito ay inilaan natin para sa ating Senior Citizens.
Ngunit tandaan: maraming Senior Citizens ang maaari ring naka-tag bilang PWD at Solo Parent, kaya sila ay napabilang sa listahan ng beneficiary naman sa LGSF ng LGU Binalonan. Hintayin lamang ang implementasyon nito.
Sa isinagawang cross-matching, nasa humigit-kumulang 600 na records ng 4Ps at UPLIFT beneficiaries ang natukoy at inalis mula sa listahan dahil ang mga household na ito ay kasalukuyan nang tumatanggap ng tulong mula sa pamahalaan. Ang 4Ps households ay tumatanggap po ng rice subsidy at iba pang assistance mula sa DSWD.
Kaya mahalaga ang cross-matching upang maiwasan ang duplication at mabigyan ng pagkakataon ang iba pang households na hindi pa nakatatanggap ng katulad na tulong.
β βSENIOR/PWD/SOLO PARENT AKO, BAKIT WALA ANG PANGALAN KO?β
Kung wala talaga ang inyong pangalan sa generated CBMS records, isa sa mga dapat munang alamin ay:
Nagpa-interview po ba kayo noong 2024 CBMS Survey?
Ang CBMS interview ay hindi sapilitan. Kung hindi po kayo nagpa-interview, hindi pumayag na mapasama sa survey, o wala ang inyong household/person record sa CBMS 2024, wala rin pong record na maaaring i-generate mula sa database para maisama sa prosesong ito.
Ito ang dahilan kung bakit mahalagang makipagtulungan tayo tuwing may CBMS, PSA surveys, validation, registration at data updating na isinasagawa ng pamahalaan. Ang impormasyong ibinibigay natin ngayon ang maaaring maging basehan ng mga programa at serbisyo sa hinaharap.
β€οΈ WALANG PALAKASAN. WALANG PINIPILING PABORITO.
Ang MSWDO ay nagproseso lamang ng records ayon sa available government data, allocation at guidelines.
Kaya bago po natin sisihin ang Barangay, si Kapitan, BHW, Secretary, MSWDO o ang LGU, alamin muna natin kung ano ang policy at kung ano ang nakasaad sa ating records.
May limitasyon ang pondo at allocation. Hindi man kayang mabigyan nang sabay-sabay ang lahat ng kabilang sa vulnerable sectors, sinisikap nating maging patas, objective at records-based ang pagpili upang mas maraming sambahayan ang makinabang.
Hindi po reklamo ang problema, karapatan ninyong magtanong at humingi ng paliwanag. Ang hinihiling lamang namin ay basahin muna ang impormasyon, magtanong nang maayos, at alamin ang proseso bago manisi.
Ginagawa lamang po ng ating mga kawani ang kanilang trabaho ayon sa guidelines at records. Sana ay samahan ninyo kami sa pamamagitan ng pakikipag-cooperate at pagbibigay ng tama at kumpletong impormasyon tuwing may government survey, validation at updating.
Walang lista-lista. Walang palakasan.
CBMS DATA + CROSS-MATCHING + GUIDELINES + AVAILABLE ALLOCATION ang naging batayan.
Maraming salamat po sa inyong pang-unawa at pakikiisa. ππΎ
