21/05/2026
Paliwanag ni Shiekh Ibnu Othaymeen sa Hadith ng Mahal na Propeta Muhammad ﷺ tungkol sa kahigitan ng unang sampong araw ng Dhul Hijjah
عن ابنِ عبَّاسٍ رَضيَ اللَّه عَنْهُمَا ، قالَ : قالَ رسُولُ اللَّهِ ﷺ ❞ مَا مِنْ أيَّامٍ العَمَلُ الصَّالِحُ فَيْهَا أَحَبُّ إِلَى اللهِ مِنْ هَذِهِ الأَيَّامِ ❝ -يَعْنِي أَيَّامَ العَشْرِ- ، قَالُوا : يَا رَسُولَ اللهِ ، وَلَا الجِهَادُ فِي سَبِيلِ اللهِ ؟ قَالَ : ❞ وَلَا الجِهَادُ فِي سَبِيلِ اللهِ ، إِلَّا رَجُلٌ خَرَجَ بِنَفْسِهِ وَمَالِهِ فَلَمْ يَرْجِعْ مِنْ ذَلِكَ بِشَيْءٍ ❝ رواه البخاري
Ulat mula kay Ibnu Abbas (kalugdan nawa sila ng Allâh), sabi niya: Sabi ng Sugo ng Allâh ﷺ: ❝Walang mga araw, na ang mabuting gawain sa mga ito ay lubos na kaibig-ibig kay Allâh, maliban sa mga araw na ito (ang unang sampung-araw ng Dhul Hijjah).❞ Kanilang sinabi: O Rasulullâh, maging ang Jihad para sa landas ni Allâh (ay mas mainam ang mabuting gawain sa mga araw na ito)? Kanyang sinabi: ❝Maging ang Jihad para sa landas ni Allâh, maliban sa lalaking inilabas ang sarili niya at yaman niya, at hindi na nakabalik mula doon kasama ang mga ito.❞ Bukhari
قال الشيخ محمد بن صالح العثيمين رحمه الله : ❞ ينبغي لنا أن نجتهد في الأعمال الصالحة في هذه الأيام العشر من الصيام والذكر وقراءة القرآن ، وكثرة الصلاة والصدقة والإحسان إلى الخلق ، وغير ذلك مما يقرب إلى الله - تبارك وتعالى - ، فإن العمل الصالح في هذه الأيام العشر أفضل من العمل الصالح في الأيام العشرة الأخيرة من رمضان ؛ لأن النبي - صلى الله عليه وعلى آله وسلم - عمم تعميماً مؤكداً بمن فقال : ما من أيام العمل الصالح فيهن أحب إلى الله من هذه الأيام العشر ❝ اللقاء الشهري
Sinabi ni Shaikh Muhammad Bin Saleh Al-Othaymeen (kahabagan nawa siya ng Allâh): ❝Nararapat lamang sa atin ang pagsusumikap sa mga gawaing kabutihan sa mga natatanging araw na ito sampung araw ng Dhul Hijjah mula pag-aayuno, pag-gunita sa Allâh, pagbabasa ng Qur’an, pagpaparami ng Salâh (mga bulontaryong Salâh), sadaqah (kawang-gawa) at magandang pag-uugali (pakikitungo) sa lahat ng nilalang. At iba pang mga gawaing nagpapalapit sa Allâh, sapagkat ang mga magagandang gawain sa mga araw na ito (10 araw ng Dhul hijjah) ay mas mainam kaysa sa mga gawaing kabutihan sa huling sampung araw ng Ramadhân. Dahil ang Propeta Muhammad ﷺ nilahat niya ito at binigyang-diin sabi niya: Walang mga araw na ang mga mabubuting gawain dito higit na dakila at kinalulugdan ng Allâh maliban sa sampung araw na ito (unang 10 araw ng Dhul Hijjah).❞
Kaya mga mahal kong kapatid samantalahin po natin ang pagkakataong ito upang magparami ng mga mabubuting gawa at pagsamba sa Allâh sa mga araw na ito (unang sampong araw ng Dhul Hijjah) tulad ng pagparami ng mga boluntaryong Salâh, pagbibigay ng kawanggawa, pag-aayuno, pagparami ng dhikr, pagsalawat kay Propeta Muhammad ﷺ, pagbasa ng Qur’an, pagbisita sa mga kapatirang Muslim may karamdaman, pagbisita sa mga kamag-anak specially ang mga magulang, pag-utos ng mabuti at pagbawal ng masama (da’wah) at marami pang iba.
Tanggapin nawa ng Allâh ang lahat ng ating pagsusumikap at paggawa ng mabuti at nawa’y maisakatuparan natin ito sa paraan ikalulugod sa atin ng Allâh. Âmeen!
Para sa karagdagang kaalaman hinggil sa unang sampong araw ng Dhul Hijjah, pakiclick lamang po ang link sa ibaba👇
https://www.facebook.com/share/p/1Kb3fMzdL2/?mibextid=wwXIfr
____________________
🔎 (FaceBook | X | Instagram | YouTube | SnapChat | Google)
