16/05/2026
Isang hindi pang karaniwang araw ang nangyari sa Paeng's
Bandang alas 4 ng umaga nag post ako sa Page na sarado muna ang Paeng's dahil sa lakas ng ulan at sinabayan pa ng pag kawala ng kuryente at puyat dahil sa init ng panahon, kaya inaasahan namin na wala nang pupunta para kumain, bandang alas 6 pasado ng umaga ng may narinig akong nag uusap sa harap ng bahay namin, kaya dali dali akong bumaba upang kausapin ang mga taong nag sadya para kumain sa Paeng's hindi daw nila alam na may post na sarado muna ang Paeng's, lahat sila ay nag mula pa sa Lungsod ng Malolos dumayo pa daw para lang makakain sa Paeng's..
Nakipag usap ako sa kanila at humingi ng paumanhin at ipinaliwanag ko ang sitwasyon napaka daming kalat dahil sa mga laglag na mga dahon basa ang mga mesa at upuan ni hindi pa kami nakakapag luto ng sinaing dahil nga alam naming sarado kami at wala kaming makakatuwang sa pag luluto at iba pang gawain, ngunit nakita ko sa kanila ang pang hihinayang dahil malayo pa daw ang kanilang pinanggalingan kaya nag desisyon na kaming mag asawa na ipag luto sila para hindi masayang ang oras na inilaan nila makapunta lang sa amin, dali dali naman silang nag pasalamat at nag salita na handa silang mag hintay para makakain sa Paeng's.
Makalipas lang ang mahigit kumulang isang oras ay nailuto namin ang lahat ng kanilang mga orders at lahat ay tuwang tuwang nakakain habang nakikipag kwentuhan ako sa kanila at patuloy na humihingi ng paumanhin sa nangyari..
Matapos silang kumain sila ay labis na nag pasalamat sa aming mag asawa dahil sa pagpapaunlak sa kanila.
Bago umuwi, hindi ko alam lahat pala sila ay kaanib sa iisang simbahan mula Atlag Malolos at humiling ako na maka kuha sa kanila ng mga larawan at nagsalita ang isa sa kanila Isa pala syang pastor at bago umuwi lahat ay sabay sabay na itinaas ang kanilang mga kamay patungo sa amin at nag simulang manalangin, at sa gitna ng kanilang panalangin bigla akong napangiti at lubos na natuwa dahil ang panalangin pala nila ay para pala sa aming mag asawa lubos ang kanilang pasasalamat sa Diyos at humiling na nawa ay patuloy kaming basbasan at patuloy kaming biyayaan ng Diyos...Hindi ko napigilang mag bahagi ng aking buhay sa kanila, sinabi ko sa kanila,
Ito na ang pinakamaganda at pinakaahalagang ibinigay na tip sa amin.. lahat sila ay umuwing busog ang mga tiyan at may baong ngiti sa kanilang mga labi habang kaming mag asawa ay lubos ang kasiyahang nadama dahil sa pang yayaring iyon...
Isang patunay na may mga bagay at pagkakataon na hindi man natin inaasahan basta Panginoon Diyos ang nag plano, mahirap man ang sitwasyon, wala tayong dapat na ipag alala dahil may gagamitin syang mga tao bilang instrumento upang tayo ay unawain,, tulungan na makayanan ano man ang ating pinag daraanan..
Hindi ko kayo personal na kakilala, magkaiba man ang ating simbahan na dinadaluhan, ngunit alam nating iisang Diyos lang ating sinasamba, pinaniniwalaan at pinaglilingkuran...
Maraming Salamat po and Godbless po Pastor Arnel Jumaquio of Chosen by God Church Atlag Malolos Bulacan
Maraming maraming Salamat po sa inyo
Pagpalain nawa tayong lahat ng Panginoon Diyos...
