22/03/2014
Sa DNHS Class 0f 2014,
Maraming iba't iba pagsubok at hamon ang napagdaanan hindi lamang ng natin ngunit ng buong bansa sa nakaraang taon at sa kasalukuyan. Mga kalamidad, kahirapan at iba pang isyung panlipunan gaya na lamang ng mga isyung sangkot ang ibang opisyal ng ating pamahalaan at lalung lalo na ang usaping pangseguridad ng ating bansa. Ito'y ilan lamang sa mga hamon sa atin. Ngunit bilang mga Pilipino ay napagtagumpayan natin ang mga ito. Nanatili tayo na nakatayo at di natinag bagkus ay mas lumakas ang ating loob dahil sa mga ito. Nagawa pa din nating ngumiti sa kabila ng lahat ng mga ito. Patuloy pa rin tayong kinikilala sa iba't ibang larangan maging sa buong mundo. Patunay lamang na hindi natitinag at alam kong hindi patitinag ang pusong Pilipino.
Gaugnay nito, ang magsisipagtapos na ito ay may napagtagumpayan din. Ang araw-araw na mga hamon sa loob ng apat na taon ay napagdaanan din nila katulad o higit pa sa napagdaanan ng ibang mga nag aaral. Ang paggising ng maaga upang paghandaan ang bago na namang araw ng pagpasok, pagkatapos nito ay ang paglakad na ang iba'y inaabot ng isang oras o higit pa galing bahay papuntang paaralan lalo na kung mataas ang tubig sa dagat o ilog at kung madulas ang daan hanggang pag uwian. Ang iba pa nga ay pagkatapos sa eskwela ay naghahanapbuhay pa at ang iba nama'y lumiliban sa klase para maghanap buhay at makatulong sa mga magulang at pamilya.
Sa mga magulang, isang tagumpay din po ito sa inyo. Batid po namin ang lahat ng sakripisyo at pagbubuno na pinuhunan niyo para sa mga magsisipagtapos na ito. Ang pawis at pagod na ni minsan di nyo ininda mairaos lang ang pag aaral nila. Ang pag gising niyo din sa umaga upang ihanda ang mga gamit at baon nila at ang iba' y inihahatid pa. Higt sa lahat ang kalinga at pagmamahal mula sa mga pangaral na naging puhunan din ng mga magsisipagtapos na ito. Binabati ko po kayo.
Sa mga g**o at lahat ng bumubuo sa Danao National High School, ang amin pong pag saludo sa inyo. Di alam ng lahat ang araw araw na pinagpapaguran nyo. Ang patuloy at walang katapusang pagbibigay ng sapat at wastong kaalaman sa magsisipagtapos na ito. Ang hirap at pagod na kung minsa'y nakikipaglaro sa mga alon kung masama ang panahon. At paglalakad galing bayan para sa mga mag aaral ng ating paaralan. Sa muli, saludo po kami sa inyo.
Ang pagtatapos na ito ay katagumpayan po ng lahat. Ang lahat po ng ating napagdaanan at ating pananatiling matatag sa kabila ng mga hamon ng buhay ay patunay lamang na tayo ay may pusong Pilipino. At ito ay dahil di natitinag ay kailanman ay di patitinag ang pusong Pilipino.
Mula sa lahat ng bumubuo ng SURIYAW DANAO. Ang pag papaabot po ng PAGBATI SA LAHAT!!!
