Barangay Borac, Coron, Palawan

BRIEF HISTORY:

Batay sa talaan ng kasaysayan at alaala ng mga iilang naunang naninirahan dito, taong 1915 kilala ito sa lugar na Sitio Borac ng Barrio Marcilla. At ang mga sumunod na Tenyente Del Barrio ay sina Rodrigo Echague, Marcelino Tabale, Juan Tabale, Alejandro Austria, Cristuto Mabanta, Cristituto Panday at Nemesio Braganza taong 1961. Dahil sa lupang donasyon ni G. Patricio Peb

eauco nagkaroon nang mababang paaralan ng Borac Elementary School taong 1935 at dahil sa pagdami ng mga mag-aaral nagkaroon na rin ng sekundarya na nagsilbing annex ng Coron School of Fisheries. At sa paglipas ng taon, taong 1995 isa na itong Borac National High School. Ang BORAC ay hango sa salitang Tagbanua na ang ibig sabihin ay BUNGA o PRUTAS at sa Cuyonon naman ay ang ibig sabihin Burak ay Bulaklak. Dito matatagpuan ang mga magubat na lugar na maraming mga punong kahoy at mga baging na namumunga at namumulaklak. Habang wala pa ang tag-ani ng palay sa kaingin, ang nagsisilbing pagkain ng mga tao ay ang mga bunga ng Pale, Paho, Amoges, Alulyaw, Sipuna, Santol, Duhat, Kulyat, Begnay, Inyam, Balon Saging, Lamang Baging Korot, Kapari, Tagya, Kabwan, Kamote, Araro, Kaladi, Saging, Mais at iba pang bungang kahoy.