23/07/2026
Exclusive| 8 anyos nga giingong gikulata sa classmate, naka-i love you pa sa iyang amahan ayha nabugtoan og gininhawa
Emosyonal nga gisaysay sa inahan nga si Aramina Camanzo nga ayha gitubohan ug nakabsan sa iyang kinabuhi si Jayra, nakaingon pa kini og "i love you, pa".
Gani gihangyo pa niini iyang amahan nga mutubag og "i love you too" hinungdan nga mitubag kini og i love you too ate". Niabot matod pa ang higayon nga wala na kini nakaila kanila ug ang ginasangpit lang niini ang "Ma, Pa excuse" hangtod nga pasado alas 2:00 Martes sa hapon, Hulyo 21 nabugtoan na kini og gininhawa.
Sumala ni Pmaj. Marc Hedssel Culaste, Station Commander sa Sta. Ana Police Station, base sa findings sa physician, brain failure and traumatic brain injury ang gikamatyan sa biktima ug ginahulat nalang nila ang medical result sa ultrasound niini.
Sa imbestigasyon, pasado alas 3:00 sa hapon, Hulyo 17, nag-away matod pa ang responsable ug ang biktima ug gihapak og notebook sa ulo ang biktima.
Dugang ni Culaste nga padayon ang ilang imbestigasyon kalabot sa giingong pagsumbag sa ulo, pagsiko sa tiyan, pagsipa sa paa sa biktima ug ang giingong tulo ka lalaki ang mitabang sa pagpasakit sa maong biktima.
Sa karon, gihaya na Island Garden City of Samal ang lawas sa biktima.
