07/03/2026
OFFICIAL STATEMENT
Nakarating po sa Tercero Streat Food and Beverage Vendors Association ang isang kumakalat na post sa social media na nagsasabing may nabili umanong ihaw-ihaw na may itlog ng langaw sa Echague Market at iniuugnay ito sa mga nagtitinda sa Tercero Streat.
Matapos ang agarang beripikasyon at pakikipag-ugnayan, napag-alaman po na ang naturang ihaw ay hindi nabili sa Tercero Streat kundi sa ibang bahagi ng palengke ng Echague.
Nais po naming linawin na ang mga vendor sa Tercero Streat ay patuloy na nagsusumikap na mapanatili ang kalinisan, maayos na paghahanda ng pagkain, at kalidad ng mga produktong aming itinitinda. Mahigpit po naming pinahahalagahan ang food safety at ang tiwala ng aming mga mamimili.
Nakikiusap din po kami sa publiko na kung maglalabas o magpo-post ng anumang impormasyon sa social media, tiyakin muna na tama, malinaw, at nakasaad ang eksaktong detalye upang maiwasan ang maling pag-uugnay na maaaring makasira sa kabuhayan ng mga vendor na sumusunod naman sa tamang pamantayan ng kalinisan at kaligtasan ng pagkain.
Maraming salamat po sa inyong patuloy na suporta at pag-unawa.
Olive Pacheco
President, Tercero Streat Food and Beverage Vendors Association
