19/05/2026
𝗦𝗢 𝗣𝗔𝗚𝗔𝗡𝗔𝗬 𝗔 𝗦𝗔𝗣𝗢𝗟𝗢 𝗚𝗔𝗪𝗜𝗜 𝗞𝗢 𝗗𝗛𝗨𝗟 𝗛𝗜𝗝𝗝𝗔𝗛🔰
Pd sa limo o Allah ko mga oripn iyan naso kapphakatalingomaa niyan kiran ko masa a makallbi ron so mga amal a mga ppya.
Isaon dn angkae a paganay a sapolo gawii ko Dhul Hijjah.
Giyangkai a paganay a sapolo gawii ko Dhul hijjah na skanyan i PIRMIRO A MGA GAWII KO SOLDO SARAGON. Mala ini e kalbihan oba so mga kadawndaw o Ramadhan sabap sa matatago ron so YAWMO ARAFA ago so Yawmo Nahr.
Mizapaon so Allah sa aya mitotoro iyan na so kasslaa nago kala iyan i kalbihan.
(وَالْفَجْرِ وَلَيَالٍ عَشْرٍ )
Ebt ko fajr, go so mga gagawii a zasapolo.
🔹𝙎𝙤 𝙠𝙖𝙣𝙜𝙜𝙖𝙡𝙗𝙠𝙤𝙣 𝙨𝙖 𝙢𝙜𝙖 𝙥𝙥𝙮𝙖 𝙖 𝙖𝙢𝙖𝙡 𝙣𝙖 𝙥𝙠𝙝𝙖𝙗𝙖𝙗𝙖𝙮𝙖𝙖𝙣 𝙤 𝘼𝙡𝙡𝙖𝙝.
عَنِ ابْنِ عَبَّاسٍ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَا مِنْ أَيَّامٍ الْعَمَلُ الصَّالِحُ فِيهَا أَحَبُّ إِلَى اللَّهِ مِنْ هَذِهِ الْأَيَّامِ ". يَعْنِي أَيَّامَ الْعَشْرِ، قَالُوا : يَا رَسُولَ اللَّهِ، وَلَا الْجِهَادُ فِي سَبِيلِ اللَّهِ ؟ قَالَ : " وَلَا الْجِهَادُ فِي سَبِيلِ اللَّهِ، إِلَّا رَجُلٌ خَرَجَ بِنَفْسِهِ وَمَالِهِ فَلَمْ يَرْجِعْ مِنْ ذَلِكَ بِشَيْءٍ ".
“Daa mga gawii a so galbk a mapiya sii rkanyan na tanto a pkhababayaan o Allah inonta sii sangkai a mga gawii (maana a so sapolo gawii a paganay ko dhul hijjah) Inipakaiza o mga sahaba: Ya Rasolallah: Apiya so kaprang sa lalan ko Allah na di niyan kalawanan?
Tigiyan: Apiya so kaprang sa lalan ko Allah, inonta bo so mama a lominiyo raks o ginawa niyan nago so tamok iyan sa kaprang sa lalan ko Allah, oriyaniyan na dadna ba niyanon minimbalingan a shay’. (Maana a miyashahid sknyn sa lalan ko Allah).
🔹𝙈𝙖𝙩𝙖𝙩𝙖𝙜𝙤 𝙨𝙖𝙣𝙜𝙠𝙖𝙚 𝙖 𝙢𝙖𝙨𝙖 𝙨𝙤 𝙠𝙞𝙥𝙩𝙤𝙣𝙖𝙮𝙣 𝙠𝙤 𝙞𝙨𝙖 𝙠𝙤 𝙧𝙤𝙠𝙤𝙣 𝙤 𝙄𝙨𝙡𝙖𝙢 𝙖 𝙜𝙮𝙤𝙩𝙤 𝙨𝙤 𝙠𝙖𝙥𝙣𝙖𝙮𝙝𝙖𝙟𝙞.
🔹𝙎𝙖𝙣𝙜𝙠𝙖𝙚 𝙖 𝙢𝙜𝙖 𝙜𝙖𝙬𝙞𝙞 𝙣𝙖 𝙢𝙖𝙗𝙤𝙗𝙤𝙣𝙖𝙮𝙤𝙣𝙤𝙣 𝙨𝙤 𝙢𝙖𝙣𝙜𝙖 𝙤𝙣𝙖𝙮𝙖𝙣 𝙤 𝙨𝙞𝙢𝙗𝙖 𝙙𝙖𝙩𝙖𝙧𝙤 𝙠𝙖𝙨𝙢𝙗𝙮𝙣𝙜, 𝙠𝙖𝙨𝙖𝙙𝙦𝙖, 𝙠𝙖𝙥𝙤𝙬𝙖𝙨𝙖, 𝙠𝙖𝙥𝙖𝙜𝙝𝙖𝙟 𝙣𝙖𝙜𝙤 𝙨𝙤 𝙥𝙙𝙖 𝙨𝙞𝙢𝙗𝙖.
🔹𝙈𝙖𝙥𝙖𝙥𝙖𝙙𝙖𝙡𝙢𝙤𝙣 𝙥𝙣 𝙨𝙤 𝙥𝙞𝙣𝙖𝙠𝙖 𝙢𝙖𝙡𝙖 𝙖 𝙜𝙖𝙬𝙞𝙞 𝙖 𝙜𝙞𝙮𝙖𝙣𝙖𝙣 𝙨𝙤 𝙔𝙖𝙬𝙢𝙤 𝘼𝙧𝙖𝙛𝙖, 𝙖 𝙜𝙞𝙮𝙖𝙣𝙖𝙣 𝙨𝙤 𝙠𝙖𝙥𝙖𝙜𝙤𝙠𝙤𝙥 𝙤 𝙢𝙜𝙖 𝙝𝙪𝙟𝙟𝙖𝙟 𝙨𝙖 𝘼𝙧𝙖𝙛𝙖 𝙨𝙞𝙞𝙠𝙤 𝙜𝙖𝙬𝙞𝙞 𝙖 𝙞𝙠𝙖 𝙨𝙞𝙮𝙖𝙬 𝙠𝙤 𝘿𝙝𝙪𝙡 𝙃𝙞𝙟𝙟𝙖𝙝.
𝙎𝙖𝙣 𝙨𝙖𝙣𝙜𝙠𝙖𝙣𝙖𝙣 𝙖 𝙜𝙖𝙬𝙞𝙞 𝙣𝙖 𝙜𝙮𝙖𝙣𝙖𝙣 𝙨𝙤 𝙥𝙞𝙣𝙖𝙠𝙖 𝙢𝙖𝙙𝙖𝙠𝙡 𝙖 𝙥𝙝𝙖𝙠𝙖𝙢𝙖𝙧𝙖𝙙𝙞𝙠𝙖𝙖𝙣 𝙤 𝘼𝙡𝙡𝙖𝙝 𝙤𝙧𝙞𝙥𝙣 𝙞𝙮𝙖𝙣 𝙥𝙤𝙤𝙣 𝙠𝙤 𝙣𝙖𝙧𝙖𝙠𝙖.
Aya patot ko myamaratiyaya naso kapakandakla iran ko mga simba iran a mga pipiya sangkae a mga gawii ka kna obayne lalayon pzagad.
Kataya so mga pipiya sowaan:
🔰 𝐊𝐀𝐏𝐎𝐖𝐀𝐒𝐀 - Ipoon dn ko paganay a gawii taman ko ika siyaw gawii a gyoto so Yawmo Arafa.
▪️Aya balas o kapowasae ko Yawmo Arafa na iprela o Allah so myandosa o tao ko myaipos a ragon nago so ragon a phakatalingoma.
🔰𝐊𝐀𝐏𝐀𝐊𝐀𝐍𝐃𝐀𝐊𝐋𝐀 𝐊𝐎 𝐓𝐀𝐇𝐌𝐈𝐃, 𝐓𝐀𝐇𝐋𝐈𝐋, 𝐓𝐀𝐊𝐁𝐈𝐑
وعن عبد الله بن عمر رضي الله عنهما، عن النبي صلى الله عليه وسلم قال: ما من أيام أعظم عند الله ولا أحب إليه العمل فيهن من هذه الأيام العشر فأكثروا فيهن من التهليل والتكبير والتحميد أخرجه احمد 7/224 وصحّح إسناده أحمد شاكر.
“Dapena manga gawii a mala ko Allah ago pekhabhabayaan Iyan so amalon a ba lagido sapolo gawii ko Dhul Hijjah, na pakandakela niyoron so Tahlil goso Takbir goso Tahmid iyo Ron”. [At-Tabarani].
Aya katahlil na so katontola ko Laa Ilaaha illaAllah, na aya katakbir na so katontola ko Allaho Akbar, na aya katahmid na so katontola ko Alhamdulillah.
Sunnah so kapakandakla ko takbir ipoon ko paganay a gawii ko Dhul Hijjah taman dn ko ika sapolo ago tlo gawii.
Kataya so isa okit o katakbir:
Allahu akbar, Allahu akbar, La ilaha illaAllahu Allahu akbar, Allahu akbar wa lillahil hamd.
Sunnah ko mga mama a ipphayag iran so kapthakbir iran (malo phakatanogn) ka an makatanod so kipakalilipat.
🔰𝐒𝐎 𝐊𝐀𝐏𝐀𝐆𝐇𝐀𝐉 𝐀𝐆𝐎 𝐔𝐌𝐑𝐀
Aya myaaloy o Rasulullah na:
“الْحَجُّ الْمَبْرُورُ لَيْسَ لَهُ جَزَاءٌ إِلَّا الْجَنَّةُ”.
“So hajj a tiyarima na daa balas iyan inonta naso Surga.”
🔰𝐒𝐎 𝐊𝐀𝐒𝐎𝐌𝐁𝐀𝐋𝐈 𝐒𝐀 𝐀𝐘𝐀𝐌 (𝐊𝐀𝐊𝐎𝐑𝐁𝐀𝐍)
𝐓𝐈𝐆𝐎 𝐑𝐀𝐒𝐔𝐋𝐔𝐋𝐋𝐀𝐇:
“مَن كان له سَعَةٌ ولم يُضَحِّ ، فلا يَقْرَبَنَّ مُصَلَّانا”
“Sa tao a adn a mipkhorban iyan a da khorban, na di phagobay ko pshambayangan ami.”
▪️Kna oba makaisaisa ko tnday a kawyagoyag so kakorban, ka oman somagad so Dhul Hijjah a adna mipkurban o tao na patot a makakurban.
▪️So daa kapapantagan a perak iyan na khapakay ron a kapangutang iyan sa mipkorban iyan, asara a adna kagaga niyan a kabayadan iyan bo.
▪️ Sa makaniniyat khorban nadi khapakay a phutol sa bok odi na mamadot sa bok ago dipn khapakay a manganuko ipoon ko kasold o Dhul hijjah tamandn sa di masombali so korban iyan
🔰𝐆𝐎 𝐒𝐎 𝐏𝐃𝐀 𝐀𝐌𝐀𝐋 𝐀 𝐌𝐆𝐀 𝐏𝐈𝐏𝐈𝐘𝐀, 𝐍𝐀 𝐒𝐀𝐃𝐍 𝐒𝐀 𝐊𝐇𝐀𝐆𝐀𝐆𝐀 𝐑𝐎𝐍 𝐎 𝐎𝐑𝐈𝐏𝐍 𝐎 𝐀𝐋𝐋𝐀𝐇 𝐍𝐀 𝐍𝐆𝐆𝐀𝐋𝐁𝐊𝐀 𝐍𝐈𝐘𝐀𝐍 𝐃𝐀𝐓𝐀𝐑𝐎 𝐊𝐀𝐈𝐌𝐏𝐈𝐃𝐈 𝐊𝐎 𝐌𝐆𝐀 𝐏𝐀𝐋𝐈𝐘𝐎𝐆𝐀𝐓 𝐀 𝐒𝐀𝐌𝐁𝐀𝐘𝐀𝐍𝐆, 𝐒𝐎 𝐌𝐆𝐀 𝐒𝐔𝐍𝐍𝐀𝐓 𝐀 𝐒𝐌𝐁𝐘𝐍𝐆, 𝐊𝐀𝐏𝐀𝐌𝐀𝐓𝐈𝐘𝐀 𝐒𝐀 𝐐𝐔𝐑𝐀𝐍, 𝐊𝐀𝐍𝐃𝐔’𝐀, 𝐊𝐀𝐏𝐀𝐍𝐀𝐃𝐐𝐀, 𝐊𝐀𝐓𝐇𝐀𝐖𝐁𝐀𝐓 𝐊𝐎 𝐀𝐋𝐋𝐀𝐇.
Pangninta a makapagamal tano sa mga ppya a ikhasowat rktano o Allah sangkae a kaphakawma o Dhul Hijjah. 💐
Share the Khayr…❤️
📝𝑨𝑳𝑬𝑬𝑴𝑨 𝑨𝑴𝑬𝑹𝑨𝑯 𝑷𝑨𝑺𝑨𝑵𝑫𝑨𝑳𝑨𝑵
