23/05/2026
Thank you very much, Congressman Arnie Buquid Fuentebella, for recognizing Abante Ampaw Store - The Original ❤️🙌
Dakulang onra po ini para sa samuyang pamilya asin sa mga tawo sa likod kang mga tradisyonal na produkto kan Partido Bicol. An saindong suporta asin pagpapahalaga nagpapakusog kan samuyang inspirasyon na padagos na buhayon asin ipagmalaki an lokal na kultura, kasipagan, asin kalidad na ipinamana kan mga nagpoon kan Abante Ampaw. 🌾❤️
Maraming salamat po sa pagtao importansya sa mga lokal na produkto asin sa mga negosyong tunay na gibo sa Partido. 🙏✨
𝗣𝗘𝗢𝗣𝗟𝗘 𝗢𝗙 𝗣𝗔𝗥𝗧𝗜𝗗𝗢 | 𝗝𝗼𝗵𝗻 𝗞𝗲𝗻𝗻𝗲𝘁𝗵 𝗔𝗯𝗮𝗻𝘁𝗲 𝗮𝗻𝗱 𝘁𝗵𝗲 𝟱𝟬-𝗬𝗲𝗮𝗿 𝗦𝘁𝗼𝗿𝘆 𝗼𝗳 𝗔𝗯𝗮𝗻𝘁𝗲’𝘀 𝗔𝗺𝗽𝗮𝘄
Makalihis an singkwentang taon, nakatindog man giraray ang sadit na pwesto kun sain mahihiling an iba-ibang klase nin ampaw sa Barangay San Vicente, Lagonoy. Ini sa ibong kan mga bagay na kadalasan na nagpapapundo sa mga tradisyunal na negosyo dara kan nagbabagong panlasa, naglalangkaw na mga presyo, asin an mismong panahon.
Sa mga negosyo arog kan paggibo nin ampaw, pirming an nahaman na produkto sana an nahihiling kan mga parabakal. An kwadradong pinap**ok na bagas na hinaluan nin karmeladong asukar asin nakapatos sa plastik.
An dae nahihiling kan kadaklan iyo an “pressure” sa likod kan paggibo kan produktong ini.
An pressure sa laog kan tradisyunal na pop rice machine kun sain pigluluto an bagas nganing maging “guti.”
An pressure sa pagsubli nin kapital, maipadagos sana an operasyon kan saindang negosyo.
An pressure kan pagmana kaini nganing dae masayang an pagal asin sakripisyo kan saiyang lolo asin lola sa pagpuon kan ampawan.
Bilang pantulong henerasyon nang nagmamanehar kan saindang family business, dara-dara an gabos na ini ni John Kenneth Abante. Ngonian na bulan nin Mayo, pigseselebrar ninda an ika-50 taon sa industriya.
Sa kadakol na rason, bako sana tungkol sa simpleng mahamis na pagkakan an istorya kan Abante’s Ampaw. Orog sa gabos, manungod ini sa istorya kan pagpapadagos dawa kadakol kadipisilan an pig-agihan asin pig-aagihan.
Bago maisipan ni Kenneth na dagdagan an mga flavor kan saindang ampaw, magdagdag nin online delivery, asin mas magdakula an market kan Abante’s Ampaw, simple man sana an pigpunan kaini.
𝘛𝘩𝘦 𝘉𝘦𝘨𝘪𝘯𝘯𝘪𝘯𝘨𝘴
Pigpurbaran sana kan mag-agom na paraoma, an lolo asin lola ni Kenneth, na gamiton an pigpabakal saindang pop rice maker. Dae ninda piglaoman na an simpleng pinap**ok na bagas na pighaluan nin asukar, babalik-balikan kan mga taga-Partido.
Igwa man daang nagpurbar na magtindog nin parehong negosyo alagad dae naghaloy kaya solamenteng an Abante’s Ampaw man giraray an nakatindog makalihis an limang dekada.
Sa pagtubod ni Kenneth, lain sa sinda na talaga an pighahanap kan mga tawo puon kadto, an tiyaga asin dedikasyon talaga kan saiyang lolo asin lola an naging pundasyon kun tano yaon pa an saindang negosyo sagkod ngonian.
“Dae sinda nagsuko. Halimbawa ngaya maluya ngonian na bulan, dae sinda mapundo. Dagos-dagos lang sinda,” sabi ni Kenneth.
Kaya sa saiyang management, ini man giraray an saiyang puhunan asin motivation. Bakong arog kan commercialized na mga ampawan ngonian na pig-adaptar na an modernong teknolohiya, tradisyunal man giraray an proseso kan paggibo kan Abante’s Ampaw.
𝘛𝘩𝘦 𝘈𝘳𝘵 𝘰𝘧 𝘈𝘮𝘱𝘢𝘸 𝘔𝘢𝘬𝘪𝘯𝘨
Ilalaog an bagas sa pig-aapod nindang aparato, an tradisyunal na pop rice maker na gamit pa kan saiyang lolo asin lola, pigsiselyado sa tamang temperatura asin pressure, saka madadangog an mga p**ok kan bagas. ‘Pag luto na, saka ini ihahalo sa karmeladong asukar, ihuhurma nin pakwadrado, babarangaon, asin papatuson sa plastik. Igwa ining espesyal na klase na pighahaluan nin Mani o kaya Pili.
Kan punan niya ining imanehar taon 2023, naisipan na man ni Kenneth na magdagdag nin iba pang mga flavor arog kan tsokolate, cheese, salted caramel with sesame seeds, asin an bagong variant na popcorn.
Para ki Kenneth, pag-onra sa tradisyon kaya dae ninda pwedeng baguhon an saindang proseso huli ta an produktong saindang ginigibo, parte na kan pagkakabisto sa Partido.
𝘛𝘩𝘦 𝘊𝘩𝘢𝘭𝘭𝘦𝘯𝘨𝘦𝘴
Arog kan iban mga negosyante, aminado si Kenneth na saro sa pinaka-angat ninda kun
sain kukuanon an kapital tanganing masustenir an saindang operasyon. Saro sa ginibo niha an pagsubli nin kwarta mantang naghahanap nin paagi para makakua nin mga customer.
Kaiba an agom, sinaro-saro daa ninda an mga tindahan sa Naga, Albay, asin mga kataraid na lugar, sadit man o dakula. Igwang mga oras na inisip niya nang magpondo, orog na sa enot na taon. Sa desisyon niyang magpadagos, bako sana sadiri an saiyang konsiderasyon.
“Natudan na kang taga-Partido ang ampawan igdi,” sabi niya. “Kaya dae ko ni pwedeng sukuan.”
An desisyon na ini, bako sana buhay ninda an pigbago kundi an sa mga tawo man sa saindang barangay na natawan nindang kabuhayan. An saro ngani sa mga ini, matatapos na sa pagklase ngonian na taon.
𝘛𝘩𝘦 𝘋𝘳𝘦𝘢𝘮
Ngonian, mawot niyang magdakula pa an Abante’s Ampaw, bako sana para sa kita, kundi para makatao nin mas dakol pang trabaho sa saindang barangay. Sa kamawotan ngani na makatabang, binuksan niya an saindang pinto para sa mga saradit na negosyo arog kan p**o tabla asin iba pang kakanin. Para kaya ki Kenneth, an pagpreserbar kan tradisyon, dae dapat ginigibong kompetisyon kundi dapat kolektibong aksyon para mamate an sarabay an pag-asenso.
“Tarabang-tabang sana tanganing dae man magkawarara ang tradisyon na paggibo kang mga kakanin sa Partido.”
An mindset na ini an nag-impluwensya man sa pakikiiba niya sa saiyang mga customer. Sa pagdangog niya sa saindang mga suhestiyon. Halimbawa, nabuo an pig-apod ni Kenneth na “petite,” o an sadit na bersyon kan saindang ampaw. Sa saiyang obserbasyon kaya, dakol an naghahanap nin sukol na kaya sana nindang ubuson.
“Open kami sa suggestions kang mga customer talaga.”
Ngonian, natatanaan na man an Abante’s Ampaw sa Batangas, Tagaytay, Masbate, asin Davao Oriental sa paagi nin online delivery. Padikit-dikit na ining nabibisto sa luwas kan Lagonoy. Sa luwas kan Parido. Sa luwas kan Bicol.
Alagad kun sain ini nagpuon, padagos na pigsisiguro kan Abante’s Ampaw na dae mawawara kasabay kan panahon an lasa na kinadakulaan na kan dakol na mga .
