03/09/2025
Narito ang bilang ng mga seedlings na ating naitanim kanina sa Parish Tree Planting 2025. Ayon kay Engr. Santos ng Alitaptap Agri Tourism Park, mahalaga na subaybayan ang paglaki ng mga punong ito upang masiguro ang kanilang paglaki. Sa nakaraang mga taon ay tinatayang nasa 67% lamang ng mga halamang naitatanim sa Alitaptap ang nabubuhay. Mahalagang mapalaki natin ang mga puno upang masilbihan nito ang ating hangarin na makatulong ito para sa ating kalikasan.
Maari po kayong magpunta sa Alitaptap lalo na sa mga panahon ng tag-init gaya ng Marso hanggang Mayo upang tumulong sa pagdidilig ng mga nasabing puno.
Kahit isang buong parokya pa tayong magtanim ng puno, kulang pa rin ito upang masugpo ang mga irreversible na epekto ng Climate Change at Global Warming. Subalit ang maliit nating hakbang na ito, kasama ang mga susunod pa nating gawain para sa kalikasan at ang patuloy na paghihikayat natin ng iba pang sumama sa atin, nawa'y maging malaking tulong sa pagsugpo ng ating environmental problems sa kasalukuyan.
