27/08/2025
Our very own school President Josephine Batingal - Mipartisipar ang mga top students sa Mabungahong Panginabuhian: Radyo Eskwela sa Pangkalubian – School-on-the-Air (SOA) Program on Coconut Production and Processing sa usa ka field hands-on activity isip kabahin sa ilang culminating activity niadtong Agosto 19, 2025.
Ang maong kalihokan gihimo uban sa kooperasyon sa mga resource persons gikan sa Philippine Coconut Authority (PCA)–Lanao del Norte, nga nagtudlo sa mga estudyante bahin sa hustong pagpili og seedlings, field layout, ug pagtanum sa lubi.
Ang School-on-the-Air Program, nga gipangulohan sa Agricultural Training Institute–Regional Training Center X, nagtumong sa pagpalambo sa kahanas ug abilidad sa mga mag-uuma sa lubi pinaagi sa kombinasyon sa radio-based lessons ug praktikal nga kalihokan sa uma.
