Dr Chester Permacultscape

27/01/2026

The design of our compost pit on the top ridge of Bona Tropical Garden.

This serves as a rain catcher, slows down water flow, organic composting, and erosion control!

21/11/2025

🤗Exciting things are happening on the farm! 🌴🌸

We are thrilled to share the design plan for our newest project: integrating a full-flower garden right inside our existing coconut plantation!

It looks like a blueprint right now, but soon this will be a vibrant oasis. Here is how to read our plan:

🟫 The Brown Beds: These are 4-foot-wide garden beds where all the colourful flowers will go. 🟦 The Blue Lines: These are 2-foot-wide canals that serve double duty as walking paths and a watering/drainage system. 🌴 The Green Dots: Our lovely coconut trees, which will soon be surrounded by blooms.

We can't wait to bring this vision to life. Imagine walking down those blue paths surrounded by flowers under the shade of the coconuts! 😍

What do you think of the design?🤔

14/11/2025

💧Uhaw na Niyugan⁉️

❓Bakit Tubig ang Pinaka-Mahalagang "Abono" sa Lahat❗️

Madalas tayong mag-abono ng Urea, Complete, Potash at iba pa, pero nalilimutan natin ang pinaka-importanteng pagkain ng ating niyog🌴: ang TUBIG.💦

Maraming magsasaka ang nagsasabi, 🌧️"Umuulan naman, sapat na 'yon." Pero ang totoo, ang niyog ay isa sa pinakamalakas uminom ng tubig na halaman. Sa isang mainit na araw, ang isang punong may bunga ay kayang "uminom" ng higit 80 hanggang 120 litro ng tubig!

Kung umaasa lang tayo sa ulan, lalo na sa tag-init, ang ating niyugan ay laging "UHAW"

🍳🌴 Ang Dahon ay "Kusina", Ang Tubig ang "Tagapagluto"

Paano nga ba "kumakain" ang puno ng niyog? Isipin mo na ang bawat dahon ay isang maliit na kusina.

Para makapagluto ng sarili niyang pagkain (asukal o carbohydrates), kailangan ng "kusina" ng tatlong sangkap:

1️⃣Sinag ng Araw (Sunlight): Ito ang "apoy" o "kalan".
2️⃣Hangin (Carbon Dioxide): Ito ang "bigas" o "sahog" na kinuha mula sa hangin.
3️⃣TUBIG (Water): Ito ang "tagapagluto" at ang "sabaw" na sinisipsip mula sa lupa.

Kahit gaano karami ang iyong "sahog" (abono) o "apoy" (araw), kung walang "tagapagluto" (tubig), ang "kusina" ay Magsasara. Hindi makakapagluto ang puno.

🔬 Ang Siyensya sa Likod ng "Pagluluto" (Photosynthesis)☀️

Dito nagiging interesante. Ang tubig na kilala natin ay H2O. Ibig sabihin, may dala itong Hydrogen (H) at Oxygen (O). Pagdating ng tubig sa "kusina" (dahon), ang "apoy" (araw) ay "hinihiwalay" o "binibiyak" ito.
✅Ang Hydrogen (H) ay ang "pampalasa" o "sangkap" na kailangan ng puno. Ito ang hinahalo sa "bigas" (Carbon Dioxide) para gawing "KANIN" (pagkain o asukal). Ito ang nagpapataba, nagpapalaki ng bunga, at nagpapakapal ng laman.
✅Ang Oxygen (O) ay ang "sobra" o "usok" sa pagluluto. Hindi ito kailangan ng puno para sa pagkain. Kaya naman, ito ay "ibinubuga" niya pabalik sa hangin. Ito ang Oxygen na hinihinga natin!

Kaya kapag kulang sa tubig, hindi lang uhaw ang puno—nagugutom din ito.

🥵 Ang Epekto ng "Uhaw" na Puno (Kahit Umuulan)⛈️

Huwag kang maging kampante dahil umulan kahapon. Ang ulan ay hindi regular. Ang kailangan ng niyog ay araw-araw na suplay.
Kapag kulang sa tubig ang puno:

1️⃣Naglalaglag ng Bunga (Buko Drop): Ito ang unang senyales. Iniisip ng puno, "Hindi ko kayang buhayin lahat ng bunga na 'to, kulang ang pagkain ko." Kaya bibitawan niya ang mga maliliit na buko para mabuhay siya.
2️⃣Lumiit ang Bunga (Small Nuts): Ang natitirang bunga ay hindi lalaki nang husto dahil kulang sa tubig at pagkain.
3️⃣Numipis ang Laman (Less Copra): Ang laman ng niyog ay karamihang gawa sa "nilutong" pagkain. Kung kulang ang luto, manipis ang laman.
4️⃣Humihina ang Puno: Ang puno ay nagiging sakitin at madaling kapitan ng peste (gaya ng cocolisap) dahil mahina ang kanyang "immune system".

💡 Unang Solusyon: Tamang Pagpapatubig (Irrigation)
Ang solusyon ay magbigay ng regular na patubig, lalo na mula Pebrero hanggang Mayo (dry season). Narito ang ilang simpleng paraan na kayang gawin ng magsasaka:
👍🏼Paraang "Planggana" (Basin Irrigation)
➡️Paano gawin: Gumawa ng pabilog na hukay o "basin" sa paligid ng puno (mga 1 hanggang 2 metro mula sa puno). Ito ay parang "planggana" o "mangkok" na sasalo ng tubig.
•Analohiya: Imbis na ikalat ang tubig sa buong bukid, dito mo ibubuhos sa "planggana" ng ulan. Sigurado kang diretso sa ugat ang tubig at hindi aagos palayo.
•Paraan: Lagyan ng bunot at iba pang nabubulok upang maging "sponge" ng tubig na reserba. Kapag umulan, iipunin ng bunot ang tubig. Kapag uminit, ang "sponge" na ito ang dahan-dahang magbibigay ng tubig sa ugat. Pinapanatili nitong basa ang lupa nang mas matagal.

⚠️ BABALA: Ayaw ng Niyog na "Babad ang Paa" (Drainage)

Habang kailangan ng niyog ang maraming tubig, may isa pa itong "ayaw": ang lupang laging baha o waterlogged.
👉🏽Analohiya: Ang niyog ay parang tao. Kailangan niya ng tubig na maiinom, pero ayaw niyang malunod.
🧐Bakit Masama? Ang mga ugat (roots) ay kailangan ding "huminga". Kumukuha rin sila ng hangin mula sa mga siwang-siwang sa lupa.
🤔Kung ang lupa ay laging baha (waterlogged), walang hangin sa lupa. Ang mga ugat ay "malulunod" at mabubulok. Kapag bulok ang ugat, kahit gaano karaming abono ang ilagay mo, hindi na ito masisipsip ng puno.

💡 Ikalawang Solusyon: Tamang Daluyan ng Tubig (Drainage)

Kung ang iyong bukid ay mababa at laging may tubig na hindi humuhupa, kailangan mong gumawa ng malalalim na kanal (drainage canals).

Ang mga kanal na ito ang magsisilbing "daanan" ng sobrang tubig palayo sa mga puno, para ang lupa ay manatiling "basa" pero hindi "baha."

🌳 Ang Buod

Ang sikreto sa malusog at mabungang niyugan ay balanseng pag-aalaga:

✅1️⃣IRRIGATION: Bigyan ng sapat at regular na inumin ang iyong puno, lalo na sa tag-init, gamit ang paraang "planggana" o "suwero".

✅2️⃣DRAINAGE: Siguraduhin na may daluyan ang sobrang tubig para hindi malunod at mabulok ang ugat.

✅3️⃣ORGANIC MATTER: Gamitin ang bunot para maging sponge na tagahawak ng tubig.

Huwag mong hayaang "MAUHAW" at "MAGUTOM" ang iyong mga puno. Kung HAHAYAAN mo LANG at DI MAAALAGAAN, IKAW ang MAGUGUTOM!

13/11/2025

❓Bakit "PAGOD" Na Ang Iyong NIYUGAN😓?

Maraming magsasaka ng niyog ang nagtataka. Pagkatapos ng sampung taon, ang dating malakas bumunga na niyugan ay tila "pagod" na at kakaunti na ang ibinibigay na bunga.

Baka katulad tayo ni Mang Kiko, na ginawa na ang lahat pero kulang pa rin.

🤔Nagtataka si Mang Kiko. "Nag-abono naman ako ng Complete at iba pa," sabi niya. "Gumanda nga ang bunga, pero sandali lang. Tapos, balik sa dati."

Sinubukan din niya ang payo ng iba. "Sinabuyan ko ng Asin (Salt) ang paligid ng puno. Gumanda ulit sandali, pero ngayon, parang lalong tumigas at ayaw nang pasipsipan ng tubig ang lupa."

Ginagawa pa rin ni Mang Kiko ang "dating gawi":
1️⃣Sinusunog ang bunot (husks) para wala masyadong kalat.
2️⃣Ginagawang uling ang bao (shell charcoal) para ibenta.
3️⃣Nag-i-spray ng herbicide (gamot sa damo) para "malinis" tingnan ang bukid.

Kung pamilyar ito sa iyo, basahin mo ito. Ang problema ay wala sa puno❗️Ang problema ay nasa lupa‼️

🤔 Bakit Humihina ang Bunga?

Isipin mo ang lupa bilang isang bangko (bank account). Ang bawat niyog, bunot, bao, at palapa na inaalis mo sa bukid ay parang pag-withdraw ng pera sa bangko.

Ang pag-abono ng Urea at Complete ay parang pag-utang (loan). Nakakakuha ka ng mabilis na pera (nutrisyon), pero hindi ito nagtatagal at may masamang epekto sa lupa pag nagtagal (gaya ng pag-asim ng lupa).

Ngayon, tingnan natin ang mga ginagawa natin:

1️⃣Pagsunog ng Bunot at Paggawa ng Uling

Ito ang pinakamalaking pagkakamali😑. Ang bunot ng niyog ay puno ng Potassium (K), ang bitamina na kailangan ng niyog para sa pagbunga. Ang bunot din ay parang sponge—sumisipsip ito ng maraming tubig at pinapanatiling basa ang lupa.
👉🏽Anolohiya: Ang pagsunog ng bunot ay parang pagsunog ng iyong pera sa bangko. Inaalis mo ang pinakamahalagang pagkain at "tagahawak-tubig" ng iyong lupa.

2️⃣Pag-spray para "Malinis" ang Bukid (Spraying for a "Clean" Farm)

👉🏽Ang isang "people's theory" o paniniwala ay "A clean farm is a good farm." Iniisip natin na kapag walang damo at kita ang lupa, ito ay maganda. Ito po ay mali.

👉🏽Kapag ang lupa ay hubad (bare soil), direkta itong tinatamaan ng araw. Namamatay ang milyon-milyong mikrobyo (microbes) na siyang "tagaluto" ng pagkain ng puno.

👉🏽Kapag malakas ang ulan, ang ibabaw na lupa(topsoil) ay madaling maanod (erosion), kasama na ang abono na nilagay mo.

👉🏽Ang herbicide ay pumapatay din ng mga mikrobyo sa lupa.

3️⃣Pag-aaplay ng Asin (Applying Salt - Sodium Chloride) Ito ay isang lumang paniniwala. Ang niyog ay "salt-tolerant" (kaya nabubuhay malapit sa dagat), pero hindi ibig sabihin na kailangan nito ng asin (table salt o sodium chloride) bilang abono.

💪🏼Bakit ito gumana sandali? Ang sodium (Na) sa asin ay medyo ginagaya ang potassium (K) na kailangan ng puno. Dahil sinunog mo ang bunot (na mayaman sa K), "ginutom" mo ang puno sa Potassium. Noong nilagyan mo ng asin, parang "na-trick" ang puno.
👎🏼Bakit ito nakasama? Ang sobrang asin ay lason sa lupa. Pinapatay nito ang mga mikrobyo at sinisira ang istraktura ng lupa. Ito ang dahilan kung bakit ang lupa mo ay "resistant" o tumigas na parang semento. Hindi na makapasok ang tubig at hangin.

💡 Ang Solusyon: Pakainin ang Lupa, Hindi Lang ang Puno
(The Solution: Feed the Soil, Not Just the Plant)

Isipin mo ang lupa bilang sikmura (stomach) ng iyong puno. Kahit gaano karaming "bitamina" (Urea/Complete) ang ibigay mo, kung ang sikmura ay sira, hindi ito matutunaw.

Ang kailangan natin ay Organic Matter—ito ang pagkain ng lupa.

1️⃣Ihinto ang Pagsunog! Ibalik ang Bunot at Palapa.

👍🏼Imbis na sunugin, ikalat ang mga bunot sa paligid ng mga puno.

👍🏼Ang mga bunot na ito ay magiging sponge na hawak-tubig sa tag-init at dahan-dahang magiging abono (Potassium) habang nabubulok.

👍🏼Ang mga palapa ay pwede ring ilagay sa pagitan ng mga puno.

2️⃣Ang Tamang Nutrisyon: Kailangan ang Chloride (Cl), Pero Iwasan ang Sodium (Na)

🧐TEKA, di ba masama ang asin? Dito maraming nalilito.

👍🏼Ang kailangan ng niyog ay ang 'bitamina' na Chloride (Cl). Napakahalaga nito sa niyog! Tinutulungan nito ang puno na sipsipin at gamitin ang tubig (lalo na sa tag-init) at pinalalakas nito ang paggawa ng copra (laman).

👍🏼Ang problema sa "Asin" (Table Salt) ay ang Sodium Chloride (NaCl). Tama na nakakakuha ka ng Chloride, pero ang kasamang Sodium (Na) ang sumisira at nagpapatigas sa lupa.

Ano ang Solusyon? Imbis na table salt, gumamit ng abono na Potassium Chloride (KCl), na mas kilala bilang Muriate of Potash (MOP) (madalas itong kulay p**a o pink na abono).

💡Analohiya: Isipin mo ito na parang "2-in-1 Special". Sa pag-apply ng MOP, ibinibigay mo ang dalawang pinaka-importanteng pagkain ng niyog:

❗️Potassium (K): Ang nawala noong sinunog mo ang bunot. Ito ay para sa dami ng bunga.
❗️Chloride (Cl): Ang "bitamina" para sa paggamit ng tubig at sa kapal ng laman.

Sa ganitong paraan, napapakain mo ang puno ng tamang nutrisyon nang hindi sinisira o pinapatigas ang iyong lupa.

3️⃣Hayaan ang Lupa na Magkaroon ng "Damit" (Cover Cropping)

✅Huwag hayaang hubad ang lupa.
✅Magtanim ng cover crops tulad ng mani-mani (Arachis pintoi) o kudzu. Ang mga ito ay parang "damit" ng lupa na nagpoprotekta dito mula sa araw at ulan.
✅Ang mga halaman na ito ay kumukuha rin ng Nitrogen mula sa hangin at ginagawang libreng abono para sa iyong niyog!

4️⃣Tamang Pamamahala ng Lupa (Proper Soil Management)

Ang malusog na lupa ay malambot, buhaghag, at maraming bulate at mikrobyo. Kapag ibinalik mo ang organic matter, dahan-dahang gagaling ang iyong lupa. Ito ang tinatawag na Sustainable Farming. Hindi mo "ninanakawan" ang lupa, kundi "binabalik" mo ang hiniram mo.

💧 Huwag Kalimutan ang Tubig‼️

Ang niyog ay parang tao—kailangan din nito ng tamang dami ng tubig.

✅Irrigation (Pagpapatubig): Ang niyog ay umuunlad kung may sapat na tubig, lalo na sa mahabang tag-init (dry season). Kung walang tubig, nahihirapan itong gumawa ng bunga. Ang mga bunot na ikinalat mo ay tutulong para manatiling basa ang lupa.

✅Drainage (Daluyan ng Tubig): Sa kabilang banda, ayaw ng niyog na "babad ang paa" sa tubig (waterlogged). Kung ang iyong bukid ay laging binabaha at hindi umaalis ang tubig, kailangan mong gumawa ng maliliit na kanal (drainage canals) para may daanan ang sobrang tubig. Kailangang makahinga ang mga ugat.

🌳 Ang Lupa ay Buhay‼️

Ang iyong bukid ay HINDI isang pabrika na lalagyan mo lang ng kemikal para makagawa ng produkto.

Isipin mo ito bilang isang alaga. Ang lupa ay buhay. Puno ito ng bilyon-bilyong manggagawa (mikrobyo, bulate) na tumutulong sa iyo. Kapag pinakain mo sila ng organic matter (bunot, palapa, dumi ng hayop), gagawin nila ang trabaho para sa iyo.

Ang SIKRETO🤫 sa malakas na bunga🥥 ay wala sa kemikal o sa asin.

✅Nasa MALUSOG at BUHAY na LUPA‼️

11/11/2025

👉🏽Who knew smart farming could be this stunning?😍

These aren't just beautiful flowers—they're hardworking 'madre de cacao' trees planted in hedgerows. By following the mountain's natural contours, they help prevent soil erosion, save water (check out that irrigation system! 💧), and build a healthier farm.

This is beauty with a purpose!

23/10/2025

ANG KAINGIN: Ang Paikot-ikot na Problema ng Kahirapan at Pagkasira ng Kalikasan! 🌳🔥

Ang kaingin, o ang paraan ng pagsasaka na nagsasangkot ng pagputol at pagsunog ng mga puno sa kagubatan (slash-and-burn), ay isang sinaunang KASANAYAN sa Pilipinas. Ang layunin nito ay linisin ang isang lupain upang maging angkop para sa pagtatanim, kung saan ang ABO mula sa sinusunog na puno ay nagsisilbing pansamantalang pataba.

Bagama't ito ay isang tradisyonal na pamamaraan, ang kaingin ay may malubha at pangmatagalang negatibong epekto, lalo na kapag ito ay ginagawa sa matataas na lupain o highlands. Ito ay isang kumplikadong isyu na kadalasang ugat ay kahirapan, at ang pinakamalaking resulta nito ay ang pagguho ng lupa o soil erosion.

Ang Kabundukan at ang Malupit na Epekto ng Pagguho ng Lupa

Ang mga kagubatan sa kabundukan ay gumaganap ng isang napakahalagang papel sa pagpapanatili ng balanse ng ekosistema. Ang mga punong ito ang nagsisilbing pangunahing depensa laban sa pagguho ng lupa.

Mga UGAT (Roots): Ang malalalim at malalawak na ugat ng mga puno ay parang isang safety net sa ilalim ng lupa. Mahigpit nitong kinakapitang ang lupa, na pumipigil dito na gumuho o matangay ng tubig.

Mga DAHON (Canopy): Ang malalagong dahon ng mga puno ay sumasalo sa malalakas na patak ng ulan. Pinapabagal nito ang pagbagsak ng tubig sa lupa, na binabawasan ang impact na maaaring maghugas sa topsoil.

Ano ang Nangyayari Kapag Nag-Kaingin?

Kapag ang mga puno sa isang highland area ay pinutol at sinunog, ang lupain ay naiiwan na lantad, hubad, at walang proteksyon.

Dito na nagsisimula ang malaking problema. Sa pagdating ng malakas na ulan, wala nang mga dahon na sasalo sa tubig at, higit sa lahat, wala nang mga ugat na hahawak sa lupa.

Ang direktang resulta ay ang matinding soil erosion. Dahil ang mga highlands ay matatarik (steep), mas mabilis ang pagdaloy ng tubig-ulan. Ang malakas na agos na ito ay madaling tinatangay ang topsoil—ang pinakamayaman at pinakamatabang bahagi ng lupa na kailangan para sa agrikultura.

Ang Paikot-ikot na Problema: Kahirapan, Pagguho, at Pagkatigang ng Lupa🌲🚫

Ang pagguho ng lupa na dulot ng kaingin ay nagdudulot ng sunod-sunod na problema (domino effect) sa kapaligiran at sa kabuhayan ng mga tao.

Ang Ugat ng Kahirapan: Kadalasan, ang kaingin ay hindi ginagawa dahil sa kagustuhan, kundi dahil sa kahirapan. Ito ang tanging paraan na alam ng maraming maralitang magsasaka sa kabundukan upang makapagtanim ng pagkain para sa kanilang pamilya. Subalit, ito ay isang pansamantalang solusyon na nagiging sanhi ng mas malaki at pangmatagalang problema.

Mabilis na Pagkaubos ng Sustansya: Matapos ang isa o dalawang anihan, ang manipis na topsoil (at ang abong nagsilbing pataba) ay nauubos o natatangay na ng ulan. Ang natitirang lupa ay nagiging di-produktibo.

Ang Patibong ng Pataba (Fertilizer Trap): Dahil hindi na mataba ang lupa, napipilitan ang mga magsasaka na bumili at gumamit ng mahal na kemikal na pataba (chemical fertilizers) para mapanatili ang ani. Ito ay nagiging malaking dagdag na gastos, na lalong nagbabaon sa kanila sa kahirapan.

Pag-asim at Pagkatigang ng Lupa (Soil Acidity and Barrenness): Ang patuloy at labis na paggamit ng mga kemikal na pataba ay nagpapataas ng acidity o asim ng lupa. Sa katagalan, ang lupa ay nagiging acidic at tuluyang nagiging tigang (barren) at matigas.

Lupang Hindi na Mapakinabangan: Sa puntong ito, ang lupa ay hindi na kayang suportahan ang anumang uri ng pananim. Napakihirap at napakagastos nang ibalik ang sigla ng lupang naging acidic at tigang. Ito ang dahilan kung bakit ang mga magsasaka ay napipilitang iwanan ang lupain at lumipat sa ibang bahagi ng kagubatan upang muling mag-kaingin, na nagpapatuloy lamang sa mapanirang siklo.

Panganib ng Landslide: Sa matinding mga kaso, hindi lang topsoil ang nawawala. Ang buong lupa ay maaaring lumambot at tuluyang gumuho (landslide), na naglalagay sa panganib sa mga komunidad na naninirahan sa paanan ng bundok.🌊🏠

Siltasyon (Siltation) sa mga Ilog: Ang lahat ng lupa (tinatawag na banlik o silt) na natangay mula sa kabundukan ay napupunta sa mga ilog. Nagiging sanhi ito ng pagbabaw ng mga ilog, na nagdudulot ng mas malalakas at mas madalas na pagbaha sa mabababang lugar.

Pagkasira ng Biodiversity: Ang pagsunog sa kagubatan ay pagwasak din sa tirahan (habitat) ng hindi mabilang na mga hayop, ibon, at insekto.

Ang Pangangailangan para sa Solusyon

Ang kaingin ay isang isyung hindi lamang pang-kalikasan, kundi isa ring isyung panlipunan at pang-ekonomiya. Upang matigil ito, hindi sapat na ipagbawal lamang ang kasanayan; kailangan ding tugunan ang kahirapan na nagtutulak sa mga tao na gawin ito.

Ang pagpapatupad ng mga sustainable na pamamaraan tulad ng agroforestry (pagtatanim ng pananim kasabay ng pag-aalaga ng puno) at ang Sloping Agricultural Land Technology (SALT) ay mahalaga. Ito ay mga paraan upang matulungan ang ating mga magsasaka sa kabundukan na makapagtanim nang pangmatagalan, nang hindi sinisira ang lupa na bumubuhay sa kanila.

Tanong para sa inyo:

Para sa inyo, ano ang pinakamabisang solusyon para matulungan ang ating mga magsasaka na makaiwas sa mapanirang siklo ng kaingin? I-comment ang inyong ideya! 👇👇👇

22/10/2025

👉🏽Ano ang SALT (Sloping Agricultural Land Technology)?‼️👈🏽

Ang SALT, o Sloping Agricultural Land Technology, ay isang paraan ng pagsasaka na partikular na idinisenyo para sa mga MADADALISDIS o MABUROL na lugar, tulad ng maraming kabundukan sa Pilipinas.

Ang pangunahing layunin nito ay PIGILAN ang PAGGUHO ng LUPA (soil erosion) at panatilihin ang KATABAAN ng lupa.

Paano ito ginagawa?

Paggawa ng CONTOUR LINES: Una, hinahanap ang mga "contour lines" o mga linya sa gilid ng bundok na may parehong taas o elebasyon. Hindi ito diretso paibaba, kundi pahalang na sumusunod sa hugis ng lupa.

Pagtatanim ng HEDGEROWS: Sa mga linyang ito, nagtatanim ng makakapal na hanay ng mga halaman (tinatawag na hedgerows). Kadalasan, ang ginagamit ay mga legume o halaman na nagpapayaman sa lupa, tulad ng Flemingia, Gliricidia (kakawate/madre de cacao), o Ipil-ipil.

Paggawa ng "ALLEYS" (Eskinita): Ang mga espasyo sa pagitan ng mga hanay (hedgerows) ay tinatawag na "alleys" o eskinita. Dito ngayon itinatanim ang mga pangunahing ani tulad ng mais, gulay, kamote, o prutas.

Paggamit bilang Pataba: Ang mga dahon mula sa hedgerows ay regular na pinuputol at ikinakalat sa "alleys." Nagsisilbi itong natural na pataba (green manure) at tumutulong na takpan ang lupa para hindi madaling matuyo.

Sa madaling salita, ang SALT ay gumagawa ng mga natural na harang (hedgerows) sa dalisdis para saluhin ang lupa at tubig-ulan, habang nagbibigay pa ng natural na pataba.

Paano Nagkaugnay ang SALT at Permaculture?

Isipin mo ang Permaculture bilang ang "cookbook" o malaking pilosopiya sa pagluluto na nagsasabing "gumamit ng natural na sangkap, huwag magsayang, at magluto ng masustansya."

Ang SALT naman ay isa sa mga "recipe" o tiyak na teknik sa loob ng cookbook na iyon.

Ang SALT ay isang perpektong halimbawa ng Permaculture sa praktika:

Pagsunod sa Kalikasan: Ang SALT ay gumagamit ng contour lines (sinusundan ang natural na hugis ng lupa) imbes na piliting patagin ito.

Pag-aalaga sa Lupa (Earth Care): Direktang pinipigilan ng SALT ang pagguho ng lupa at ginagamit ang mga halaman (hedgerows) bilang natural na pataba, imbes na kemikal.

Paggamit ng Biyolohikal na Yaman: Gumagamit ito ng mga halaman (legumes) para ayusin ang lupa, na isang prinsipyo ng Permaculture (Use Biological Resources).

Pag-iipon ng Tubig: Ang mga harang (hedgerows) ay nagpapabagal sa agos ng tubig-ulan, na nagbibigay pagkakataon dito na manuot sa lupa imbes na umagos lang palayo.

Pagkakaroon ng Sari-saring Ani (Diversity): Ang disenyo ng SALT ay naghihikayat na magtanim ng iba't ibang halaman (puno sa hedgerows, gulay at prutas sa alleys), na mas matatag laban sa peste kumpara sa iisang uri lang ng tanim.

13/08/2025

Water Plant Drain Field Design

We use plants to treat grey water, turning it into clean water before it's processed again to become potable!

14/06/2025

How To Make Your Soil Healthy?

New Science Shows the Best Way to Create Healthy Soil - It's not what you think!👍 Get FREE eBook : Growing Great Tomatoes: https://www.gardenmyths.com/free-...