06/06/2026
NABURA ANG RESPETO KAY CAYETANO
Ibinahagi ni Senador Raffy Tulfo na dati niyang itinuturing na kaibigan si Senator Alan Peter Cayetano, ngunit nagbago umano ang kanyang pananaw matapos ang mga pangyayari sa pulitika.
Ayon kay Tulfo, maganda ang naging pakikitungo sa kanya noon ni Cayetano at madalas pa itong magbiro at makipagkuwentuhan sa kanya.
“Before all these things happened, kaibigan ko siya eh. Palagi niya akong binabati basta makita niya ako and then magbibiro-biro siya. Mahilig siya magbiro. Lalapitan niya ako, makikipag-kuwentuhan sa akin, magjo-joke. So I consider him as a friend,” pahayag ni Tulfo.
Ngunit kalaunan, sinabi ng senador na dito na nagsimula ang pagbabago ng kanyang pagtingin.
“Dahil ganun nga yung trato niya sa akin and happy naman ako sa pagtrato niya sa akin. Nagulat na lang ako na oops, lumabas yung kanyang turing na kulay,” aniya.
Pinakadiin ng senador ang naging emosyon niya sa isyu, kung saan sinabi niyang tuluyang naglaho ang kanyang respeto sa dating kaalyado.
“Nakakalungkot. Nabura—nabura yung respeto ko sa kanya nung paano ko siya nakilala,” mariing pahayag ni Tulfo.
