Musicians for Peace

Musicians for Peace Artista ng Bayan, Tuloy Tuloy ang Laban! Follow us on Youtube and Soundcloud: Musicians for Peace

17/09/2026

TINIG PALAY-AIN 🎵🌾

Nakiisa ang Musicians For Peace sa kilos-protesta bilang paggunita sa abrogation ng US military bases noong 1991—isang mahalagang tagumpay sa paglaban para sa soberanya ng Pilipinas.

Sa pamamagitan ng awit at tugtugin, inihatid ng organisasyon ang panawagan ng sambayanang Pilipino ang paglaban sa patuloy na pagpapalakas ng presensiyang militar ng US sa bansa. Sa harap ng mga hindi patas na kasunduang militar at hakbang na higit na nagbubukas sa Pilipinas sa panghihimasok ng dayuhang kapangyarihan, nagsisilbing tinig ng pagtutol ang ating musika. ✊
US TROOPS, OUT NOW!

Makiisa sa darating na pagkilos!
🗓️ 09.21.26

Join Musicians For Peace 🕊️🎵
https://forms.gle/QucHGjRaDrZCqJgK8
https://forms.gle/QucHGjRaDrZCqJgK8
https://forms.gle/QucHGjRaDrZCqJgK8




Nakilahok ang Musicians For Peace sa Pax Checking 101: A Forum on the Role of the Youth in Debunking Imperialism Propaga...
17/09/2026

Nakilahok ang Musicians For Peace sa Pax Checking 101: A Forum on the Role of the Youth in Debunking Imperialism Propaganda noong ika-16 ng Setyembre, kasabay ng isinagawang kilos-protesta bilang paggunita sa abrogation ng US military bases noong 1991.

Sa harap ng patuloy na pagtatangkang gawing katanggap-tanggap ang presensya at panghihimasok ng impluwensya ng mga dayuhan sa bansa, mahalagang maging mapanuri ang mga mamamayan sa mga propaganda at salaysay na nagkukunwaring ang imperyalistang interes ay para sa kapayapaan, kaunlaran sa ekonomya, at seguridad ng bansa.

Hindi kapayapaan ang pagpayag sa dayuhang kapangyarihan na magdikta sa sariling bayan. Hindi seguridad ang patuloy na pagpapalawak ng kanilang puwersang militar sa ating teritoryo. Hindi para sa kaunlaran ng Pilipinas ang ibinibigay nilang tulong, kundi para sa sarili nilang ganansya.

Mariin nating kundenahin ang panghihimasok ng mga dayuhan sa ating bansa! Palayasin ang imperyalistang US! REJECT, PAX SILICA! LUPANG NINUNO, DEPENSAHAN AT IPAGLABAN! ✊🔥

Join Musicians For Peace 🕊️🎵
https://forms.gle/QucHGjRaDrZCqJgK8
https://forms.gle/QucHGjRaDrZCqJgK8
https://forms.gle/QucHGjRaDrZCqJgK8




15/09/2026

TINIG PALAY-AIN 🎵🌾

Sa tinig ng Musicians For Peace, kasama ang mamamayan, umalingawngaw ang “Aklasan” ng Alay Sining sa Kasarinlan Caravan sa Capas, Tarlac, na naging isang paalala na sa kabila ng patuloy na pananamantala ng mga naghaharing uri at ng imperyalistang US, hindi basta-basta mamamatay ang buhay na nakaugat sa lupa.

Maaaring kamkamin ang lupa, maaaring gawing negosyo ang ating likas-yaman, at maaaring ipilit ang interes ng dayuhang kapital. Ngunit habang may mga magsasakang patuloy na nagbubungkal, may mga katutubong patuloy na nagtatanggol sa kanilang lupang ninuno, mananatiling buhay ang mga palayan, mga sakahan, at ang kanayunan. Mananatiling humihinga ang mga punong nakaugat sa lupang tinatangkang angkinin ng mga dayuhan.

Hindi kayang burahin ng tubo ang buhay na nililikha ng lupa. Hindi kayang patahimikin ng imperyalismo ang tinig ng mga inaagawan ng kabuhayan. Dahil patuloy na dadagundong ang yabag ng sambayanang Pilipino! ✊

Lupang ninuno, depensahan, ipaglaban! 🔻




SHUT THE PAX DOWN! ✊🔥Kahapon, sa ika-11 ng Setyembre, nakilahok ang Musicians For Peace sa isinagawang Kasarinlan Carava...
12/09/2026

SHUT THE PAX DOWN! ✊🔥

Kahapon, sa ika-11 ng Setyembre, nakilahok ang Musicians For Peace sa isinagawang Kasarinlan Caravan sa Capas, Tarlac upang mariing kundenahin ang pagpasok ng mga Pax Silica investors at ang gobyernong patuloy na nagbubukas ng bansa sa interes ng dayuhang kapital.

Hindi simpleng usapin ng pamumuhunan ang pagpasok ng Pax Silica. Usapin ito ng lupa, kabuhayan, at kinabukasan ng libu-libong mamamayan. Sa bawat ektarya ng lupa na maaaring ilaan sa interes ng dayuhang kapital, nakataya ang kabuhayan ng mga katutubo at magsasaka, ang seguridad sa pagkain, at ang karapatan ng mga komunidad na manatili at mabuhay sa sariling lupain.

Sa halip na protektahan ang lupa, kabuhayan, at karapatan ng mga mamamayan, ipinapasa ng rehimeng Marcos ang mga patakarang pumapabor sa mga dayuhang mamumuhunan. Habang ang mga magsasaka at katutubo ay patuloy na nakikibaka para sa lupa, maluwag na tinatanggap ng pamahalaan ang mga dayuhang interes na naglalayong pakinabangan ang yaman ng bansa.

Hindi pag-unlad ang pagbubukas ng lupang sakahan sa interes ng Imperyalistang US. Hindi progreso ang paglalagay ng tubo ng dayuhan sa ibabaw ng kabuhayan ng mamamayan.

Kaya sa pamamagitan ng musika at pagkilos, nakikiisa ang Musicians For Peace sa pagtutol sa Pax Silica, at sa mga patakarang nagbibigay daan upang mas maisapailalim muli ang bayan sa kontrol ng mga dayuhan.

Lupa sa magsasaka, hindi sa Pax Silica!



ICYMI | Nakiisa ang Musicians For Peace noong Hulyo 27 sa inilunsad na SONA ng Bayan, kasama ng laksa-laksang mamamayan ...
02/08/2026

ICYMI | Nakiisa ang Musicians For Peace noong Hulyo 27 sa inilunsad na SONA ng Bayan, kasama ng laksa-laksang mamamayan upang patambulin ang mga kasinungalingan ng Rehimeng Marcos, at kundenahin ang mga patakarang nagkakait sa mamamayan ng karapatan sa paninirahan, trabaho, edukasyon, at iba pang batayang serbisyo.

Sa harap ng lumalalang krisis sa kabuhayan, patuloy na demolisyon, mababang sahod, kontraktwalisasyon, at komersyalisasyon ng edukasyon at serbisyong panlipunan, higit na lumilinaw ang agwat ng marangyang pamumuhay ng mga naghaharing uri, at ng araw-araw na paghihirap ng nakararami. Litaw na litaw na ang mga ipinatutupad ni Marcos ay para lamang maglingkod sa mga burukrata kapitalistang pinagpapakatutaan niya.

Bilang isang pangmasang organisasyon ng mga musikero at manggagawang pangkultura, naninindigan ang Musicians For Peace na ang sining ay hindi dapat ihiwalay sa pakikibaka ng mamamayan. Patuloy nating gagamitin ang musika bilang tinig ng paglaban, pagkakaisa, at paniningil sa mga may pananagutan sa umiiral na kalagayan ng sambayanan, dahil hindi matatapos ang krisis, hangga’t hindi napababagsak ang mga tunay na salot sa lipunan.

Tumugtog para sa bayan, umawit para sa kapayapaan!



photos by: Manila Today, Cursor Publication

Nakikiisa ang Musicians for Peace sa laban ng mga residente ng Leona Compound laban sa bantang demolisyon sa kanilang ko...
22/03/2026

Nakikiisa ang Musicians for Peace sa laban ng mga residente ng Leona Compound laban sa bantang demolisyon sa kanilang komunidad noong March 19. 🔥

Naglunsad ng Solidarity Night ang Leona Compound Neighborhood bilang porma ng pagkilos na itigil ang nakaambang demolisyon sa lugar—matapos silang padalhan ng notice ng Pasig City LGU noong Pebrero 18 at bigyan ng 30 araw upang boluntaryong lisanin ang kanilang mga tahanan.

Hanggang ngayon, nananatiling hindi malinaw sa mga residente ang tunay na dahilan ng planong demolisyon. May mga usap-usapan na tatayuan umano ito ng paaralan at eskuwelahan—ngunit walang malinaw na proseso, sapat na konsultasyon sa mga residente, financial assistance, o maayos na relokasyon, na lahat ay nararapat ayon sa batas.

Hindi dapat iwasan ni Mayor Vico Sotto ang hinaing ng mga residente sa komunidad. Sa halip na magkaroon ng bukas at makataong diyalogo, siya ay itinuturong isa sa mga may pananagutan sa planong pagpapalayas sa mga residente ng Leona Compound.

Hindi lamang mga bahay ang nakataya rito—kundi pati kabuhayan ng mga manggagawa, edukasyon ng mga kabataan, at maliliit na negosyong bumubuhay sa komunidad.

Sa gitna ng lumalalang krisis sa ekonomiya—sa mataas na presyo ng bilihin at mababang pasahod—lalong nahihirapan ang mamamayan habang patuloy na nakikinabang ang iilan. Kaya’t mahalagang sama-sama nating tutulan ang ganitong mga paglabag sa karapatang pantao.

Hindi ito simpleng usapin ng kahirapan—ito ay usapin ng sistemang nagpapahirap.

Ipaglaban ang karapatan ng maralitang lungsod!
KARAPATAN NG MAMAMAYAN,
IPAGLABAN!



18/01/2026

Musicians for Peace joins Pandayang Lino Brocka! 🎞️🎶

Itinanghal ang orihinal na awiting pinamagatang, "TUMINDIG" sa film showing event na may temang "Walang Ku-KORAP!"

Ang kantang ito ay pumapatungkol sa panawagan sa sambayanan na makatarungan ang paglaban sa isang bulok na sistemang pinaghahari-harian ng mga kurakot, magnanakaw, kapitalista, at pasista.

Isa itong mensahe na sawa na ang masa sa paghihirap at pagdurusa, kaya wala nang iba pang panahon kundi ngayon para mangialam, tumindig, at bumoses para sa kalayaan.

Kung nais mo ring gamitin ang iyong sining sa paglikha ng awitin para sa pakikibaka, JOIN MUSICIANS FOR PEACE NA! ✨

https://tinyurl.com/Musicians4Peace
https://tinyurl.com/Musicians4Peace


‼️ DEMOLISYON TUTULAN! BAHAY AY BUHAY ‼️ Nakaharap sa banta ng demolisyon ang komunidad ng Leona Compound, Pasig City. K...
18/01/2026

‼️ DEMOLISYON TUTULAN! BAHAY AY BUHAY ‼️

Nakaharap sa banta ng demolisyon ang komunidad ng Leona Compound, Pasig City. Kanina, nagkaroon ng educational discussion tungkol sa karapatan sa paninirahan, kasabay ng documentary at movie watching na sumasalamin sa sitwasyon ng mga residente. Nagsagawa rin ng panayam sa mga lokal at opisyal ng kanilang asosasyon upang mailahad ang kanilang karanasan at patuloy na laban kontra demolisyon.

Panawagan ito sa mga artista ng bayan na makilahok at makiisa sa ganitong mga pagkilos at gamitin ang sining bilang boses ng masang-api at sandata sa pagtatanggol ng karapatan sa tahanan. ✊

Address

Manila

Website

Alerts

Be the first to know and let us send you an email when Musicians for Peace posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Musicians for Peace:

Shortcuts

Share