21/05/2025
MULING PAGBUBUKAS NG ORGANIC TRADING POST
Kanina lang, ika-14 Mayo 2025, bumisita at nakipagpulong sina Ms. Jinky D. de Luna, Marketing Specialist I at Ms. Elena G. Latay, Agriculturist I mula sa Agribusiness and Marketing Assistance Division (AMAD), Department of Agriculture Regional Field Office (DA-RFO) IVA, kay Gng. Maricel Gamara, Agricultural Technologist ng Opisina ng Pambayang Agrikultor ukol sa nalalapit na planong pagbubukas muli ng ORGANIC TRADING POST sa Pamilihang Bayan ng Nagcarlan, Laguna.
Para sa kaalaman ng lahat, ang Organic Trading Post (OTP) ay isang lugar kung saan direktang nadadala at naibebenta ng mga lokal na magsasaka ang kanilang mga organic/ naturally grown vegetables at iba pang produkto sa mga mamimili.
Layon ng DA RFO IV-A na palakasin ang operasyon at paggamit ng mga OTP, kabilang na ang pagbibigay ng suporta at pakikipag-ugnayan sa mga OTP Management Team upang maipakita at maibenta ang mga organikong produkto sa lokal na pamilihan
Taos-pusong pasasalamat sa ating Butihing Mayor, Ark./Inh. Elmor V. Vita, sa kanyang suporta sa muling pagbubukas at pagpapatayo ng OTP. Ang inisyatibong ito ay hindi lamang nagbibigay-daan sa pagpapalago ng lokal na organic farming kundi nagtataguyod din ng malusog at sustainable na pamumuhay para sa ating komunidad.
