10/03/2025
Landmark ordinance pagtaga bulig pinansyal ha mga Lolo ug Lola ha mga taga Pastrana Leyte hapit na ine matagamtaman.
Gin sponsoran ha rowang han Sangguniang Bayan (SB) han Pastrana Leyte ni SB member Hon. Claudette Anne Villablanca - Chua (Chairman, Senior Citizens Affairs, Women and Family Welfare) adton Municipal Ordinance #2021-02 o "An Ordinance Granting Cash Assistance as Additional Benefits to Senior Citizens (Octogenarians, Nonagenarians and Centenarians) Residing in the Municipality of Pastrana Leyte and prividing funds thereof"
Sumala kan konsehal Chua nga basi heni nga ordinansa hira Lolo ug Lola nga mga:
1. Octogenarians o edad nga 80-89 anyos myda bulig pinansyal iton LGU Pastrana nga P3k (birthday gift) ngan P500.00 (Christmas gift).
2. Nonagenarians o edad nga 90-99 anyos hira in makarawat hin P5k (birthday gift), P500.00 (Christmas gift) samtang P500.00 nga monthly assistance.
3. Centenarians o edad nga 100 anyos pa igbaw, P10k (birthday gift), P500.00 (Christmas gift) ngan P1k nga monthly assistance.
Iton pondo para han nasabi nga panuyuanan in magtetekang ine ha Senior Citizens Fund han mao nga bungto.
Sigon kan Chua, ha luyo nga iton ira bungto ada ha 5th class municipality, iya gintalinguha nga mabilngan ine hin pondo an mao niya nga ordinansa.
Sumala kan SB member Chua nga an nasabi nga ordinansa in adto na ine ha Sangguniang Panlalawigan han Leyte para hiton hul- os nga panginano han mga Board members.
Dako iton paglaum ni Chua nga deri maiha nga panahon an mao nga ordinansa in matatagamtaman na nira Lolo ug Lola.
Hapag kayana ada na ha 2nd term an mao nga magbabalaod ngan nag hihingita hiya para han iya 3rd term yana nga tiabot nga piniliay han 2022.
