21/06/2026
Ang Training on Black Soldier Fly Farming: A Sustainable Fish, Poultry and Livestock Production ay isinagawa ng Greentop Organix Farm Agribusiness Skills Training and Assessment Center, Inc. (GOFASTAC) sa pakikipagtulungan ng Agricultural Training Institute – Regional Training Center I (ATI-RTC I). Ito ay ginanap noong Hunyo 8–10, 2026 sa Brgy. Lipit-Tomeeng, San Fabian, Pangasinan sa layuning isulong ang makabago at sustenableng agrikultura.
Dinaluhan ang pagsasanay ng mga magsasaka, kabataan, at iba pang stakeholders mula sa iba't ibang lugar ng San Fabian. Ito ay upang mapalawak ang kanilang kaalaman sa Black Soldier Fly (BSF) farming para sa mas matipid ngunit de kalidad na paraan ng paggawa ng pagkain ng isda, manok, baboy, at kambing . Sa loob ng tatlong araw na pagsasanay, tinalakay ang lifecycle ng Black Soldier Fly, tamang pamamaraan ng pagpaparami at pag-aalaga nito, paggamit ng organic waste o mga bagay na nasa ating paligid bilang pagkain ng larvae, at ang potensyal nito bilang alternatibong mapagkukunan ng mataas na kalidad na protina para sa animal feeds.
Nagkaroon din ng mga hands-on activities at demonstrasyon upang higit na mapalalim ang pag-unawa ng mga kalahok sa BSF Farming. Ito ay isang praktikal at makakalikasang teknolohiya na makatutulong sa pagpapababa ng gastos sa produksyon habang nag-aambag sa wastong pamamahala ng mga organikong basura.
Patuloy na isinusulong ng GOFASTAC at ATI-RTC I ang mga programang pangkaunlaran at pagsasanay na naglalayong palakasin ang kakayahan ng mga magsasaka sa paggamit ng makabagong teknolohiyang pang-agrikultura tungo sa mas mataas na produksyon, dagdag na kita, at sustenableng pag-unlad ng pamayanan.
Salamat ATI-RTC 1 sa walang sawang suporta sa patuloy na pagsulong ng mga kaalaman ng ating mga kapwa magsasaka para sa mas masanaganang agrikultura.
