05/12/2025
𝗕𝗔𝗡𝗗𝗜𝗟𝗬𝗢 📢📢📢
December, 4, 2025 | 3:00 PM
Ang MDRRMC sa Silago nagpahibawo sa tanang Silagonhons nga mag-binantayon, ug dili mag-kumpyansa batok sa Bagyong “WILMA”.
Sumala sa PAGASA Tropical Cyclone Bulletin #1, karong alas 11 sa buntag, ang sentro sa bagyo anaa sa 625 km East of Catarman, Northern Samar, nga may kakusgon sa hangin nga 45 km/h ug paghuros-huros nga moabot sa 55 km/h.
Ang Bagyong “WILMA” nagpadulong sa Eastern Visayas, ug gilauman nga maapektuhan ang Probinsya Southern Leyte lakip na ang Lungsod sa Silago. Tungod niini, ang PAGASA mipataas na og Signal No. 1 sa atong probinsiya.
Ang Silago possible makasinati ug kusog nga ulan ug hangin.
Gipahimangno-an ang tanang residente, labi na ang nagpuyo sa mga lugar nga:
✅ Duol sa baybayon – peligro sa storm surge
✅ Daling bahaon – peligro sa pagbaha
✅ Dali mo-dahili ang yuta – peligro sa landslide
✅ Mga balay nga gipalibutan og kahoy o lubi
Mangandam ug magpabiling alerto sa posibleng pagbakwit, labi na sa mga pamilya nga adunay: Senior Citizen, Babaye, Bata, Buntis, PWD, ug masakiton.
Gihangyo usab ang tanang mga mananagat nga likayan usa ang paglawig sa dagat karong panahona. Unaha ang kaluwasan ug pag-amping hangtod nga mobalik ang maayong kahimtang sa panahon.
Pinaagi sa atong pagpakabana ug pagpabilin nga andam, malikayan nato ang mga katalagman ug mga susamang panghitabo.
Daghang salamat.
