Two Son's Farm

14/05/2026

QUALITY YOUNG PORK! TATAK TWO SONS FARM 😁😁😁

13/05/2026

QUALITY 🤩🤩🤩

27/04/2026

Amo ini ang sureball nga young pork! Quality💯

27/04/2026

For sale: 145/kg

Amo ni ang itsura kag kalidad sang 145/kg nga baboy kay halos wala gina pakaon, gina gaan vitamins, kag gina gastohan.

Pero kung ang baboy mo nga inog dispose gwapo, hindi ka gid magsugot nga kwaon sang nubo nga presyo.

Indi kita magpadala sa presyo nga indi makatarungan.
Kung kabalo kita sang value sang aton alaga,
dapat presyohan ta man ini sang tama.

25/04/2026

25/04/2026

REALITY SA LIKOD SANG BARATO NGA KARNE (₱220–₱240/kg)

Barato tan-awon… pero may kapalit.

May pipila nga mga buyers/dicers nga galibot kag gapanguha sang live weight sa mas barato nga presyo.

Dayon ginabaligya ang karne sa merkado sa mas nubo nga presyo para makakuha sang mas dako nga margin kang damo nga customer.

Sa una, nami pamatian. Pero kung tan-awon ta ang dako nga picture… ang farmers ang naga salo sang kabug-at sang sistema.

May isa pa ka issue:

Ginagamit ang price movement kag rumors sang “damo supply”
- para ipakita nga manubo ang presyo
- kag mapressure ang farmers nga mag dispose dayon sang alaga

Tama bala ini? May balance bala?

Ang healthy nga market dapat:
✔️ base sa actual supply and demand
✔️ may respeto sa cost of production
✔️ kag may patas nga kita sa farmer

Kung ang isa lang ka side ang naga-control sang presyo… indi na na free market. Imbalance na nga sistema.

Ginapanubo nila ang presyo indi tungod sa realidad,
kundi para ma-control ang decision sang farmers.

Kung kabalo kita sang reality sa likod sang aton ginakaon nga karne,
tani ma appreciate naton ang istorya sa likod sini. Indi lang ini produkto, kundi bunga sang kapoy, gasto, kag sakripisyo sang farmers.

17/04/2026

DIRTY TACTICS NGA GINAHIMO SANG IBAN NGA DICER/BUYER (Fear Pricing kag Market Manipulation)

Amo ni ang ila style:

Mag-post sila ukon magpalapta nga
👉 ₱145–150/kg lang kuno ang presyo

Dayon ang rason nila:
➡️ “Damo stock”
➡️ “Naganubo ang demand”

Pero ang tuod nga tuyo?
- Mamanipulate ang mindset sang growers
- Para magpanic kita kag magbaligya sa mas barato nga presyo

Pero ano ang REALITY sa aton nga farmers?
❗ Nagsaka ang feeds
❗ Nagsaka ang bulong kag maintenance
❗ Nagsaka ang krudo kag tanan nga inputs

Sa mga farmers, indi kita dapat magpadala sini.

Kung kabalo kita nga indi amo sini ang realidad sang gasto,
👉 indi kita magpanic sell
👉 indi kita magpauto sa “storya” nila

Tandaan:

👉 Ang presyo indi lang base sa ila post
👉 Base ini sa supply, demand, kag pinaka-importante — cost of production naton
👉 Farm Gate Price - ₱170-180/kg

Kita nga mga farmers gid ang backbone sang supply, tani hatagan man sang hustisya.

₱145.00/kg inyong nawong

16/04/2026

Digital Weighing Scale vs Baskula (Traditional)
Gamay nga detalye… pero dako gid ang epekto.

Mga ka-hog raisers, ano gina gamit nyo nga timbangan kung mag dispose kamo sang inyo alaga?

Baskula (Traditional):
✔️ Dugay na nga gamit, kabisado na
✔️ Simple
❗ Pero usually rounded off ang pag basa sang timbang (halimbawa 100kg, 101kg)

Digital Weighing Scale:
✔️ Exact gid ang timbang (may decimals pa — ex. 100.7kg, 101.3kg)
✔️ Mas transparent kag patas sa buyer kag farmer

Kung ang feeds nga ginabakal naton per kilo kag exact gid ang sukot, dapat amo man sina ang pagbaligya naton sang baboy.

Ang 0.5kg–0.9kg difference per head, kung damo ka baboy,
dako na gid na nga kwarta nga pwede madugang sa kita mo — ukon madula kung indi exact ang timbangan.

Example:

Kung may 10 ka baboy nga kulang lang 0.7kg average ang basa:
👉 10 × 0.7kg = 7kg total loss
👉 7kg × ₱165 = ₱1,155 nga nadula

Sa isa lang ka dispose, amo na ang epekto sang “gamay nga detalye”

15/04/2026

Mga ka-hog raisers, share ko lang gid…

Bag-o lang ko kapangumpra sang feeds para sa akon mga alaga, kag naluoy gid ako sa sitwasyon ta subong.

Nagtaas naman ang presyo sang feeds nga akon ginabakal — +₱30.00 per sack naman liwat.

Kung balikan ta, halin sang nagka-crisis sa petroleum products,
nasa ₱80–₱100 per sack na gid ang total increase sang feeds.

Pero tan-awa bala ang live weight naton…
Halin lang sa ₱140 tubtob ₱155-160/kg ang saka.

👉 Feeds: +₱80–100/sack
👉 Baboy: +₱15/kg lang

Klaro gid nga indi balance ang saka sang gasto kag kita.

Kamo mga ka-hog raiser, pila man ang increase sang feeds nga inyo ginabakal subong?

Share ta para makita gid naton ang realidad kag makabalo kita kon diin na kita padulong sini nga industriya.