17/01/2026
ππ²ππ° ππ ππ πππ₯π’π€, ππ π¬π¨π¨π§.
Igsoon, nakaabot na ba ka sa punto sa imong kinabuhi nga giusab ka na sa Ginoo? Nga naghinulsol ka na, gidawat nimo Siya sa tibuok nimong kasingkasing ug kalag, ug tinuod na nimong gibiyaan ang imong mga sala?
Nag-worship ka na, gidayeg na nimo Siya, ug nasinati na usab nimo ang presensya sa Balaang Espiritu.
Kung oo, igsoon,
Congratulations.
Apan gusto ipahinumdom sa ato sa Ginoo nga dili didto natapos ang tanan.
Talata
1 Pedro 5:8
βMagpakatino kamo ug magbantay. Ang yawa naglibot sama sa usa ka leyon nga nag-uwang-uwang, nangita kung kinsa ang iyang lamyon.β
Pagninilaynilay
Sa kalibutan niini, igsoon, dili pasabot nga kung gidawat na nato ang Ginoo, tapos na ang pakigbisog. Dili, igsoon. Moabot ang mga pagsulay, moabot ang mga tintasyon, ug moabot ang kaaway aron gub-on ang imong relasyon sa Ginoo ug ang imong kinabuhi. Anaa siya aron ilayo ka sa Dios.
Apan kung moabot ang mga adlaw nga ingon ana, isip anak sa Dios, ayaw na paglingi sa nangagi. Hinuon, mag-ampo ka. Magbasa ka sa Iyang Pulong. Ug hinumdumi, samtang mas nagkadool ka sa Ginoo, mas kusog usab ang tintasyon sa kaaway tungod kay gusto ka niyang ilayo sa Dios ug iliko ang imong pokus.
Busa bantayi ang imong kasingkasing, igsoon. Ayaw tugoti nga mopuyo didto ang kaaway. Ayaw tugoti nga siya ang mokontrol. Hinuon, sundoga nato si Job nga bisan pa sa tanan niyang naagian ug sa tanan niyang nawala, nagpabilin siyang matinud-anon ug misalig gihapon sa Ginoo.
Talata
Santiago 1:2-3
βMga igsoon, ituring ninyo nga kalipay kung moagi kamo sa nagkalainlaing pagsulay, kay nasayod kamo nga ang pagsulay sa inyong pagtuo nagapamunga ug paglahutay.β
Kung kabalo ka sa imong kaugalingon, igsoon, nga daghan ka og giagian, mas angay ka pang maglipay tungod kay gipalig-on ka sa Ginoo. Gihulma ka Niya ug gipakusgan, kay dili gusto sa Dios nga magpabilin ka lang kung asa ka karon. Gusto Niya nga bisan pa sa imong paglahutay, mga kalisdanan, ug mga sakripisyo, mamunga kini og matahum.
Usahay magreklamo ta ug moingon, βGinoo, kanus-a man mahuman ang akong pag-antos?β
Apan igsoon, kung malabwan nimo kana, ang tanan mamunga og maayo. Kay unsa ang imong gitanom, mao usab ang imong anihon. Ang imong mga ginabuhat karon makita sa imong kaugmaon.
Busa magpakatatag ka ug magpadayon, ug ayaw na paglingi sa kaniadto nga ikaw.
Talata
Galacia 5:1
βGipahigawas kita ni Cristo aron mahimong gawasnon. Busa magpabilin kamo nga lig-on ug ayaw na pagpasakop pag-usab sa yugo sa pagkaulipon.β
Kung unsa ka kaniadto, igsoon, dili na kana ang magbuot kung kinsa ka karon. Kung hinay-hinay na nimong malikayan ang mga butang nga kaniadto dili nimo malikayan, dako na kaayo kana nga panalangin. Ang mga butang nga sa una murag imposible biyaan, apan pinaagi sa tabang sa Dios, hinay-hinay na nimo silang madaog.
Hinumdumi, walay instant nga kausaban. Hinay-hinay nga giayo sa Ginoo ang tanan, hangtod moabot ang adlaw nga matingala ka na lang nga ang kaniadto lisod kaayo buhian, karon hapsay na. Mao kana ang gusto sa Dios para kanimo.
Busa kung sa grasya sa Dios nahitabo nga giusab ka na Niya, ayaw na pagbalik sa kaniadto nga ikaw.
Magpadayon ka lang, igsoon, kay walay kalimtan ang Dios. Ang tanan nimong paglahutay adunay bili.
Stand firm, igsoon.
Sa akong pagtapos, biyaan ko kamo niining talata.
Talata
Mateo 24:13
βApan ang maglahutay hangtod sa katapusan mao ang maluwas
γviralγ·fypγ·γviralγ·alγ·
