01/08/2026
Ngayong kaarawan mo, Ma, gusto kong magpasalamat hindi lang sa pagmamahal mo kundi sa lahat ng sakripisyong ginawa mo para sa aming pamilya. Ikaw ang naging sandigan namin sa lahat ng pagkakataon. Kahit pagod ka na, patuloy kang lumalaban para sa amin. Wala kaming hihilingin kundi ang maging masaya ka at pagpalain ka pa ng Diyos ng mahaba at malusog na buhay.
Maraming salamat din kay Eduard. Kahit nasa malayong lugar ka, hindi mo nakalimutang magpadala ng panghanda para kay Mama. Ipinakita mo na kahit malayo ka, malapit pa rin ang puso mo sa pamilya. Maraming salamat, Ed. Napakalaking bagay ng suporta at pagmamahal mo. Sana ay pagpalain ka pa ng Diyos at gabayan ka palagi.
Maraming salamat din kay Kuya Edrian. Ginawa mo ang lahat para mas dumami at mas maging espesyal ang handa ni Mama. Kahit gabi na, nag-effort ka pa ring bumili ng mga kailangan para maging masaya ang pagdiriwang. Kitang-kita ang pagmamahal at malasakit mo kay Mama. Salamat sa lahat ng pagod at sakripisyo mo.
Maraming salamat din kay Ate Maryjane sa lahat ng naitulong at sa pagiging bahagi ng pag-aasikaso sa espesyal na araw na ito. Ang bawat tulong at oras na ibinigay mo ay malaking bagay para maging masaya ang pagdiriwang.
At higit sa lahat, maraming salamat kay Papa na siyang nagluto para sa handaan kasama si Kuya Berting. Salamat sa sipag, tiyaga, at pagmamahal na ibinigay ninyo para maging matagumpay ang kaarawan ni Mama. Hindi biro ang maghanda para sa buong pamilya, pero ginawa ninyo ito nang buong puso.
Happy Birthday, Ma! Mahal na mahal ka namin. Salamat sa pagiging ilaw ng aming tahanan. Hiling namin ang mabuting kalusugan, mahabang buhay, at marami pang masasayang kaarawan na magkakasama tayong buong pamilya. Mahal na mahal ka namin. ❤️
