25/07/2026
“AFP, PNP AT NBI HINDI DAPAT GAMITING PANGSUPIL SA MAPAYAPANG PAGTUTOL”
Naglabas ng pahayag si dating senador Gr**go Honasan kaugnay ng nagpapatuloy na tensyon sa gitna ng malawakang pagtitipon sa EDSA.
Sa kanyang social media post, iginiit ni Honasan na ang Armed Forces of the Philippines (AFP), Philippine National Police (PNP), at National Bureau of Investigation (NBI) ay mga armadong institusyong itinatag ng Konstitusyon upang pangalagaan ang kaayusan, seguridad, at kapakanan ng mamamayan—hindi upang gamitin laban sa mapayapang pagpapahayag ng saloobin.
Aniya:
“The AFP, PNP and NBI, legally authorized armed groups, constitutional instruments of any government’s primary responsibilities - harmony in families, cooperation in communities, order in the state, inclusive growth in the nation, and security in our shores; CANNOT be used by anyone to inflict harm on Filipino lives, liberties, and property, and stifle peaceful dissent.”
Lumabas ang pahayag ni Honasan kasabay ng pagpapatupad ng heightened security measures sa National Capital Region at habang nagpapatuloy ang malawakang pagtitipon sa EDSA, kung saan nanawagan ang iba’t ibang sektor para sa kanilang mga paninindigan.
Sa kanyang mensahe, binigyang-diin ni Honasan na ang mga institusyong nagpapatupad ng batas ay nararapat manatiling tapat sa kanilang konstitusyonal na mandato at hindi gamitin upang hadlangan ang mapayapang paglahok ng mga mamamayan sa demokratikong proseso.
