12/07/2026
برائے توجہ
محترم وزیر اعلیٰ خیبر پختونخوا
خیبر پختونخوا کی تمام فلور ملز کا پُرزور مطالبہ
گزشتہ کئی دہائیوں سے خیبر پختونخوا کی فلور انڈسٹری گندم کی فراہمی کے لیے پنجاب پر انحصار کرنے پر مجبور ہے۔ بین الصوبائی گندم کی نقل و حمل پر بار بار عائد ہونے والی پابندیوں اور پالیسی رکاوٹوں کے باعث ہماری فلور انڈسٹری شدید متاثر ہوئی ہے، جس کا براہِ راست بوجھ خیبر پختونخوا کے عوام نے برداشت کیا ہے۔
اسی صورتحال کے پیشِ نظر ہم مطالبہ کرتے ہیں کہ خیبر پختونخوا کو پنجاب پر انحصار سے نجات دلائی جائے اور وفاقی حکومت کے ذریعے صوبے کی فلور ملوں کو براہِ راست گندم درآمد (امپورٹ) کرنے کی فوری اجازت دلائی جائے، تاکہ ہمارا صوبہ گندم کے معاملے میں خودکفیل اور خودمختار بن سکے۔
ہمارے مطالبات:
✔ خیبر پختونخوا کی فلور ملوں کو فوری طور پر گندم درآمد (امپورٹ) کی اجازت دی جائے۔
✔ گندم کی فراہمی میں صوبے کا دوسرے صوبوں پر انحصار ختم کیا جائے۔
✔ فلور انڈسٹری کو مستحکم کیا جائے تاکہ روزگار محفوظ رہے۔
✔ خیبر پختونخوا کے عوام کو سستا، معیاری اور وافر آٹا فراہم کیا جائے۔
"خیبر پختونخوا کو گندم درآمد کا حق دو — عوام کو سستا آٹا فراہم کرنے میں ہمارا ساتھ دو۔"
