My Chital City News

My Chital City News Welcome to My Chitral City News On Facebook ! This Page is providing information about Chitral.

الحمدللہ! مستوج۔بروعل روڈ کے حوالے سے اہم پیش رفتمستوج بروعل روڈ کے حوالے سے منعقدہ عوامی جلسے میں ڈپٹی اسپیکر خیبر پختن...
24/07/2026

الحمدللہ! مستوج۔بروعل روڈ کے حوالے سے اہم پیش رفت
مستوج بروعل روڈ کے حوالے سے منعقدہ عوامی جلسے میں ڈپٹی اسپیکر خیبر پختنخواہ اسمبلی، ڈسٹرکٹ کابینہ پاکستان تحریک انصاف اپر چترال، صدر خواتین ونگ پی ٹی آئی اپر چترال، تحصیل کابینہ تحصیل مستوج، یوتھ ونگ، ڈپٹی کمشنر اپر چترال، ڈی پی او اپر چترال اور ایس ڈی او سی اینڈ ڈبلیو ڈیپارٹمنٹ نے شرکت کی۔ اس موقع پر ڈپٹی اسپیکر خیبر پختنخواہ اسمبلی ثریا بی بی نے مظاہرین سے خطاب کیا۔ جبکہ مذاکرات کامیاب ہونے کے بعد مظاہرین نے مستوج میں جاری احتجاج ختم کرنے کا اعلان کر دیا۔
واضح رہے کہ صوبائی حکومت نے بجٹ 2025-26 میں نسپاک کے تعاون سے 157 کلومیٹر مستوج بروعل روڈ کی فزیبلٹی رپورٹ کی تیاری کے لیے 12 کروڑ روپے مختص کیے تھےجس کے بعد منصوبہ بجٹ 2026-27 کے پی ایس ڈی پی میں ڈراپ کیا گیا۔
ڈپٹی اسپیکر خیبر پختنخواہ اسمبلی کی خصوصی کاوشوں سے مستوج بروعل روڈ کے ابتدائی 20 کلومیٹر حصے کی تعمیر کے لیے 1 ارب 50 کروڑ روپے کی خطیر رقم مختص کی گئی ہے۔ ان شاء اللہ ایڈمنسٹریٹو منظوری کے بعد ایک ماہ کے اندر سی اینڈ ڈبلیو ڈیپارٹمنٹ کے ذریعے ٹینڈر جاری کیے جائیں گےجس کے بعد منصوبے کا باقاعدہ افتتاح اور تعمیراتی کام شروع کر دیا جائے گا۔
اس اہم پیش رفت پر یارخون کے عوام نے ڈپٹی اسپیکر خیبر پختنخواہ اسمبلی اور صوبائی حکومت پاکستان تحریک انصاف کا شکریہ ادا کرتے ہوئے احتجاجی تحریک ختم کرنے کا اعلان کیا۔
خواجہ خلیل انفارمیشن سیکریٹری پاکستان تحریک انصاف اپر چترال

Suriya Bibi

پانی کی عدم دستیابی کے خلاف دنین میں احتجاجچترال دنین کے علاقے میں گزشتہ دو ماہ سے گولین واٹر سپلائی سے ملنے والے پانی ...
24/07/2026

پانی کی عدم دستیابی کے خلاف دنین میں احتجاج
چترال دنین کے علاقے میں گزشتہ دو ماہ سے گولین واٹر سپلائی سے ملنے والے پانی کی معطلی کے خلاف سینکڑوں ورکشاپ اونرز، ہوٹل مالکان اور مقامی دکانداروں نے ایک بڑا احتجاجی مظاہرہ کیا۔
​مظاہرے کے دوران میڈیا کے نمائندوں سے گفتگو کرتے ہوئے مقررین عاطف الرحمن، مرزا جلال، محراب الدین، شاکر اللہ، سجاد اور دیگر نے کہا کہ گزشتہ دو مہینوں سے پانی کی عدم دستیابی کی وجہ سے صارفین کو شدید مشکلات کا سامنا ہے۔ انہوں نے کہا کہ اس بحران کی وجہ سے ہوٹل مالکان، ورکشاپس میں کام کرنے والے افراد، دنین چیوپل کے دکاندار اور علاقے میں آنے والے سیاح سخت پریشان ہیں۔
​مقررین نے تجار یونین کی کارکردگی پر شدید تنقید کرتے ہوئے کہا کہ صدر تجار یونین نور احمد چارویلو صرف بازار میں چھٹی کرانے کے لیے منتخب ہوئے ہیں، اس کے علاوہ وہ تجار برادری کے مسائل حل کرانے میں مکمل طور پر ناکام ہو چکے ہیں۔
​مظاہرین نے انتظامیہ کو تنبیہ کرتے ہوئے کہا کہ اگر ان کا یہ دیرینہ مسئلہ اگلے 3 دنوں کے اندر حل نہ کیا گیا تو وہ دنین چیوپل کے مقام پر سڑک بلاک کر کے ہر قسم کی آمدورفت معطل کرنے پر مجبور ہوں گے، جس کی تمام تر ذمہ داری انتظامیہ پر عائد ہوگی۔

لوئر چترال پولیس ٹیلنٹ ہنٹ مقابلۂ مضمون نویسیلوئر چترال پولیس کی جانب سے یومِ شہدائے پولیس کے سلسلے میں منعقدہ مقابلۂ...
23/07/2026

لوئر چترال پولیس ٹیلنٹ ہنٹ
مقابلۂ مضمون نویسی

لوئر چترال پولیس کی جانب سے یومِ شہدائے پولیس کے سلسلے میں منعقدہ مقابلۂ مضمون نویسی کے لیے رجسٹرڈ تمام طلبہ و طالبات کو مطلع کیا جاتا ہے کہ تحریری ٹیسٹ 24 جولائی 2026 بروز جمعہ صبح 10:00 بجے پولیس سہولت مرکز زرگراندہ، لوئر چترال میں منعقد ہوگا۔

تمام امیدواران سے گزارش ہے کہ نظم و ضبط اور بروقت کارروائی کو یقینی بنانے کے لیے مقررہ وقت سے کم از کم 30 منٹ قبل اپنی حاضری یقینی بنائیں، تاکہ ٹیسٹ کے انعقاد میں کسی قسم کی دشواری پیش نہ آئے۔

لوئر چترال پولیس تمام شرکاء کے لیے نیک خواہشات کا اظہار کرتی ہے اور امید رکھتی ہے کہ طلبہ و طالبات بھرپور جوش و جذبے کے ساتھ اس علمی و قومی سرگرمی میں حصہ لیں گے۔

ترجمان
لوئر چترال پولیس

ڈپٹی اسپیکر خیبرپختونخوا اسمبلی ثریا بی بی نے وزیرِ صحت خلیق الرحمان اور سیکریٹری ہیلتھ فیاض علی شاہ سے ملاقات کی، جس می...
22/07/2026

ڈپٹی اسپیکر خیبرپختونخوا اسمبلی ثریا بی بی نے وزیرِ صحت خلیق الرحمان اور سیکریٹری ہیلتھ فیاض علی شاہ سے ملاقات کی، جس میں ضلع اپر چترال کے شعبۂ صحت سے متعلق اہم امور پر تفصیلی گفتگو ہوئی۔

ملاقات کے آغاز میں ڈپٹی اسپیکر نے سیکریٹری ہیلتھ کو اپنی نئی ذمہ داریاں سنبھالنے پر مبارکباد پیش کی اور ان کے لیے نیک تمناؤں کا اظہار کیا۔

ڈپٹی اسپیکر نے اپر چترال میں پہلے مرحلے میں 15سے زائد فکسڈ پے پر ڈاکٹروں کی تعیناتی کو خوش آئند قرار دیتے ہوئے اسے علاقے کے عوام کے لیے ایک مثبت پیش رفت قرار دیا۔ اس موقع پر اپر چترال میں ڈاکٹروں کی مزید خالی آسامیوں پر جلد از جلد تقرریوں کے عمل کو مکمل کرنے کی ضرورت پر بھی زور دیا گیا تاکہ عوام کو بہتر اور بروقت طبی سہولیات میسر آ سکیں۔

ملاقات میں نرسنگ کالج اپر چترال کے جلد افتتاح اور مستقل عمارت کی تعمیر تک رینٹڈ بلڈنگ میں کلاسز کے فوری آغاز پر بھی تفصیلی گفتگو ہوئی، تاکہ علاقے کی طالبات کو نرسنگ کی معیاری تعلیم کے مواقع بلا تاخیر فراہم کیے جا سکیں۔

اس کے علاوہ تحصیل ہیڈکوارٹر ہسپتال بونی کی اپگریڈیشن سے متعلق امور بھی زیرِ بحث آئے، تاکہ ہسپتال میں جدید طبی سہولیات کی فراہمی اور علاج کی سہولیات کو مزید بہتر بنایا جا سکے۔

اظہارِ تشکرتجار یونین چترال بازار کے صدر چارویلو نور احمد خان اور پوری کابینہ کی جانب سے ملاکنڈ ڈویژن میں ظالمانہ ٹیکس ...
22/07/2026

اظہارِ تشکر
تجار یونین چترال بازار کے صدر چارویلو نور احمد خان اور پوری کابینہ کی جانب سے ملاکنڈ ڈویژن میں ظالمانہ ٹیکس کے خلاف ہونے والی مکمل کامیاب شٹر ڈاؤن ہڑتال کو تاریخی کامیابی بنانے پر تمام تاجر برادری، سول سوسائٹی، وکلاء برادری، بینک ملازمین، ہوٹل ایسوسی ایشن، سیاسی جماعتوں کے قائدین، ٹرانسپورٹرز، میڈیا نمائندگان، نوجوانوں اور چترال کے تمام باشعور عوام کا دل کی گہرائیوں سے شکریہ ادا کیا جاتا ہے۔

آپ سب نے جس اتحاد، اتفاق، نظم و ضبط اور ذمہ داری کا مظاہرہ کرتے ہوئے ہڑتال کو کامیاب بنایا، وہ چترال کی تاریخ میں ہمیشہ یاد رکھا جائے گا۔ یہ کامیابی کسی ایک فرد یا تنظیم کی نہیں بلکہ پوری چترالی قوم کی اجتماعی کامیابی ہے، جس نے ثابت کر دیا کہ جب عوام اپنے جائز حقوق کے لیے متحد ہو جائیں تو ان کی آواز کو نظر انداز نہیں کیا جا سکتا۔

خصوصی طور پر ہم تمام دکانداروں اور کاروباری حضرات کے شکر گزار ہیں جنہوں نے اپنے مالی نقصان کی پرواہ کیے بغیر مکمل شٹر ڈاؤن میں حصہ لیا۔ اسی طرح سول سوسائٹی، وکلاء برادری، بینکوں، ہوٹلوں، مختلف تنظیموں اور ہر شعبۂ زندگی سے تعلق رکھنے والے افراد کی بھرپور شرکت نے پر امن احتجاج کو مزید موثر اور کامیاب بنایا خصوصی طور پر پاکستان تحریک انصاف کے سینئر نائب صدر جناب حیات الرحمن صاحب کا شکریہ کہ انہوں نے آج پورا دن ہمارا ساتھ دیا

ہم دعا گو ہیں کہ اللہ تعالیٰ آپ سب کو اس اتحاد و اتفاق پر بہترین اجر عطا فرمائے اور ہمیں آئندہ بھی اپنے جائز حقوق کے تحفظ کے لیے اسی جذبے اور یکجہتی کے ساتھ کھڑا رہنے کی توفیق دے۔

شکریہ چترال! شکریہ تاجر برادری! شکریہ تمام عوام!

ترجمان تجار یونین چترال بازار
اخونزادہ فضل معبود

وپو احتجاجی جلسے کے اختتام پر ایڈیشنل ڈپٹی کمشنر اپر چترال معظم خان بنگش، اسسٹنٹ کمشنر اپر چترال عدنان حیدر ملوکی نے ڈپٹ...
21/07/2026

وپو احتجاجی جلسے کے اختتام پر ایڈیشنل ڈپٹی کمشنر اپر چترال معظم خان بنگش، اسسٹنٹ کمشنر اپر چترال عدنان حیدر ملوکی نے ڈپٹی اسپیکر خیبرپختونخوا ثریا بی بی کی ہدایت پر تحریک مستوج بروغل کے ذمہ داروں سے تفصیلی نشست کے بعد فیصلہ کیا کہ دو دن کے اندر ممبر صوبائی اسمبلی اپر چترال ڈپٹی اسپیکر خیبرپختونخوا ثریا بی بی خود آکر لانگ مارچ کے شرکاء سے مستوج بروغل کے حوالے سے خطاب کرینگے ۔اور مستوج بروغل روڈ تحریک کے ذمہ داروں نے اس اہم شاہراہِ پر کام شروع ہونے تک جاری رکھنے کا فیصلہ کیاگیا

21/07/2026

ریشم جہانگیر، ڈسٹرکٹ پولیس آفیسر لوئر چترال کا معزز عوام کے نام خصوصی پیغام

منشیات ہماری نوجوان نسل کے خوابوں، ہمارے خاندانوں کی خوشیوں اور ہمارے پُرامن معاشرے کے مستقبل کو نگلنے والی ایک خاموش تباہی ہے۔ لوئر چترال پولیس اس عزم کا اعادہ کرتی ہے کہ منشیات فروشوں کے اس مکروہ دھندے کا ہر قیمت پر خاتمہ کیا جائے گا۔ قانون کی گرفت سے کوئی مجرم نہیں بچ سکے گا۔

میں لوئر چترال کے باوقار اور امن پسند عوام سے پُرزور اپیل کرتی ہوں کہ موت کے ان سوداگروں کا مکمل سماجی بائیکاٹ کریں۔ ان کا کسی بھی معاملے میں کسی قسم کا ساتھ نہ دیں، بلکہ ان کے خلاف پولیس کا مضبوط بازو بنیں۔

آئیے! ہم سب مل کر یہ عہد کریں کہ لوئر چترال کو منشیات سے پاک، امن، بھائی چارے اور خوشحالی کا گہوارہ بنائیں گے۔ جب عوام اور پولیس ایک صف میں کھڑے ہوں تو جرم کی ہر طاقت شکست کھا جاتی ہے اور امن ہمیشہ سرخرو ہوتا ہے۔

ریشم جہانگیر (PSP)
ڈسٹرکٹ پولیس آفیسر لوئر چترال
District Lower Chitral Police

تریچ میر ڈرائیور یونین تورکہو (یو سی تریچ) کی مکمل پہیہ جام ہڑتال دوسرے روز بھی جاری، عوام شدید مشکلات سے دوچارتریچ میر ...
21/07/2026

تریچ میر ڈرائیور یونین تورکہو (یو سی تریچ) کی مکمل پہیہ جام ہڑتال دوسرے روز بھی جاری، عوام شدید مشکلات سے دوچار
تریچ میر ڈرائیور یونین تورکہو (یو سی تریچ) کی مکمل پہیہ جام ہڑتال دوسرے روز بھی جاری، عوام شدید مشکلات سے دوچار
اپر چترال کے علاقے تورکہو، یونین کونسل تریچ میں تریچ میر ڈرائیور یونین کی جانب سے شروع کی گئی مکمل پہیہ جام ہڑتال آج دوسرے روز میں داخل ہو گئی ہے۔ ہڑتال کے باعث علاقے میں تمام پبلک ٹرانسپورٹ معطل ہے، جس سے روزمرہ زندگی بری طرح متاثر ہو رہی ہے۔
ٹرانسپورٹ بند ہونے کی وجہ سے ، مریض، سرکاری و نجی ملازمین، کاروباری افراد اور عام مسافر شدید مشکلات کا سامنا کر رہے ہیں۔ دور دراز دیہات کے رہائشی اپنی ضروری سفری سہولیات سے محروم ہیں جبکہ کئی مریض بروقت اسپتال نہ پہنچنے کے باعث پریشانی میں مبتلا ہیں۔ کاروباری سرگرمیاں بھی متاثر ہوئی ہیں اور عوام کو متبادل ذرائع آمدورفت نہ ہونے کی وجہ سے شدید اذیت کا سامنا کرنا پڑ رہا ہے۔
ڈرائیور یونین کا مؤقف ہے کہ جب تک ان کے جائز مطالبات تسلیم نہیں کیے جاتے اور متعلقہ حکام عملی اقدامات نہیں اٹھاتے، اس وقت تک پہیہ جام ہڑتال جاری رہے گی۔ یونین رہنماؤں نے کہا کہ وہ کئی بار متعلقہ حکام کی توجہ مسائل کی جانب مبذول کرا چکے ہیں، مگر مؤثر پیش رفت نہ ہونے کے باعث انہیں احتجاج کا راستہ اختیار کرنا پڑا۔
علاقے کے عوام نے ضلعی انتظامیہ اور متعلقہ حکام سے مطالبہ کیا ہے کہ فوری طور پر ڈرائیور یونین سے مذاکرات کیے جائیں اور مسئلے کا پائیدار حل نکالا جائے تاکہ عوام کو مزید مشکلات سے بچایا جا سکے اور ٹرانسپورٹ کی بحالی ممکن ہو سکے۔
Suriya Bibi
Deputy Commissioner Upper Chitral
Shahzada Sikander Ulmulk
Ghulam Mursaleen
Jamshid Mir Afgan Rizaa
Minhaj Uddin

مالاکنڈ ڈویژن میں ٹیکس کے نفاذ کے خلاف چترال بھر میں مکمل شٹر ڈاؤن ہڑتال مالاکنڈ ڈویژن میں ٹیکس کے نفاذ کے خلاف آج چترال...
21/07/2026

مالاکنڈ ڈویژن میں ٹیکس کے نفاذ کے خلاف چترال بھر میں مکمل شٹر ڈاؤن ہڑتال
مالاکنڈ ڈویژن میں ٹیکس کے نفاذ کے خلاف آج چترال بھر میں تاجر برادری کی اپیل پر مکمل شٹر ڈاؤن ہڑتال ۔

ہڑتال کے دوران اپر اور لوئر چترال کے تمام بڑے اور چھوٹے بازار، کاروباری مراکز، دکانیں، ہوٹل، ریسٹورنٹس، شورومز اور دیگر تجارتی ادارے مکمل طور پر بند ہیں، جس کے باعث کاروباری سرگرمیاں معطل ۔
اس موقع پر تریچ میر ڈرائیور یونین اپر چترال، مختلف ٹرانسپورٹر تنظیموں، سول سوسائٹی، سماجی شخصیات اور عوام کی بڑی تعداد نے بھی تاجر برادری کے مطالبات کی بھرپور حمایت کا اعلان ۔
تاجر رہنماؤں کا کہنا ہے کہ مالاکنڈ ڈویژن کو حاصل آئینی اور قانونی ٹیکس استثنیٰ ختم کرکے نئے ٹیکس نافذ کرنا عوام اور تاجروں کے ساتھ کھلی ناانصافی ہے۔ تاجروں کا کہنا ہ ہے یہ علاقہ پہلے ہی مہنگائی، بے روزگاری، ناقص انفرااسٹرکچر اور دیگر سنگین مسائل کا شکار ہے، ایسے میں نئے ٹیکسوں کا نفاذ مقامی معیشت کو مزید نقصان پہنچائے گا اور عوام کی مشکلات میں اضافہ کرے گا۔
تاجر برادری نے حکومت سے مطالبہ کیا کہ مالاکنڈ ڈویژن میں ٹیکس کے نفاذ کا فیصلہ فوری طور پر واپس لیا جائے اور اس حوالے سے تاجروں اور عوام کے تحفظات کو سنجیدگی سے سنا جائے۔

تجار یونین چترال

Address

Chitral

Website

Alerts

Be the first to know and let us send you an email when My Chital City News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category