15/08/2026
چکن چسٹ پیس ایک کلو، (موٹے موٹے پیس کر لیں)
چنے کی دال آدھا کلو،(بھگو لیں گھنٹہ بھر)
ثابت لال مرچیں 30 گرام تھوڑا سپائسی کھاتے ہیں تو 35 گرام،
نمک اپنے حساب سے خشک کرنے سے پہلے بندہ نمک چک کر اور ڈالنا ہو تو ڈال لیتا ہے۔
ایک مٹھی پودینہ اور ایک مٹھی دھنیا کاٹ کر دھو کر رکھ لیں،
سبز مرچیں اپنی مرضی کی کاٹ کر ڈال لیں یا پانچ چھ لے لیں،
15 گرام سفید زیرہ اور 15 گرام ثابت دھنیا ہلکا سا ڈرائی روسٹ کر کے موٹا موٹا کوٹ لیں،
چار پانچ پیاز درمیانے چاپ کر کے ان کا پانی نچوڑ کے رکھ لیں۔
کچھ ثابت گرم مصالحہ تھوڑے تھوڑے جیسے پڑی الائچی لونگ کالی مرچ دارچینی کا چھوٹا سا ٹکڑا۔
لہسن کے سات اٹھ جوے اور ادرک ڈیڑھ دو انچ کا ٹکڑا اسے چھوٹے ٹکڑوں میں کاٹ لیں یہ پھر پیس لیں۔
انڈے چار عدد۔
ترکیب:-
چکن دھونے کے بعد پتیلی میں ڈال لیں اور ساتھ ہی چنے کی دال ڈال لیں اور اتنا پانی ڈال دیں کہ دونوں چیزیں ارام سے گل جائیں اور ابال آتے وقت جو اوپر سفید سا جھاگ آئے گا وہ آپ نے چمچ سے اتارتے رہنا ہے جب جھاگ اتر جائے تو پھر اس میں نمک حسب ضرورت،ثابت لال مرچیں اور لہسن ادرک ڈال کر گلنے رکھ دینا ہے۔
بس اس میں یہ دھیان رکھنا ہوتا ہے کہ دال گل کر حلوہ نہ بنے اور انگلی سے انگوٹھے سے جب اس کو دباتے ہیں دال کو تو اس کے اندر دانہ سا بھی محسوس نہ ہو سخت بس دال نارمل جو گل جاتی ہے وہ دیکھنے میں ثابت دکھتی ہے لیکن صحیح گلی ہوئی ہوتی ہے جب لگے کہ گلنے لگی ہے تو ذرا چولہا تیز کر کے بندہ پانی اچھے سے خشک کر لیتا ہے پانی صحیح سےخشک ہونا چاہیے۔
یہ جو دال گوشت کا آمیزہ ہے اس کو نیم گرم کو ہی چوپر میں پیس لیں تو اچھا پیس جاتا ہے ۔
اس کی ایک ٹپ یہ ہے کہ پیستے وقت پانچ چھ بوٹیاں (میں بڑا سائز رکھتی ہوں نا) تو پانچ چھ بوٹیاں نکال کر الگ کر لیں دال میں سے اور باقی سارا مصالحہ چوپر میں پیس لیں پھر یہ جو بوٹیاں الگ کی تھی ان کو تھوڑا سا موٹا موٹا یا تو چاپ کریں یا پھر کونڈی میں کوٹ کے مصالحے میں مکس کر دیں تو اس طرح گوشت تھوڑا دیکھنے میں بھی محسوس ہوتا ہے اور منہ میں بھی آتا ہے اگر پسند ہے ورنہ تو سارا ایسے ہی پیس لیں۔
اب یہ آمیزہ ٹھنڈا کر کے اس میں جو زیرہ دھنیا کوٹا تھا وہ اور ہرا مصالحہ اور پیاز ، پیاز صحیح نچڑے ہوئے ہوں ان میں پانی نہ ہو اور چار انڈے پھینٹ کر یہ سب مکس کر کے اچھی طرح مکسنگ کریں اور پھر وہ جو سانچہ ملتا ہے بازار میں ریڈ کلر کا گول سا کبابوں کا اس کے اندر کباب بنا بنا کر ٹرے میں رکھتے جائیں ٹرے میں آئل لگا لیں اور اس کو فریز کر لیں اور جب فریز ہو جائیں تو نکال کر کسی شاپر میں ڈال لیں لیکن ٹرے میں بھی رکھتے وقت ایک تہ لگانے کے بعد اوپر شاپر لگانا ہے پھر اس کے اوپر کباب رکھنے پھر ایک تہہ لگانے کے بعد اوپر شاپر لگانا ہے پھر اس کے اوپر کباب رکھنے ہیں ۔
اور ماشاءاللہ یہ کباب ایسے ہیں کہ ان کو تلتے وقت انڈے میں ڈپ نہیں کرنا پڑتا توے پر تلیں آئل ڈالیں ہلکے آئل میں اور آئل میں دو تین دفعہ الٹ پلٹ کر کے توے کی سائیڈ پہ کرتے جائیں وہ ہلکے ہلکے سیک پہ سکتے جائیں گے تو ماشاءاللہ یہ ٹوٹتے نہیں ہیں اگر کوانٹٹی آپ نے یہی رکھی تو۔
