زندآپ لبزانکی دیوان

16/09/2026

پروردگار

هر کَسے جند ءَ وتی جیگ ءُ گْور اِنت پروردگار
چو مہ بیت چار روچ ءِ دنیا آسر اِنت پروردگار

گلزمین ءِ کُشت ءُ کوشاں پْریشتگاں آهے نہ کت
مئے هڈیسکانی توار هَرش ءَ سر اِنت پروردگار

بید ء تو کئے اِے نپٹ ءِ راه شناسی ءَ بکنت
لاڑکیں بنده تئی در پہ در اِنت پروردگار

تئی رزا کہ گون بہ بیت زند ءِ همک گٹ اِنت گُشاد
راه بلے ڈنگر ءُ ژیمب ءُ گر اِنت پروردگار

چنکدر مئے گونگیں بروار پاتاں پُر بہ کنت
رَهمتانی مچ تئی باگ ءُ بر اِنت پروردگار

هرکس ءَ پہ وت مسیتے دو بچیلے اَڈ کتک
اشرپیں مهلوک تئی دین ءَ در اِنت پروردگار

داوتانی اِے تگار لاپ کہ وتا مُلّا گُش اِیت
گندگ ءَ پزّور اِنت توک ءَ لاگر اِنت پروردگار

دست بُرز ءَ برتگ اَنت مرچی پہ نیّت کازی ءَ
هئور ءُ بارانے بگوارین جمبر اِنت پروردگار

مبارک کازی

05/08/2026

"وتی راج ءَ گوشدار، وتی راج ءَ بہ‌سگّ ایت مستریں راجدوستی ہمیش اِنت۔" نورخان بزنجو
5 اگست ءِ روچ نیمرانیں استاد نورخان بزنجو ءِ‌ترانگاں گیشتر کنت تو نمرانیں

27/07/2026

آرٹس کونسل ءِ تلّو ءُ امام بکش مجنو ءِ بے وسی ءِ ارس
فضل بلوچ

بلوچ ازمکار ءُ بے وسی یکے دومی ءِ کوھنیں ھمراہ انت پمیشکہ ھر وھد ءَ کہ مردم بلوچ ازمکارے ءِ بے وسی ءُ نادزرسی ءِ بابت ءَ ھالے اش کنت ابکہ نہ بیت بلے جاوراں مردم انچو مانگیشنتگ کہ مردمے بہ لوٹ ایت ھم ھمے بے دزرسیں ازمکار ءِ کمک ءَ کت نہ کنت۔ھردو بے وس انت: کمک کنگ ءِ واھگدار ءُ کمک ءِ رھچار۔ھردو جاورانی تاڑ ءُ تیلانکانی دیمپان انت بلے ھردکانی بیوسی ءِ چمگ یکین انت۔
بلوچی میوزک پروموٹر سوسائٹی گوستگیں لھتیں سال انت کہ بلوچ ازمکارانی شرپ ءَ دیوان کنگ ءَ انت ءُ وتی بستار ءُ گُشاد ءِ ھساب ءَ آھانی مالی کمک ءَ ھم کنگ ءَ انت۔اے مالی کمک آھانی زند ءِ پشکتگیں روچاں ارزان و نہ کنت بلے دمانے آھانی ھاتر پہ اے ھبر ءَ وش بیت کہ راج ءَ مارا پد جتگ۔ھمے پد جنگ یک مزنیں کارے۔
وتی ھمے ربیت ءَ دیم ءَ بران، زی بزاں 26 جولائیءَ آرٹس کونسل کراچیءَسوسائٹیءَامام بکش مجنو ءِ شرپ ءَ دیوانے کتگ ات۔مجنو ءِ توار ءَ یک انچیں لھمیں سوزے مان کہ ناں چو آس ءَ سوچ ایت ناں دل ءِ تاراں چہ بُن ءَ سند ایت بلے مدان مدان ءَ مردم ءِ اندر ءِ ھورکیں جاگہ ءَ پُرکنان کنت ءُ مردم ءَ ھمے مارشت ءَ دنت کہ ترا ھم دردے گون بوتگ کہ ترھینگ ئِے لوٹ اتگ۔ھمے درد ءِ ترھینوک ءَ وت ءَ را کجام دردانی گرانیں بار کوپگ ءَ انت ایشی ءَ ایوک ءَ آ وت زانت۔
چہ مجنو ءِ مراگش ءَ دو ھپتگ پیسر یک ویڈیوے دیست کہ سوسائٹی ءِ باسک مجنو ءَ ھمے مراگش ءِ بابت ءَ ھال اھوال کنگ ءَ انت۔اے ویڈیو ءِ تہ ءَ زاھریں مجنو ایوک ءَ امام بکش نہ انت بلکیں بلوچ ازمکارانی بے وسی ءُ بے دز رسی کُنٹ(لاش) انت کہ مجنو ءِ دروشم ءَ لیاری ءِ دمکاں سربتگ انت۔ باریں چوشیں چنت ازمکارءَ نیستی ءُ نیزگاری ءِ کبا پوش اتگ کہ مئے چم ءُ نزرءَ نیا انت۔
وھدے مجنو ءَ را تلو ءِ سرءَ چیک دیگ بوت تہ من مارات آئی ءِ چم ارس انت۔اے َوشی ءِ ارس نہ ات انت (بلوچ ءُ وشی ارس، اے باوری گپّے ھم نہ انت) ناں کہ اے منتواری ءِ ارس ات انت۔ چوش ھم نہ انت کہ مجنو ءَ پہ اے شرپ ءَ سوسائٹی ءِ سنگتانی منت وار نہ ات۔ بلے نزاناں من ءَ پرچا ھمے گمان بوت کہ اے مجنو ءِ بیوسی ءِ ارس انت۔ بگندئے اے ساھت ءَ آ وتی بیوسی ءَ را چیر دیگ ءِ جُھد ءَ ات بلے بیوسی چو مدام ءِ وڑ ءَ چہ آئی ءَ گیش ات ءُ آئی ءِ چمانی راہ ءَ زاھر بوھگءَ ات۔ سید بہ گندئے ھمے رنگیں بیوسی ءِ بابتءَ گشتگ:
بے وسی ءِ دریا بے گواز انت
بلوچی میوزک پروموٹر سوسائٹی ءِ جوڑ بوھگ ءَ پیسر ھم بلوچ ازمکار بزگ ءُ بے دزرس بوتگ انت ءُ سوسائٹی ءَ پد اے کسہ ھلاس و نہ بیت کہ یک کسانیں ادارھے کسے ءِ زند ءَ وشھالی آؤرت نہ کنت بلے سوسائٹی اے کار ءَ کنت مارا مئے وار ءُ بے وسیں ازمکاراں پیش دارایت کہ ما آھانی بابت ءَ سرپد نہ ایں یا ما شمشتگ انت۔

11/07/2026

06/07/2026

بلوچی زُبان ئے نامداریں شائر واجہ امام گپور کاشاپی ءِ ءُ بلوچی زُبان ئے نبشتہ کار ءُ شرگدار ءُ نگد کار واجہ جلّاب آسکانی ءِ مکہیں مات بیران بیتگ
دُعا اِنت کہ الله پاک ءَ بی بی ءَ وتی باگیں بھشت ءَ جاگہا بِداَنت پُشپداں سبر اوپارے ہاٹیگ بِداَنت آمین ثمہ آمین

Imam Ghafoor Jallab Askani

30/06/2026

#بلوچی #زنداپ #کاروان

28/06/2026

بلوچی تامُر

#بلوچی
#تامُر