02/10/2021
💥 دودھ چوائی کے سنہری اصول💥
🔴پہلا اصول -- حیوانہ کو باقاعدگی سے چیک کریں
گائے اور ہرڈ کے لیئے حیوانے کا ایک معیار مقرر کریں اور باقاعدگی سے حیوانہ چیک کریں ۔ اگر حیوانہ مقررہ میعار سے مطابقت نہ رکھتا ہو تو فوراً احتیاطی تدابیر اپنائیں -
🟡دوسرا اصول -- دودھ چوائی کی ترتیب
شیڈ میں ھاوئسنگ کے نظام اور ھرڈ سائز سے قطع نظر، سب سے پہلے تازہ سوئی ہوئی بچھڑیوں کی چوائی کی جائے، اسکے بعد تازہ گایوں کی اور پھر باقی ھرڈ کی۔ سب سے آخر میں بیمار گایوں کی چوائی کی جائے ۔ اور اسکے بعد ملکنگ مشین، ملکنگ لائن یا ملکنگ پارلر کی جراسیم کش محلول سے صفائی کی جائے۔
جن فارمرز نے ملکنگ پارلر لگائے ہوئے ہیں، ان کو چاہئے کہ بیمار گایئوں کی ملکنگ پارلر کی بجائے، ملکنگ مشین سے چوائ کریں۔
🔵تیسرا اصول -- تھنوں کی صفائی
میسٹائٹس سے بچاؤ اور دودھ کے اعلی معیار کو برقرار رکھنے کے لئے یہ ضروری ہے کہ گائے کے تھن صاف اور خشک ہو جب انہیں کلسٹر کے ساتھ اٹیچ کیا جائے- دودھ کی چوائی سے پہلے گائے کے تھنوں کو پری ملکنگ ٹیٹ ڈپ سلوشن کے اندر بھگویا جائے اور اس کے بعد ان کو کسی نرم تولیے کے ساتھ صاف کیا جائے. یاد رکھئے کہ ٹیٹ ڈپ سلوشن کے اپلائی کرنے کے فورا بعد تھنوں کو کلسٹر کے ساتھ اٹیچ نہیں کرنا چاہیے بلکہ پہلے ہر تھن میں سے ایک ایک دھار نکالنی چاہیے - اس کا فائدہ یہ ہے کہ تھنوں میں موجود جتنے بھی بیکٹیریا ہوں گے وہ پہلی دھار کے ساتھ ہی باہر نکل جائیں گے.
ا
🟢چوتھا اصول --- چوائی سے پہلے ایک دھار نکالیں
انگریزی میں اس طریقے کو فور ملکنگ کہا جاتا ہے گائے کے ہر تھن میں سے ایک ایک دھار آپ کسی کپ میں لے لیں اس کے دو بہترین فائدے ہیں - پہلا یہ کہ گائے کو سگنل مل جاتا ہے کہ دودھ کی چوائی کا وقت ہو چکا ہے اور وہ دودھ اتار دیتی ہے دوسرا فائدہ یہ ہے کہ دودھ کی چوائی سے پہلے ہی آپ چیک کر سکتے ہیں کہ آیا دودھ کے رنگ بو اور ذائقہ کے اندر کسی قسم کی کوئی غیر معمولی تبدیلی تو نہیں ہے-
اکثر اوقات میسٹائٹس کی وجہ سے دودھ کے اندر خون شامل ہو جاتا ہے یا گائے میں معدے کے کسی مسئلے کی وجہ سے دودھ کے اندر خاص قسم کی بدبو آتی ہے فور ملکنگ کرنے سے اس کی نشاندہی پہلے ہو جاتی ہے اور آپ کا باقی دودھ خراب ہونے سے بچ جاتا ہے-
🟠پانچواں اصول --- پریشر گیج چیک کریں
ملکنگ مشین سے اپنی گائے یا بھینس کی دودھ کی چوائی کے لیے ویکیوم لیول اور پلسیشن سسٹم کا انتخاب بہت سوچ سمجھ کر کریں کیونکہ اس کا براہ راست منفی اور مثبت اثر آپ کے گائے کے تھنوں پر پڑے گا - تھنوں کے ساتھ کلسٹر لگانے سے پہلے یہ چیک کر لیں کہ کیا ویکیوم کا پریشر مطلوبہ معیار کے مطابق ہے یا نہیں-
🟣چھٹا اصول --- ملکنگ کلسٹر مناسب وقت پر لگائیں
حیوانہ کی تیاری کا تمام عمل مکمل کرنے کے 60 یا 90 سیکنڈ کے اندر اندر کلسٹر کو اٹیچ کر کے ملکنگ شروع کر دینی چاہیے- کلسٹر لگانے کے دوران اس بات کا خیال رکھیں کہ کلسٹر کے اندرہوا نہ جاسکے- کلسٹر کو بلکل متوازن انداز میں لگایئں، کسی بھی ساییڈ سے بہت اوپر یا نیچے نہ ہو، اور نہ ہی کہیں سے ٹیڑھا یا مڑا ہوا ہو-
🟥ساتواں اصول --- مقررہ مقدار سے زیادہ ملکنگ نہ کریں
اوور ملکنگ, ٹیٹ ہائپرکیریٹوسس کی بینادی وجہ سمجھی جاتی ہے
جب حیوانہ تسلی بخش حد تک خالی ہو جائے تو کلسٹر کو اتار دینا چاہیے - اگر ملکنگ پارلر میں آٹومیٹک کلسٹر ریمور نہیں لگے ہوئے تو حیوانہ کا مشاہدہ آپ کو بنفس نفیس کرنا پڑے گا- جیسے ہی کلسٹر کلا سے آپ کو دودھ کی رفتار انتہائ کم ہوتی دکھائ دے تو سمجھ جایئں کہ ملکنگ کا عمل مکمل ہو چکا ہے اورکلسٹر اتار دیں, ورنہ حیوانہ پرغیر ضروری دبائو کی وجہ سے گائے سٹریس میں بھی جا سکتی ہے، اور لمبے عرصے تک اوور ملکنگ کی وجہ سے حیوانہ بھی بہت سی پیچیدگیوں اور مسائل کا شکار ہو سکتا ہے، جسکی قیمت فارمر کودودھ کی کمی اور علاج کی مد میں مالی نقصان کی صورت میں چکانی پڑتی ہے.
🟨آٹھواں اصول --- کلسٹر کو صحیح طریقے سے اتاریں
جب ملکنگ مکمل ہو جائے توسب سے پہلے کلسٹر میں ویکیوم کی سپلائی کو بند کریں- کلسٹر میں ویکیوم کے مکمل طور پر کم یا ختم ہو جانے کا انتطار کریں۔ کبھی بھی تھن کوپکڑ کر اور زور لگا کر کلسٹر مت اتارِیں ورنہ جانور کو میسٹائیٹس ہو سکتا ہے-
نیوکس جنیٹکس نے اپنے چند معزز فارمرز کے فارمز پر اپنے لگاَئے ہوئے ملکنگ سسٹم کی معمول کی کارکردگی کو چیک کرتے ہوئے یہ مشاہدہ کیا ہے کہ فارم کے ملازمین اپنا وقت بچانےکے لیے کلسٹر کوگائے کے تھنوں سے اتارتے ہوئے ویکیوم کے مکمل ختم ہونے کا انتطار نہیں کرتے اور زور لگا کر کلسٹر کو تھنوں سے اتارتے ہیں جو کہ ایک انتہائ غلط عمل ہے جس سے حیوانہ پرنہ صرف برے اثرات مرتب ہوتے ہیں بلہ وقت کیساتھ ساتھ تھن بھی ڈی شیپ ہو جاتے ہیں-
🟩نواں اصول --- ہرملکنگ کے بعد تھنوں کو سینیٹائز کریں
تھنوں سے کلسٹر اتارنے کے فورا" بعد تھنوں کو اعلی میعار کے پوسٹ ملکنگ ٹیٹ ڈپ یا سپرے کیساتھ سینیٹائز کریں - یہ ایک گائے سے دوسرِی گائے تک میسٹائیٹس کے جراسیم کے پھیلائوکو روکنے کا واحد اور انتہائی موئژ طریقہ ہے - اسکے علاوہ گائے کو ملکنگ کے فورا" بعد فرش یا زمین پر مت بیٹھنے دیں، کیونکہ ملکنگ کے بعد تھنون کے باریک مسام کچھ دیر تک کھلے رہتے ہِیں اور اگر گائے فورا" بیٹھ جائے تو بہت سے جراژیم اندر داخل ہو کر انفیکشن یا دیگر بیماریوں کا باعث بن سکتے ہیں-
🟪دسواں اصول ---ملکنگ کے بعد، سسٹم کی مکمل صفائ
ملکنگ کے دوران گاَے عموما" پیشاب اور گوبر کرتی ہے جس کے چھینٹے مشین یا پارلر پر پڑ جاتے ہیں، جو نہ صرف دیکھنے میں بہت برے لگتے ہیں بلکہ بعد ازاں دودھ کو بھی متائژکرنے کا زریعہ بنتے ہیں۔ ملکنگ سسٹم کی بیرونی سایڈز کوگرم پانی اور کسی اچھے ڈیٹرجنٹ سے اچھی طرح دھویئں - یہاں بھی فارم کے ملازمین اکژ ڈنڈی مار جاتے ہیں اور نئی مشین یا پارلر بھی کچھ عرصے بعد بہت گندا اور پرانا سا لگتا ہے - یاد رکھیے، ملکنگ پارلر یا مشین کی صفائ کی حالت آپ کے فارم کا اچھا یا برا تائژقائم کرنے میں انتہائی اہم کردار ادا کرتی ہے - دودھ کے بڑے خریدار سب سے پہلے آپ کے ملکنگ پارلر کا معایئنہ اور وزٹ کریں گے -
ملکنگ پارلرز میں چونکہ آٹومیٹک واشنگ سسٹم ہوتا ہے لیکن وہ عموما" واشنگ کے دوران مطلوبہ معیار کا گرم پا نی استعمال نہیں کرتے جسکی وجہ سے ملکنگ پارلر کے پارٹس جن میں کلسٹر، ملک ٹرانسفرلائن، ملک میٹرز، ملک ٹرانسفر پمپ، ملک رسیونگ ٹینک وغیرہ شامل ہیں، ان میں دودھ کی چکنائ جمع ہونا شروع ہو جاتی ہے جس میں بہت سے بیکٹیریا اور جراثیم پرورش پاتے ہیں۔ اس سے نہ صرف دودھ آلودہ ہوتا ہے بلکہ پورا پارلر انتہائی گندگی کا نمونہ پیش کرتا ہے-
ملکنگ مشین استعمال کرنے والے فارمرز کو چاہیے کہ مشین کو ڈس انفیکٹ اور سینیٹائز کریں جسکا مکمل طریقہ وہ نیوکس جنیٹکس کو واٹس اپ کر کے پوچھ سکتے ہیں - مشین کو دھونے کے بعد مکمل طور پر خشک ہونے دیں- دھلائی کے دوران الیکٹرک موٹر اور ویکیوم پمپ پر پانی نہ پڑنے دیں
🟧گیارھواں اصول ---- دودھ کو مطلوبہ میعار پر ٹھنڈا کریں
دودھ کو چلر میں سٹور کریں اور تسلی کریں کہ چلر آن ہے- مختلف دورانیہ میں چلر کا درجہ حرارت چیک کرتے رہیں - اگر دودھ کو درجہ بہ درجہ صحیح طریقے سے ٹھنڈا کیا جائے تو، دودھ میں بیکٹیریا اور دیگر جراثیم کی افزائش بہت حد تک کم ہو جاتی ہے اور دودھ کو لمبے دورانیے تک محفوظ کر کے قابل استعمال بنایا جا سکتا ہے-
🟦بارھواں اصول ---- ملکنگ سسٹم کی دیکھ بھال اور احتیاطی تدابیر
کوشش کریں کہ ملکنگ پارلر یا اگر آپ ملکنگ مشین استعمال کر رہے ہیں تو اسکی دیکھ بھال کے لیے ایک رجسٹر یا لاگ بک مرتب کریں جس میں درج ہو کہ ملکنگ سسٹم کا کونسا پارٹ کتنے عرصے بعد یا کتنے استعمال کے بعد تبدیل ہونا ہے اور آپ نے اسے کب تبدیل کیا۔ اسکے علاوہ ملکنگ سسٹم میں آنیوالے مختلف مسائل کو بھی نوٹ کریں تاریخ کیساتھ اور یہ بھی نوٹ کریں کہ کوئی بھی مسئلہ کیوں پیش آیا اور وہ کیسے حل ہوا اور اسکے لیے احتیاطی تدابیر کیا ہیں - انشاءاللہ، اس طرح آپ ملکنگ سسٹم سے ایک لمبے عرصے تک فائدہ اٹھا سکیں گے -
تحریر پڑھنے کا شکریہ 💖
credit: Dr Nouman.!
