Saasbahu kitchen

Saasbahu kitchen Welcome to "Saasbahu Kitchen", Where food meets happiness ☺️❤️

Assalamoalaikum Kal humne aap se aik poll ke zariye aap ki rai maangi thi ke kya humein apne page par kitchen ke saath s...
12/09/2026

Assalamoalaikum

Kal humne aap se aik poll ke zariye aap ki rai maangi thi ke kya humein apne page par kitchen ke saath saath social issues par bhi baat karni chahiye ya nahi.

Aap sab k participate kernay ka shukriya 😊
Poll Ka Result:

Aap mein se ziada tar logon (Option 1 & 3) select kiya k hum recipes aur kitchen ki baaton ke saath in zaroori social issues ko bhi discuss karain!

Kyunke yeh platform bunyaadi tor par kitchen, zaiqay aur apno ko jodne ke liye hai, is liye hum page ka original momentum bilkul kharab nahi hone denge.

👉 Hum **"Saas Bahu Kitchen"** par main focus kitchen say related baaton per hi rakhain gaay

Lekin aap ki pasand ka ahtaram karte hue, mahine mein 1 ya 2 baar (Once or Twice a Month) hum kuch khas social issues par bhi baat kar liya karein ge. Is tarhan jin logo ny option 2 select kiya unki rai b hamare liyay ahum ha .. ye hikmat e amli hamain yaqeen ha k apko b achi lagay gi Shukriya 😊

11/09/2026

Aaj ki Baat:

Ek Nakaam Tajurba

Shayad 90s ki baat hai... Main apni nani ke sath rehti thi. Mujhe hamesha se cooking ka shoq tha aur nit nayi cheezain banane ka dil chahta tha. Un dinon videos wagaira tou hoti nahi theen, digest aur magazines mein khanon ki tarkeebain aati theen.

Aise hi kisi digest mein baghir oven ke cake banane ki tarkeeb parhi. Dil mein socha ke yaar agar ghar mein cake ban gaya tou maza hi aa jaye ga! Ingredients thay maida, anday, کوکوپاوڈر, cheeni, aur oil ya butter (ab sahi yaad nahi). Sab cheezain tou samajh aa gayeen, lekin yeh cocoa powder samajh nahi aaya ke kya bala hai. School mein nayi nayi abbreviations parhna shuru ki theen, tou khud hi dimag lagaya ke cocoa powder yaqeenan coconut ki short form hai.🤣

Nani se poocha tou ghar mein na coconut powder tha aur na hi maida. Bas phir kya tha, gali ke ek bachay ko doraya aur dono cheezain mangwa leen. Jaise taise karke ek mixture ready kiya aur bake karne ke liye patilay mein rakh diya. Ab yeh pata nahi tha ke kis point par ready hoga ya kaise check karna hai. Result mein ek ajeeb si hi cheez bani jo bilkul khane ke qabil nahi thi. Sab mehnat aur paise waste!

Lekin achi baat yeh thi ke meri nani mujh se naraz nahi hueen. Agar us waqt wo naraz ho jateen tou main baad mein kabhi koi nayi recipe try karne ki himmat na karti.
(Allah pak meri nani aur hum sab k jo baray is duniya say chalay gayay hain unki kaamil maghfirat farmain Aameen)

Khair yeh tou purana qissa tha, ab tou Alhamdulillah achi baking ho jati hai... boht professional nahi lekin khane ke qabil!

Aap ki bhi koi aisi cooking ki funny story hai tou hamare sath comment ma zaroor share karain! 😊

Aaj Ki BaatKal humne ek sensitive social issue par baat ki thi, aur aap sab ka response buhat acha raha! Kyunk yeh platf...
11/09/2026

Aaj Ki Baat

Kal humne ek sensitive social issue par baat ki thi, aur aap sab ka response buhat acha raha! Kyunk yeh platform hamari aik choti si family ki tarah hai, toh hum chahte hain ke aage ka content bhi aap ki pasand ke mutabiq ho.

"Aaj Ka Sawal "

Aap sab neeche diye gaye options me say aik option select karain.

1.Dono cheezein! Kitchen & cooking blogs kay sath seasonal/sensitive social issues par bhi kabhi kabhi baat honi chahiye.

2.Sirf Kitchen aur Cooking k blogs tk mehdood rakha jaye.

3. Social issues par baat ho, lekin sirf weekend par

Aap ka kya khayal hai? Comment section me 1, 2 , 3 likh kar zaroor batayein! Aap ki raye hamare liye bohot important hai. 👇

10/09/2026

Aj ka sawal
Aj ka sawal pichle blog say related hi ha 😊 #
kya aap ne kabhi apne bachon se 'Safe aur Unsafe Touch' (Body Safety) par khul kar baat ki hai? Aur kya aap is weekend par apne bachon ke sath yeh video dekh kar un se is topic par baat karain gaye?

Options:

1. Ji Haan hum pehle bhi baat kar chukay hainn aur is weekend par yeh video bhi bachon ke sath zaroor dakhain gaay.

2. Ab tak baat karne mein jhijhak thi, lekin is weekend par lazmi yeh video dikha kar baat karain gaay.

3. Bilkul Bachon ki safety se barh kar kuch nahi, hum aaj hi yeh video un ke sath dekhain gaay aur apnay circle aur social media per b share karain gaay

Comments mein apna jawab zaroor share karain aur yeh post baki parents tak bhi pohnchayein 💜
Apki asani k liyay video screenshot dobara share ker diya ha

Aj Ki Baat: Hamare Bachay, Hamari Zimadari!Aj ki baat mein hum aj kitchen se hut ke aik bohat sensitive issue par baat k...
10/09/2026

Aj Ki Baat:

Hamare Bachay, Hamari Zimadari!

Aj ki baat mein hum aj kitchen se hut ke aik bohat sensitive issue par baat karain gaye. Aj kal jis tarah bachon ke sath ziadti ke cases barh rahe hain, ab ye bohat zarori hogaya hai ke hum apne bachon se is baray mein baat karain aur unko awareness dain.

Kuch Ahem Baatein

1.Kisi Par Blind Trust Na Karein
Chahe koi kitna bhi qareebi rishtedar, parosi ya family friend ho..bachon ko kisi ke sath akele mat chorein na hi kisi ke sath kahin bhajain.

2. Body Boundaries Sikhayein
Bachon ko batayein ke unke private parts ko koi touch nahi kar sakta. Agar koi aisa kare toh baghair daray "NO" kahein aur aap ko foren batayein.

3.Jhijhak Khatam Karein
Bachon ko safety sikhane mein sharm mat karein. Un say is baray ma baat karain takay unko awareness ho aur wo ap say her tarhan ki baat kernay ma comfortable hon

4. Agar Aap Ko Baat Karne Mein Jhijhak Ho
Agar aap ko khud bachon se yeh baat karte jhijhak ho rahi hai toh is blog mein niche ek bohot achi awareness video ka screenshot ha you tube per ye video mojood ha. Pehle yeh video aap khud dekhein, phir apne bachon ko dikhain taake baat karna aasan ho jaye.

Apne ghar ko bachon ke liye safe space banayein! ❤️

09/09/2026

**آج کا سوال 😄**

آپ کے گھر میں کون سی چیز سب سے زیادہ "غائب" ہوتی ہے؟ 👀

1. موزے
2. چابیاں
3.موبائل چارجر
4. ڈھکن
5. ٹی وی ریموٹ 😂
6. ہیئر کلپ 😅
7. کچھ اور 😄

**میرے ہیئر کلپس تو کبھی ملتے ہی نہیں… نہ جانے کہاں چلے جاتے ہیں! 😂
آپ کے گھر میں کیا غائب رہتا ہے؟**

09/09/2026

Daal mash lovers attendance please 😘👩‍🍳

09/09/2026

Khano k naam

Hum roz biryani, qorma, nihari, kabab aur samosay khatay hain, lekin in ke naam kaysay paray shayd hi ye hum ny kabhi socha ho.🤔

Misal ke taur par **Nihari** ka naam Arabi lafz "nihar" say nikla hai, yani din. Purane waqt mein nihari subah sawere khaye jati thi.💖

**Qorma** Turkish lafz "qormaq" se nikla, jis ka matlab hai bhoonna. 👩‍🍳

**Samosa** ka safar bhi bara dilchasp hai. Is ke naam ko Farsi ke qadeem lafz "sanbosag" se jora jata hai. Ye bhi safar karta hua central Asia se Bar-e-Sagheer tak pohancha aur phir hamaray kitchen ka hissa ban gaya. 🥟

Aur **Kebab** ka naam bhi kafi purana hai. Aam tor par isay Arabi aur Farsi ki qadeem khanay ki istilahaat se jora jata hai aur iska talluq gosht ko aag per pakane ke tareeqay se bataya jata hai. Phir kabab ka safar b bohat dilchasp ha aur her ilaqy k logo ny apnay hisab say iski recipe bana li isiliye aaj hamaray paas seekh kebab, shami kebab, galawati kabab,adana kebab, chapli kebab aur na janay kitni qisamain hain.🥙

agar aap ko kisi aik khanay ke naam ki poori kahani jaanne ka mauqa milay, to aap kis khanay ka naam chunain ge? Aur kyun?

08/09/2026

*sliders
*Shahi tukray
*Iffa chicken
*Methi tikya

08/09/2026

Our menu

Address

Karachi

Telephone

+923233243337

Website

Alerts

Be the first to know and let us send you an email when Saasbahu kitchen posts news and promotions. Your email address will not be used for any other purpose, and you can unsubscribe at any time.

Shortcuts

Share

Category