24/05/2026
Cattle industry mein jo recent waqia hua hai, yeh puri community ke liye bohat bara sabaq hai.
Business hamesha apni capacity aur aukaat ke mutabiq karna chahiye.
Maal cash par khareedo ya bohat short time udhar par… lekin ek ek saal ka udhar le kar business mat chalao ke “agli Bakra Eid mandi par payment kar denge”.
Hafta 10 din ya short cycle tak baat samajh aati hai, lekin woh bhi proper terms & conditions, pay order ya confirmed cheques par honi chahiye… aise nahi ke bas maal uthaya aur de diya.
Poora saal udhar par maal uthana bohat risky hai.
Market kabhi bhi turn le sakti hai aur ek ghalat decision darjanon farmers ko affect kar deta hai.
Aaj bohat se log sirf is liye nuksan mein gaye kyun ke kaam reality se zyada over pricing, show off aur long udhar par chal raha tha.
Hamesha utna hi maal uthao jitni aap ki payment capacity ho, aur utne hi janwar lo jitni asal mein demand aur zarurat ho.
Janwar quantity se nahi, quality se pehchana jata hai.
Nasal, husn, structure aur quality dekh kar kaam karo… sirf numbers aur race ke peeche mat bhaago.
Aur ek baat hamesha yaad rakhein…
Qurbani ke janwar sirf trading ka zariya nahi hain.
Yeh Allah ki raza ke liye palay jate hain, shoq se palay jate hain, mohabbat se palay jate hain.
Insaan apni mehnat ki halal rozi zaroor le, lekin is field ko sirf “trading game” bana dena aur janwaron ko sirf investment samajhna theek nahi.
Farming karein, quality par kaam karein, Allah ki raza aur apne shoq ke liye karein… sirf race aur show off ke liye nahi.
Cash is king.
Utna hi maal uthao jitni payment karne ki capability ho.
Show off aur race mein aa kar apni chadar se zyada paon mat phailao.
Allah Pak har farmer aur trader ke rizq mein barkat de aur sab ko aisay nuqsanat se mehfooz rakhe.
