Dairy Farmers Association Karachi

31/08/2026

*کراچی کے علاقے بھینس کالونی میں سیکیورٹی اور امن و امان کی صورتحال مزید ابتر ہو گئی۔ روڈ نمبر 5، دوسرے چوک پر واقع ایک نجی مارٹ میں گزشتہ رات مسلح ملزمان نے ڈکیتی کی سنسنی خیز واردات انجام دی، جس کی سی سی ٹی وی فوٹیج سامنے آ گئی ہے۔*

تفصیلات کے مطابق بھینس کالونی روڈ نمبر 5، دوسرے چوک کے قریب واقع نجی مارٹ پر گزشتہ رات مسلح ملزمان نمودار ہوئے۔
​ویڈیو فوٹیج میں واضح طور پر دیکھا جا سکتا ہے کہ ملزمان نے مارٹ کے باہر کھڑے اور اندر موجود افراد کو اسلحے کے زور پر یرغمال بنایا اور باآسانی ڈکیتی کی واردات مکمل کی۔
​ملزمان کی تمام تر نقل و حرکت اور لوٹ مار کا طریقہ کار سی سی ٹی وی کیمرے میں محفوظ ہو چکا ہے۔ ڈکیتی کی واردات کے بعد ملزمان موقع سے فرار ہونے میں کامیاب ہو گئے۔

17/08/2026

آئی جی سندھ جاوید عالم اوڈھو سے ڈیری فارمرز ایسوسی ایشن کے وفد کی سینٹرل پولیس آفس کراچی میں ملاقات۔

وفد کی سربراہی ڈیری فارمز ایسوسی ایشن کے صدر اشرف جلال گجر کررہے تھے۔

ڈیری فارمرز کو درپیش مسائل اور بالخصوص حالیہ سنگین مسئلے کے فوری حل پر ایسوسی ایشن کے وفد کا آئی جی سندھ سے اظہارِ تشکر۔

ڈیری فارمرز کے مسئلے پر آئی جی سندھ کی بروقت توجہ اور مؤثر اقدامات قابلِ تحسین ہیں۔ چوہدری فاروق حطار

آئی جی سندھ نے مختصر وقت میں ڈیری فارمرز کا اہم مسئلہ حل کرایا، پوری ڈیری برادری ان کی بے حد مشکور ہے۔ چوہدری فاروق حطار

عوام دوست قیادت، بروقت فیصلوں اور تعاون پر آئی جی سندھ کو خراجِ تحسین پیش کرتے ہیں۔ ڈیری فارمرز ایسوسی ایشن

کاروباری برادری اور مختلف شعبہ ہائے زندگی سے وابستہ افراد کے مسائل کے حل کے لیے سندھ پولیس ہر ممکن تعاون جاری رکھے گی۔ جاوید عالم اوڈھو

شہریوں کو درپیش مسائل کے حل میں متعلقہ اداروں اور اسٹیک ہولڈرز سے مؤثر رابطہ انتہائی ضروری ہے۔آئی جی سندھ

سندھ پولیس عوام کے جان و مال کے تحفظ کے ساتھ ساتھ شہریوں کے مسائل کے فوری اور مؤثر حل کے لیے بھی اپنا کردار ادا کر رہی ہے۔آئی جی سندھ

ڈیری فارمرز اور دیگر کاروباری طبقات کے جائز مسائل کو ترجیحی بنیادوں پر حل کرنے کے لیے ہر ممکن اقدامات یقینی بنائے جائیں گے۔جاوید عالم اوڈھو

ڈیری فارمرز ایسوسی ایشن کے وفد کی جانب سے اعتماد اور تشکر کا اظہار خوش آئند ہے۔جاوید عالم اوڈھو

عوام کی خدمت ہی ہماری اولین ذمہ داری ہے۔آئی جی سندھ

23/07/2026

کراچی ڈیری فارمرز ایسوسی ایشن اور سندھ و بلوچستان بھوسہ ایسوسی کے درمیان مذاکرات کامیاب
کراچی میں گزشتہ تین روز سے سندھ و بلوچستان بھوسہ ایسوسی ایشن کی جانب سے جاری ہڑتال کے باعث ڈیری فارمرز کو شدید مشکلات کا سامنا تھا۔ بھوسے کی فراہمی متاثر ہونے سے لاکھوں مال مویشی خوراک کی کمی کا شکار ہو رہے تھے، جس کے نتیجے میں شہر میں دودھ کی پیداوار بھی نمایاں طور پر متاثر ہوئی۔
اس سنگین صورتحال کے پیشِ نظر کراچی ڈیری فارمرز ایسوسی ایشن نے کمشنر کراچی سے ملاقات کرکے ڈیری فارمرز کو درپیش مشکلات اور ہڑتال کے باعث پیدا ہونے والی تشویشناک صورتحال سے تفصیلی آگاہ کیا۔ ایسوسی ایشن نے مؤقف اختیار کیا کہ اگر یہ مسئلہ فوری طور پر حل نہ کیا گیا تو نہ صرف مویشیوں کی صحت بلکہ کراچی میں دودھ کی فراہمی بھی مزید متاثر ہوگی۔
کمشنر کراچی نے معاملے کا فوری نوٹس لیتے ہوئے آئی جی سندھ سے رابطہ کیا۔ تاجروں کے تحفظات دور کیے گئے اور کرپشن میں ملوث متعلقہ اہلکاروں کو معطل کر دیا گیا، جس کے بعد معاملات خوش اسلوبی سے حل ہو گئے۔
بعد ازاں سندھ و بلوچستان بھوسہ ایسوسی ایشن نے ہڑتال ختم کرنے کا اعلان کر دیا، جس سے بھوسے کی ترسیل اور سپلائی بحال ہونے کی راہ ہموار ہوگئی۔
کراچی ڈیری فارمرز ایسوسی ایشن کے نمائندگان اور بھوسہ تاجروں نے مسئلے کو بروقت اور احسن انداز میں حل کرنے پر کمشنر کراچی اور آئی جی سندھ کا شکریہ ادا کیا اور امید ظاہر کی کہ آئندہ بھی ایسے مسائل کو باہمی تعاون اور مثبت مذاکرات کے ذریعے حل کیا جائے گا۔

22/07/2026

*ڈیری فارمرز ایسوسی ایشن* نے بھوسہ کی فراہمی کے حوالے سے پیدا ہونے والے سنگین بحران اور ڈیری فارمرز کو درپیش مشکلات کے پیشِ نظر *وزیراعلیٰ سندھ، چیف سیکرٹری سندھ، ہوم ڈیپارٹمنٹ اور کمشنر کراچی* کو باضابطہ درخواستیں ارسال کیں، جن میں مطالبہ کیا گیا کہ اس معاملے کو ہنگامی بنیادوں پر حل کیا جائے۔
ایسوسی ایشن نے اپنے مؤقف میں واضح کیا کہ اگر بھوسہ کی ترسیل اور فراہمی کے مسائل فوری طور پر حل نہ کیے گئے تو کراچی میں موجود لاکھوں مویشی بھوک اور غذائی قلت کا شکار ہو جائیں گے، جس سے نہ صرف قومی معیشت کو بھاری نقصان پہنچے گا بلکہ ڈیری فارمرز کو دودھ کی پیداوار میں شدید مشکلات کا سامنا کرنا پڑے گا۔ اس کے نتیجے میں شہرِ کراچی کے عوام دودھ جیسی بنیادی غذائی ضرورت کی قلت سے بھی دوچار ہو سکتے ہیں۔
ڈیری فارمرز ایسوسی ایشن کی درخواست پر *وزیراعلیٰ سندھ* نے فوری نوٹس لیتے ہوئے *ڈائریکٹر اینٹی کرپشن، محترم سلیم اللہ اوڈو صاحب* کو ہدایات جاری کیں کہ ڈیری فارمرز ایسوسی ایشن، بھوسہ ایسوسی ایشن، اور سندھ و بلوچستان کے بھوسہ کے تاجر حضرات کے وفود سے ہنگامی بنیادوں پر اجلاس منعقد کیا جائے، ان کے مسائل تفصیل سے سنے جائیں اور ان کے فوری حل کے لیے مؤثر اقدامات کیے جائیں۔
اسی طرح *کمشنر کراچی* نے بھی درخواست کا فوری نوٹس لیتے ہوئے یقین دہانی کرائی ہے کہ آئندہ ایک سے دو روز میں ڈیری فارمرز ایسوسی ایشن، بھوسہ ایسوسی ایشن اور سندھ و بلوچستان کے بھوسہ کے تاجر حضرات کے نمائندہ وفود سے اجلاس منعقد کیا جائے گا، جس میں تمام مسائل کا جائزہ لے کر ان کے ہنگامی حل کے لیے عملی اقدامات کیے جائیں گے۔
*ان شاء اللہ* *ڈیری فارمرز ایسوسی ایشن* کا وفد بھوسہ سے وابستہ تمام متعلقہ اسٹیک ہولڈرز کے ساتھ مل کر متعلقہ سرکاری اداروں سے مسلسل رابطے اور اجلاسوں کے ذریعے اس بحران کے فوری اور پائیدار حل کے لیے اپنی بھرپور کوششیں جاری رکھے گا، تاکہ مویشی پال حضرات، ڈیری سیکٹر اور کراچی کے عوام کو کسی بھی قسم کی غذائی قلت یا معاشی نقصان کا سامنا نہ کرنا پڑے۔

06/04/2026

*آج بھنس کالونی لانڈھی کراچی جانوروں کے ہسپتال میں معزز منسٹر آف لا ئیو اسٹا ک اینڈ فشریز جناب محمد علی مالکانی صاحب کی اور دیگر لایو اسٹاک شعبہ کے معززین کی آمد ہوئی اور سندھ اینیمل ویکسینیشن پروگرام کا انعقاد کیا گیا- جس میں مختلف قسم کی ویکسین فری آف کوسٹ جانوروں کو لگائی جائے گی-*
*ڈیری فارمرز ایسوسی ایش کراچی کے وفد نے صدر اشرف جلال کی قیادت میں شرکت کی جس میں جنرل سیکریٹری شوکت مختار غلام شبیر ڈار - چوہدری عبدالحمید گجر فیضان اختر ودیگر نے شرکت کی ۔ اس کے بعد ایک سوال جواب کے سیشن میں انہوں نے بھینس کالونی کے مسائل کو تحمل سے سنا جس میں بھوسے کو جلانے، ہسپتال میں لیباٹری کے قیام کرنا، دودھ کے بھاؤ، مردار جانور کو ٹھکانے لگانے اور سیکس سیمن اور امبریو کے حوالے سے بات سنی گئی-*
*منسٹر صاحب نے بہت پرسکون انداز میں مسائل کو سنا اور اگلے ہفتے میں ایک اور میٹنگ کا وعدہ کیا ہے- بلخصوص لیباٹری کی یقین دہانی بھی دلائی کے 5 نمبر ہسپتال میں بننے جا رہی ہے-*

02/04/2026

سابق صدر ڈیری فارمرز ایسوسی ایشن مرحوم حاجی اختر گجر صاحب کی چہلم کی دعائے فاتحہ میں ڈیری سیکٹر کے تمام اسٹیک ہولڈرز، سیاسی، سماجی ،مذہبی اور کاروباری شخصیات سمیت کثیر تعداد میں لوگوں نے شرکت کی اور حاجی صاحب کے بلندی درجات کےلیے تلاوت قرآن پاک اور محفل حمد و نعت کے بعد ان کی مغفرت کےلیے دعا کی۔

اللہ پاک حاجی اختر گجر صاحب کی آگے کی منزلیں آسان فرمائے اور ان کی قبر کو جنت کے باغوں میں سے ایک باغ بنا دے اور ان کی کامل مغفرت فرمائے۔
آمین

31/03/2026

کمشنر کراچی نے دودھ کا نیا نوٹیفکیشن جاری کر دیا ، جس کےلیے ڈیری فارمرز ایسوسی ایشن کی پوری ٹیم نے بھرپور محنت کی تھی۔ یکم اپریل سے کراچی سے ایکس فارم گیٹ ریٹ فی ٹینکی 8063 روپے ہو گا جبکہ صارفین کو 240 روپے لیٹر دودھ ریٹیل میں ملے گا۔

11/03/2026

07/03/2026

ڈیری فارمرز ایسوسی ایشن نے لی مارکیٹ دودھ منڈی میں لیب کا افتتاح بدست سابق صوبائی وزیر محترم جناب جاوید ناگوری اور صدر ڈیری فارمرز ایسوسی ایشن اشرف جلال گجر نے کیا۔

اس موقع پر لی مارکیٹ دودھ منڈی کے صدر اسلم ناگوری اور لی مارکیٹ دودھ منڈی کے بروکرز نے مہمان خصوصی سابق وزیر جاوید ناگوری اور صدر ڈیری فارمر ایسوسی ایشن اشرف جلال گجر اور سابق صدر ڈیری فارمرز ایسوسی ایشن حاجی اختر گجر مرحوم کے صاحبزادے فیضان اختر گجر کا استقبال سندھ کی ثقافت اجرک اور پھولوں کے ہار پہنا کر کیا۔

انشاءاللہ اس لیب کے قیام سے لی مارکیٹ دودھ منڈی سے کام کرنے والے تمام اسٹیک ہولڈرز مستفید ہوں گے اور موقع پر دودھ کے معیار کو جانچ سکیں گے اور اطمینان اور تسلی سے ملاوٹ سے پاک دودھ کی خریدو فروخت کو یقینی بنانے میں یہ لیب اہم کردار ادا کرے گی۔

07/03/2026

آج صبح سکھن تھانے کی حدود بھینس کالونی روڈ نمبر 5 پر دن دیہاڑے ڈکیتی کی ایک سنگین واردات پیش آئی

ویڈیو میں صاف دیکھا جا سکتا ہے کہ چار مسلح ڈاکوؤں نے ایک بزرگ شہری کو جو کہیں سے رقم لے کر آ رہے تھے سرِ عام سڑک کے بیچوں بیچ روک کر ان سے تمام نقدی لوٹ لی