08/12/2023
سنڌ مالي غنيمت ناهي جو پاڪستان، وفاق ۽ اسلام جي نالي تي کيس پنجابي فوج ۾ ورهايو وڃي۔
سنڌ غيرتمند سنڌي قوم جي ماء ۽ تاريخي وطن آهي جنهنجي ڦرلٽ سنڌ جو ڪو به حلالي پٽ ڪنهن به صورت ۾ برداشت نه ڪندو۔
سنڌ جي 52713 ايڪڙ زمين قانون لاڳو ڪندڙ ادارن کي ڏيڻ مطلب ڌرتي ڌڻين جي پيرن ھيٺان زمين کسڪائڻ آھي. ۽ اهڙي عمل خلاف سخت احتاج ڪنداسين۔
جيئي سنڌ فريڊم موومينٽ جسفم مرڪز
ڌرتي ڌڻين جي زمين ڪنھن به صورت ۾ پنجابي فوج جي دهشتگرد نام نهاد قانون لاڳو ڪندڙ ادارن کي ڏيڻ قبول ڪونھي، فيصلو واپس نه ورتو ويو ته پوري سنڌ ۾ احتجاجي تحريڪ ھلائي ويندي
سھيل ابڙو
چيئرمين جيئي سنڌ فريڊم موومينٽ جسفم مرڪز
ڪراچي:(پ-ر) جيئي سنڌ فريڊم موومينٽ (جسفم) چيئرمين سھيل ابڙو, وائيس جيئرمين زبير سنڌي, قائمقام سيڪريٽري جنرل امر آزادي, سوڍو سنڌي, حفيظ ديش ۽ پرھ سنڌو پنھنجي جاري ڪيل بيان ۾ چيو آھي تہ پنجاپ جي سنڌ ۾ والار تيزيء سان جاري آھي، جنھن جو سڌو سنئون ثبوت اهو آهي ته سنڌ جي 52713 ايڪڙ زمين جيڪا خيرپور ۾ نارو ريگستان جي 28000 ايڪڙ، ٺٽي جي 1000 ايڪڙ، سجاول ضلعي جي 3408، ٿرپارڪر،مٺي جي 10 ھزار ايڪڙ، جڏھن ته دادو ضلعي ۾ 9305 ايڪڙ وفاقي منصوبن لاء الاٽ ڪئي وئي آهي ۽ جنهن جي سنڌ جي نام نهاد نگران ڪابينا کان پڻ منظوري ورتي وئي آھي.
جيئي سنڌ فريڊم موومينٽ جي مرڪزي سينٽرل باڊي وڌيڪ چيو ته گذريل ويھن سالن کان سنڌ جي لکين ايڪڙ سرڪاري زمين پنجاب سامراج جي برپا ڪيل نام نهاد قانون لاڳو ڪندڙ ادارن پاران ٺاھيل ڪمپني ايم ايس گرين ڪارپوريشن جي قبضي ھيٺ آھي،
۽ ڄاڻايل سموري زمين جي سنڌ ۾ مقرر ڪيل ويڪائو ڊي سيز کان نه رڳي نشاندهي ۽ ليز ڪرائي وئي آهي, پر اهڙي ڪڌي عمل بعد سنڌ جي انهيء سموري زمين کي هڪ منظم سازش تحت ڳڙڪايو پيو وڃي, جڏهن ته اسان رياست جي اهڙي ڪڌي عمل کي سنڌي قوم جي پيرن ھيٺان زمين کسڪائڻ واري سازش سمجهندي سموري زمين پنهنجي قوم کي واپس ڪرائڻ جو وچن ٿا ڪريون۔
هنن وڌيڪ چيو تہ
جڏھن پنجاپ ۾ فوج کي زمين الاٽ ڪئي وئي ھئي ته لاھور ھاء ڪورٽ اھڙي فيصلي کي اهو چئي رد ڪيو هو ته پنجاب جي زمين پنجابي قوم جي امانت آهي, جنهن جو هڪ انچ به فوج کي نٿو ڏئي سگھجي.
جنهن بعد تخت لاهور پنڊي مطلب ته تخت پنجاپ جي نظر سنڌ جي زمين ۽ قدرتي معيشت سان مالا مال وسيلن تي آھي۔
ھنن اقوام متحده سميت عالمي ادارن ايمنسٽي انٽرنيشنل, ھيومن رائٽس جي عالمي ادارن کان سنڌ ۾ ٿيندڙ ظلمن ۽ ڌرتي ڌڻين کي کنڀي گم ڪرڻ توڙي پنجاپ جي سنڌ ۾ والار جو فوري نوٽيس وٺڻ جي اپيل پڻ ڪئي آھي,
ھنن وڌيڪ چيو ته جيڪڏهن سنڌ جي 52713 ايڪڙ زمين پنجابي فوج کي الاٽ ڪري ڏيڻ وارو فيصلو واپس نه ورتو ويو ته جيئي سنڌ فريڊم موومينٽ سموري سنڌ ۾ احتجاج ڪري پنجاپ جا رستا سيل ڪندي.
جيئي سنڌ فريڊم موومينٽ جسفم مرڪز
Jeay Sindh Freedom Movement JSFM
Voice Of Indus Nation
Jeay Sindh Freedom Movement JSFM
www.jsfmofficial.org
www.indusworld.news