10/07/2026
خراجِ تحسین و مبارک باد
گورنمنٹ پرائمری سکول شیر علی آباخیل کی پوری تدریسی ٹیم کی جانب سے محترم جناب افتاب عالم صاحب (PSHT) کو PSHT سے CT کے عہدے پر ترقی ملنے پر دلی مبارک باد پیش کرتے ہیں۔
آپ نے گورنمنٹ پرائمری سکول شیر علی آباخیل میں اپنی ذمہ داریاں نہایت دیانت داری، خلوص، محنت اور پیشہ ورانہ مہارت کے ساتھ انجام دیں۔ آپ کی بہترین تدریسی خدمات، خوش اخلاقی، وقت کی پابندی اور طلبہ کی تعلیمی و اخلاقی تربیت کے لیے بے لوث کاوشیں ہمیشہ ہمارے لیے باعثِ فخر رہیں گی۔
آپ کی ترقی آپ کی محنت، لگن اور صلاحیتوں کا بہترین اعتراف ہے۔ ہمیں یقین ہے کہ آپ اپنی نئی جائے تعیناتی گورنمنٹ ہائی سکول اسماعیل خیل آباخیل (GHS Ismail Khel Abba Khel) میں بھی اسی جذبے، اخلاص اور کامیابی کے ساتھ اپنی ذمہ داریاں نبھائیں گے اور ادارے کا نام روشن کریں گے۔
گورنمنٹ پرائمری سکول شیر علی آباخیل آپ کی گرانقدر خدمات کو ہمیشہ قدر کی نگاہ سے دیکھے گا اور آپ کے ساتھ گزارا ہوا وقت ہمیشہ خوشگوار یادوں کا حصہ رہے گا۔
اللہ تعالیٰ آپ کو صحت، خوشحالی، عزت اور مزید ترقیوں سے نوازے، آپ کے ہر قدم کو کامیابی سے ہمکنار فرمائے اور نئی ذمہ داریوں میں آپ کے لیے آسانیاں پیدا فرمائے۔
دل کی گہرائیوں سے مبارک باد اور نیک تمنائیں!
