13/07/2026
بتاريخ 12 جولاء 2026، 27 محرم الحرام 1448 ھجري بروز آچر بعد نماز عشاء شان اھل بيت و ايصال ثواب شھداء ڪربلا جي سلسلي ۾ جامع مسجد ڳوٺ قاسم ٻگھيو ۾ زير صدارت خليفه حاجي شاھد علي انصاري طاھري صدر ج ا م ضلع مٽياري، زير نگراني خطيب مسجد حافظ قاري شھباز علي ميمڻ طاھري جي، معززين ڳوٺ قاسم ٻگھيو جي طرفان عظيم الشان محفل منعقد ڪئي وئي.
تلاوت ڪلام پاڪ، نعت رسول مقبول صلي الله عليہ وسلم سان آغاز ڪيو ويو، ان کان بعد ثنا خواني جو شرف حافظ شھباز احمد ميمڻ طاھري ۽ حافظ (اسدالله) عاقب علي قمبراڻي جن حاصل ڪيو ۽ خطيب اھل سنت حضرت علامه و مولانا محمد موسي بروھي دامت برڪاتھم العاليہ جن خطاب ڪرڻ فرمايو. لنگر شريف تقسيم ڪري، صلوات و سلام کان بعد ايصال ثواب جي دعا گھري وئي.
پروگرام ۾ خليفه محمد وارث طاھري صاحب، حافظ محمد رحم علي طاھري صاحب ر ط ج، مولانا علي احمد شورو صاحب، اشفاق احمد ميمڻ قادري جن پڻ شرڪت ڪئي.
