PLDDB Official

11/10/2026

**پنجاب کی اعلیٰ نسلیں — ساہیوال گائے، پنجاب کا سرخ سونا!**

ساہیوال گائے پاکستان کی قیمتی مقامی نسلوں میں شمار ہوتی ہے، جو اپنی بہترین دودھ کی صلاحیت، سخت موسمی حالات برداشت کرنے کی قوت اور قدرتی مدافعت کے باعث دنیا بھر میں پہچانی جاتی ہے۔ یہ نسل پنجاب کے زرعی و لائیوسٹاک ورثے کی شان اور ڈیری فارمنگ کا قیمتی سرمایہ ہے۔

**ساہیوال نسل — فخرِ پنجاب، روشن مستقبل!**

08/10/2026

- چیف ایگزیکٹو آفیسر، پنجاب لائیو اسٹاک اینڈ ڈیری ڈویلپمنٹ بورڈ، علی ارشد رانا صاحب نے مورخہ 05 تا 08 اکتوبر 2026ء کولائیو اسٹاک ایکسپیریمنٹ اسٹیشن خضرآباد، سرگودھا کا تفصیلی دورہ کیا۔
- دورہ کے دوران ڈیری، شیپ، زرعی، باغبانی اور سائیلج کے شعبہ جات کا تفصیلی معائنہ کیا گیا۔
- ربیع فصلوں کی بروقت کاشت اور دستیاب زرعی رقبہ کے زیادہ سے زیادہ مؤثر استعمال کو یقینی بنانے کی ہدایت کی گئی۔
- زیرِ کاشت فصلوں اور زرعی سرگرمیوں کی روزانہ بنیادوں پر باقاعدہ نگرانی اور مسائل کے فوری ازالہ کی ہدایت کی گئی۔
- آبپاشی کی ضروریات پوری کرنے کے لیے دو پیٹر انجن اور چار نئے ٹیوب ویل کی تنصیب/فراہمی کے اقدامات کی ہدایت کی گئی۔
- تقریباً ایک ایکڑ پر مشتمل پرانے اور کم پیداواری امرود کے باغ کو ختم کرکے اس رقبہ پر نئے معیاری ترشاوہ پھلوں (Citrus) کے پودے لگانے کی ہدایت کی گئی۔
- سائیلج کی تیاری اور پیکنگ کے دوران صفائی، حفظانِ صحت اور معیار کے مقررہ اصولوں پر سختی سے عملدرآمد یقینی بنانے کی ہدایت کی گئی۔
- زرعی شعبہ کے ڈرائیور منصب علی کی محنت اور ذمہ دارانہ کارکردگی کو سراہتے ہوئے انہیں نقد انعام سے نوازا گیا۔
- افسران و عملہ کو محنت، نظم و ضبط، ذمہ داری، باہمی تعاون اور مؤثر نگرانی کے ذریعے فارم کی کارکردگی مزید بہتر بنانے کی ہدایت کی گئی۔

06/10/2026

بھیڑوں کی اون کی نیلامی — تقریباً 10 من

تجرباتی لائیو اسٹاک فارم خضر آباد، سرگودھا 17، 19 اور 21 اکتوبر 2026ء صبح 11:00 بجے

06/10/2026

🌽 لائیو اسٹاک ایکسپیریمنٹ اسٹیشن خضرآباد میں سائیلج کی تیاری کا آغاز

چیف ایگزیکٹو آفیسر، پنجاب لائیو اسٹاک اینڈ ڈیری ڈویلپمنٹ بورڈ (PLDDB)، علی ارشد رانا نے لائیو اسٹاک ایکسپیریمنٹ اسٹیشن خضرآباد میں سائیلج کی تیاری کے عمل کا آغاز کیا اور مختلف مراحل کا جائزہ لیا۔

اس موقع پر معیاری اور غذائیت سے بھرپور سائیلج کی تیاری اور معیار برقرار رکھنے کے لیے متعلقہ افسران کو ضروری ہدایات جاری کی گئیں۔

06/10/2026

🌳 لائیو اسٹاک ایکسپیریمنٹ اسٹیشن خضرآباد کے باغ کا دورہ

چیف ایگزیکٹو آفیسر، پنجاب لائیو اسٹاک اینڈ ڈیری ڈویلپمنٹ بورڈ (PLDDB)، علی ارشد رانا نے لائیو اسٹاک ایکسپیریمنٹ اسٹیشن خضرآباد کے باغ کا دورہ کیا اور باغ کی موجودہ صورتحال، خوبصورتی اور پیداواری صلاحیت کا تفصیلی جائزہ لیا۔

اس موقع پر باغ کی مجموعی حالت، خوبصورتی اور پیداواری صلاحیت کو مزید بہتر بنانے کے لیے متعلقہ افسران کو ضروری ہدایات جاری کی گئیں۔ بالخصوص خالی جگہوں پر نئے پودوں کی شجرکاری، موجودہ پودوں کی مناسب نگہداشت، باقاعدہ صفائی اور مؤثر دیکھ بھال کو یقینی بنانے پر خصوصی زور دیا گیا۔

چیف ایگزیکٹو آفیسر نے اس عزم کا اظہار کیا کہ خضرآباد فارم کے قدرتی ماحول، سبزہ زاروں اور باغات کو مزید خوبصورت، سرسبز اور پیداواری بنانے کے لیے عملی اقدامات کا سلسلہ جاری رکھا جائے گا۔

🌱 سرسبز خضرآباد — بہتر ماحول، بہتر پیداوار

02/10/2026

02/10/2026

اشتہاربرائے نیلامی
لائیوسٹاک ایکسپیریمنٹ اسٹیشن خضرآباد میں موجود پھل دار باغات، جن میں کینو، موسمی، فروٹر، امرود وغیرہ شامل ہیں، کی نیلامی عام مدت 5 ماہ کے لیے درج ذیل تاریخوں کو منعقد کی جائے گی:
10 اکتوبر 2026
12 اکتوبر 2026
14 اکتوبر 2026
وقت: دن 11:00 بجے
مقام: لائیوسٹاک ایکسپیریمنٹ اسٹیشن خضرآباد، سرگودھا
تمام خواہشمند افراد مقررہ تاریخ، وقت اور مقام پر نیلامی میں شرکت کر سکتے ہیں۔
#نیلامی