27/09/2026
*محکمہ موسمیات کی 29 ستمبر تک بارشوں کی پیش گوئی، کئی شہروں میں ژالہ باری اور سیلاب کا خدشہ*
محکمہ موسمیات نے بتایا ہے کہ 29 ستمبر تک مغربی ہواؤں کا سسٹم ملک کے بالائی علاقوں پر اثر انداز رہے گا۔
*کہاں بارش متوقع ہے؟*
اسلام آباد، خیبرپختونخوا، پنجاب، کشمیر اور گلگت بلتستان کے مختلف علاقوں میں رات کے وقت بارش کا امکان ہے۔ راولپنڈی، مری، گوجرانوالہ، اوکاڑہ، قصور، لاہور اور منڈی بہاؤالدین میں تیز ہواؤں اور گرج چمک کے ساتھ بارش اور ژالہ باری ہو سکتی ہے۔
خیبرپختونخوا کے شہروں باجوڑ، بنوں، بونیر، چارسدہ، ہری پور، کرک، خیبر، کوہاٹ، لکی مروت، ملاکنڈ، مردان، مہمند، نوشہرہ اور پشاور میں بھی بادل برسنے کی پیش گوئی ہے۔
*این ڈی ایم اے کا الرٹ:*
این ڈی ایم اے نے گلگت بلتستان میں استور، اسکردو، روندو، گھانچے، شگر اور آزاد کشمیر میں نیلم ویلی، حویلی، پونچھ، سدھنوتی جبکہ کے پی میں سوات، باجوڑ، دیر، کوہستان، بٹگرام اور مانسہرہ میں سیلابی صورتحال کا خدشہ ظاہر کیا ہے۔ شہریوں کو برساتی نالوں اور پانی میں ڈوبی سڑکوں کو عبور کرنے سے گریز کرنے کی ہدایت کی گئی ہے۔
سندھ اور بلوچستان میں موسم گرم اور خشک رہے گا، تاہم ساحلی علاقوں میں مطلع جزوی ابر آلود رہ سکتا ہے۔
Source: Daily Pakistan
